ആപ്പിൾ ഐഫോൺ 11 ചെന്നൈ പ്ലാന്റിൽ ഉത്പാദനം ആരംഭിച്ചു; വിലകുറവ് ലഭിച്ചേക്കാം

മുൻപ് ഫോക്സ്കോൺ ഐഫോൺ 7, ഐഫോൺ എക്‌സ്ആർ, ഐ ഫോൺ എസ്ഇ, ഐ ഫോൺ 6എസ് മോഡലുകൾ ശ്രീ പെരുമ്പുത്തൂരിലെ പ്ലാന്റിൽ നിർമിച്ചിരുന്നു. വെള്ളിയാഴ്ച, വാണിജ്യ വ്യവസായ മന്ത്രി പീയൂഷ് ഗോയലും വിവരസാങ്കേതിക മന്ത്രി രവിശങ്കർ പ്രസാദും ഈ നടപടിയെ പ്രശംസിച്ചു, "ആത്മനിർഭർ ഭാരതത്തിലേക്കുള്ള" ഗവൺമെന്റിന്റെ നീക്കത്തിന്റെ സ്ഥിരീകരണമാണിതെന്ന് പറഞ്ഞു. ഇന്ത്യയിൽ പുതുതായി പുറത്തിറക്കിയ സെക്കൻഡ് ജനറേഷൻ ഐഫോൺ എസ്ഇ ഹാൻഡ്‌സെറ്റുകൾ നിർമ്മിക്കാൻ ഒരുങ്ങുന്ന ആപ്പിളിന് ഇത് ഒരു പുതിയ യുഗത്തിന്റെ തുടക്കമാകുമെന്ന് ടെക് മാധ്യമ വൃത്തങ്ങൾ അറിയിച്ചു.

ആപ്പിളിന്റെ ലിസ്റ്റിലെ ഏറ്റവും വിലകുറഞ്ഞ ഈ ഹാൻഡ്‌സെറ്റിന് ആരംഭ വില 42,500 രൂപയിൽ നിന്നും ആരംഭിക്കുന്നു. സെപ്റ്റംബർ അവസാനത്തോടെ അടുത്ത ഫ്രണ്ട്ലൈൻ ആരംഭിക്കുന്നതിനുമുമ്പ് ഐഫോൺ വിൽപ്പന വർധിപ്പിക്കുമെന്ന് റിപ്പോർട്ടുകളുണ്ട്. ഐഫോൺ 11 ഫോക്‌സ്‌കോണിന്റെ ചെന്നൈ പ്ലാന്റിലാണ് അസംബിൾ പ്രക്രിയ നടത്തുക. നേരത്തേ ചൈനയിലെ പ്ലാന്റിൽ നിന്ന് ഉത്പാദിപ്പിച്ച ഐഫോൺ 11 മോഡലുകളായിരുന്നു ഇന്ത്യയടക്കമുള്ള വിപണികളിലെത്തിയിരുന്നത്. കൗണ്ടർപോയിന്റ് റിസർച്ചിന്റെ കണക്കനുസരിച്ച്, ഇന്ത്യയിൽ 2019 ന്റെ രണ്ടാം പകുതിയിൽ അതിവേഗം വളരുന്ന ബ്രാൻഡുകളിലൊന്നാണ് ആപ്പിൾ.

