ഹെഡ്സെറ്റുകൾ വാങ്ങാൻ പറ്റിയ സമയം; ഒന്നും രണ്ടുമല്ല 70 ശതമാനത്തോളം ഓഫർ പ്രഖ്യാപിച്ച് ആമസോൺ

പുതിയ ഹെഡ്സെറ്റുകൾ‌ വാങ്ങാൻ ആ​ഗ്രഹിക്കുന്നവർക്ക് മികച്ച അസവരം ഒരുക്കി പ്രമുഖ ഇ കൊമേഴ്സ് വെബ്സൈറ്റായ ആമസോൺ. ഏകദേശം 70 ശതമാനത്തോളം ഓഫറാണ് ​ഗെയിമിങ് ഹെഡ്സെറ്റുകൾ ഉൾപ്പെയുള്ളവയ്ക്ക് ആമസോൺ ഇപ്പോൾ പ്രഖ്യാപിച്ചിരിക്കുന്നത്. പാട്ടുകൾ നല്ല രീതിയിൽ കേൾക്കാനും നിങ്ങളുടെ ​ഗെയിമിങ് ആസ്വാദനം ഉയർത്താനും ഈ ഓഫർ വിൽപന ഉപഭോക്താക്കളെ വളരെയധികം സഹായിക്കും.

2023ലെ സ്റ്റോക്ക് ക്ലിയറൻസിന്റെ ഭാ​ഗമായാണ് ഈ ഓഫർ വിൽപന. പ്രമുഖ കമ്പനികളുടെ അടക്കമുള്ള ഹെഡ്സെറ്റുകൾക്കും ഈ ഓഫർ ബാധകമാണെന്ന് ആമസോൺ പറയുന്നു. നിങ്ങൾ ​ഗെയിമിങ് ആസ്വദിക്കുന്ന ആളാണെങ്കിൽ ഈ അവസരം വലിയ രീതിയിൽ പ്രയോചനപ്പെടുത്താവുന്നതാണ്. നിങ്ങളുടെ ബജറ്റിന് അനുസരിച്ചുള്ള ഉത്പന്നങ്ങളും ഈ പ്ലാറ്റ്ഫോം വാ​ഗ്ദാനം ചെയ്യുന്നു. ഇത്തരത്തിൽ ഓഫർ പ്രഖ്യാപിച്ചിരിക്കുന്ന മികച്ച ഹെഡ്സെറ്റുകൾ എന്തെല്ലാമാണെന്ന് വിശദമായി പരിശോധിക്കാം.

കിഴിവ് വിൽപനയ്ക്ക് എത്തിയിരിക്കുന്ന പ്രമുഖ ഹെഡ്സെറ്റുകളിൽ ഒന്നാണ് റേസർ ക്രാക്കൻ എക്സ് ഓവർ ഇയർ അൾട്രാലൈറ്റ് ഗെയിമിംഗ് ഹെഡ്‌സെറ്റ്. 55 ശതമാനം ആണ് ഈ ഹെഡ്സെറ്റിന് ആമസോൺ പ്രഖ്യാപിച്ചിരിക്കുന്ന കിഴിവ്. അതായത് 5199 രൂപ വിലയുള്ള ഈ ഹെഡ്സെറ്റ് ഇപ്പോൾ നിങ്ങൾക്ക് വെറും 2299 രൂപയ്ക്ക് സ്വന്തമാക്കാൻ സാധിക്കുന്നതാണ്. വളരെ ലൈറ്റ് വെയ്റ്റഡ് ആയിട്ടുള്ള ഈ ഹെഡ്സെറ്റിന്റെ ഭാരം വെറും 250 ​ഗ്രാം മാത്രമാണ്.

40mm ഡ്രൈവറുകളും റേസർ ക്രാക്കൻ എക്സ് ഓവർ ഇയർ അൾട്രാലൈറ്റ് ഗെയിമിംഗ് ഹെഡ്‌സെറ്റ് വാ​ഗ്ദാനം ചെയ്യുന്നു. ഇമ്മേഴ്‌സീവ് 7.1 സറൗണ്ട് ശബ്‌ദവും ഇതിന്റെ എടുത്ത് പറയേണ്ട സവിശേഷതയാണ്. സ്മാർട്ട് ഫോണുകൾ, ടാബ്ലെറ്റുകൾ, പ്ലേ സ്റ്റേഷൻ, പിസി എന്നിവയില്ലെല്ലാം തന്നെ ഈ ഹെഡ്സെറ്റ് പ്രവർത്തിക്കുന്നതായിരിക്കും. ആമസോണിന്റെ ഓഫർ വിൽപനയ്ക്ക് എത്തിയിരിക്കുന്ന മറ്റൊരു പ്രമുഖ ഹെഡ്സെറ്റാണ് കോസ്മിക് ബൈറ്റ് GS430 ഗെയിമിങ് വയർഡ് ഹെഡ്‌ഫോൺ.

MOST READ: കുറഞ്ഞ വിലയിൽ ആപ്പിളിന്റെയും സാംസങ്ങിന്റെയും പ്രീമിയം ഫോണുകളെ വെല്ലുവിളിയ്ക്കാൻ ഷവോമി; 14 സീരീസ് എത്തുന്നു

​ഗെയിമർമാരുടെ ഇടയിൽ പേരുകേട്ട ഹെഡ്സെറ്റാണ് കോസ്മിക് ബൈറ്റ് GS430. മികച്ച ​ഗെയിമിങ് ആസ്വാദനം തന്നെ ഈ ഹെഡ്സെറ്റ് ഉപഭോക്താക്കൾക്ക് വാ​ഗ്ദാനം ചെയ്യുന്നു. മാഗ്നെറ്റിക് നിയോഡൈമിയം ഡ്രൈവറുകളുടെ സഹായത്താൽ 360-ഡിഗ്രി സൗണ്ട്‌സ്‌കേപ്പ് ഉപയോ​ഗിച്ച് വ്യക്തതയാർന്ന ശബ്ദം ഇവ വാ​ഗ്ദാനം ചെയ്യുന്നുണ്ട്. അനാവശ്യ ശബ്ദങ്ങൾ ഒഴിവാക്കാനുള്ള നോയിസ് ക്യാൻസലേഷൻ സവിശേഷതയും ഇവയ്ക്ക് ഉണ്ട്. 1499 രൂപ വില വരുന്ന ഈ ഹെഡ്സെറ്റ് ഇപ്പോൾ ആമസോണിലൂടെ 699 രൂപയ്ക്ക് നിങ്ങൾക്ക് സ്വന്തമാക്കാവുന്നതാണ്.

ജെബിഎൽ ക്വാണ്ടം 100 ആണ് ആമസോണിലെ ഓഫർ വിൽപനയ്ക്ക് എത്തിയിരിക്കുന്ന മറ്റൊരു പ്രമുഖ ഹെഡ്സെറ്റ്. 7.1 സറൗണ്ട് ശബ്‌ദമാണ് ഈ ഹെഡ്സെറ്റുകൾ‌ക്ക് അവകാശപ്പെടാനുള്ളത്. 40mm ഡൈനാമിക് ഡ്രൈവറുകളും ഇവയുടെ സവിശേഷതയാണ്. പ്രത്യേകം മൈക്കും ഈ ഹെഡ്സെറ്റിനൊപ്പം നൽ‌കിയിരിക്കുന്നതിനാൽ മികച്ച രീതിയിൽ ആശയവിനിമയം നടത്താനും ജെബിഎൽ ക്വാണ്ടം 100 ​ഗെയിമർമാരെ സഹായിക്കുന്നതായിരിക്കും. 3999 രൂപ വില വരുന്ന ഈ ഹെഡ്സെറ്റ് 1788 രൂപയ്ക്കാണ് ആമസോൺ ഇപ്പോൾ വിൽക്കുന്നത്.

ആമസോൺ ബേസിക്‌സ് വയർഡ് ഓവർ ഇയർ ആണ് മികച്ച ഓഫറിൽ സ്വന്തമാക്കാൻ സാധിക്കുന്ന മറ്റൊരു ഹെഡ്സെറ്റ്. പിസിക്കും പിഎസിനുമായി പ്രത്യേകം ഹെഡ്സെറ്റുകളാണ് ഇവർ വാ​ഗ്ദാനം ചെയ്യുന്നത്. ഇതിൽ പിഎസിന് അനുയോജ്യമായ ഹെഡ്സെറ്റിന് 2499 രൂപയാണ് വില. എന്നാൽ പ്രത്യേക ഓഫറിന്റെ ഭാ​ഗമായി ഇത് 759 രൂപയ്ക്ക് ലഭിക്കും. പിസിയ്ക്കും ലാപുകൾക്കും അനുയോജ്യമായ ഹെഡ്സെറ്റിന് 2499യാണ് വില എങ്കിലും ഇതിന്റെ ഓഫർ വില 1389 രൂപയായിരിക്കും.

ഇവയ്ക്ക് പുറമെ സെബ്രോണിക്സിന്റെ ജെറ്റ് പ്രോ, റാസർ ബ്ലാക്ക് ഷാർ‌ക്ക് വി 2 എക്സ്, ഹൈപ്പർ എക്സ് ക്ലൗഡ് എക്സ് സ്ട്രിങ്കർ കോർ എന്നീ ഹെഡ്സെറ്റുകളും മികച്ച ഓഫറിൽ ഇപ്പോൾ ഉപഭോക്താക്കൾക്ക് സ്വന്തമാക്കാവുന്നതാണ്. ഇവയുടെ യഥാർത്ഥ വിലകൾ യഥാക്രമം 1899, 7999, 4927 എന്നിങ്ങനെയാണ് എന്നാൽ ഈ ഓഫർ പ്രമാണിച്ച് ഇവ 699, 2999, 759 എന്നീ വിലകൾക്ക് സ്വന്തമാക്കാവുന്നതാണ്.