അതിന്റെ ഐഫോൺ എക്സ്ആർ മോഡലുകൾക്ക് പലതവണ വില കുറവ് ഉണ്ടായി. എക്സ്ആർ പോലുള്ള പുതിയ മോഡലുകളുടെ ഉത്പാദനം പ്രാദേശികവൽക്കരിക്കുന്നത് വില കുറയ്ക്കുകയാണ് ഉണ്ടായത്. 20 ശതമാനം സ്മാർട്ട്‌ഫോൺ ഉത്പാദനം ചൈനയിൽ നിന്ന് ഇന്ത്യയിലേക്ക് മാറ്റാൻ ആപ്പിൾ പദ്ധതിയിട്ടിരിക്കുന്നതിനാൽ ഉൽ‌പാദനവുമായി ബന്ധപ്പെട്ട പ്രോത്സാഹന പദ്ധതി സർക്കാർ പ്രഖ്യാപിച്ചതിനാൽ ഒരുക്കങ്ങൾ പുരോഗമിക്കുകയാണ്. ദക്ഷിണേന്ത്യയിൽ 7,500 കോടിയുടെ നിക്ഷേപത്തിനൊരുങ്ങി ആപ്പിൾ ഐഫോൺ നിർമാണ കരാറുകാരായ ഫോക്സ്കോൺ ഐഫോൺ എക്സ്ആർ ഇന്ത്യയിൽ നിർമിക്കാൻ ആരംഭിച്ച് 9 മാസത്തിന് ശേഷമാണ് ഇപ്പോൾ ഐഫോൺ എക്സ്ആർ മോഡലിന്റെ ഉത്പാദനവും രാജ്യത്ത് തുടങ്ങുന്നത്.

2017 മേയ് മാസത്തിലാണ് ആപ്പിൾ ഫോണുകൾ ആദ്യമായി ഇന്ത്യയിൽ നിർമിക്കാൻ ആരംഭിച്ചത്. ബംഗലൂരുവിലെ വിസ്‌ട്രോണിന്റെ യൂണിറ്റിൽ ഐഫോൺ എസ്ഇ ആയിരുന്നു നിർമിച്ചത്. ഇത് പിന്നീട് രാജ്യത്തെ ഫോക്സ്കോണിന്റെ പ്ലാന്റുകളിലും ഫോണുകൾ നിർമിക്കാൻ തുടങ്ങി. കഴിഞ്ഞ വർഷം ഒക്ടോബറിൽ ആപ്പിൾ ഐഫോൺ എക്സ്ആർ ഇന്ത്യയിൽ പ്രാദേശികമായുള്ള നിർമാണം ആരംഭിച്ചു. സെപ്റ്റംബർ മാസത്തിലെ റെക്കോർഡ് വിൽപ്പനയെത്തുടർന്ന്, ഐഫോൺ, ഐപാഡ്, മാക്ബുക്ക് എന്നിവയുടെ നിർമ്മാതാവ് 2019 ഒക്ടോബർ-ഡിസംബർ കാലയളവിൽ ശക്തമായ പ്രകടനം കാഴ്ചവച്ചു.

ഫോക്‌സ്‌കോൺ, വിസ്‌ട്രോൺ, പെഗട്രോൺ എന്നീ കമ്പനികൾക്കാണ് ഐഫോൺ ഉത്പാദനത്തിനായി ആപ്പിൾ കരാർ അനുവദിച്ചിട്ടുള്ളത്. ഇന്ത്യയിലുള്ള, ഐഫോൺ മോഡലുകൾ അസംബിൾ ചെയ്യുന്ന ഫാക്ടറി കൂടുതൽ സൗകര്യപ്രദമാക്കുന്നതിനായി 100 കോടി ഡോളർ വരെ നിക്ഷേപിക്കാൻ ഫോക്‌സ്‌കോൺ പദ്ധതിയിടുന്നതായി റിപ്പോർട്ടുകൾ പറയുന്നു. കഴിഞ്ഞ വർഷം ഏപ്രിൽ മുതൽ സ്വീകരിച്ച നടപടികൾ 2019 ജൂലൈ മുതൽ പൂർത്തീകരിക്കുവാൻ തുടങ്ങി. ആഡംബര വിഭാഗത്തിൽ ആപ്പിളിന് 2-3 ശതമാനം പോയിന്റ് വർദ്ധിച്ച് 52-53 ശതമാനമായി ഉയർന്നുവെന്ന് അനലിസ്റ്റ് കമ്പനിയായ ടെക് ആർക്ക് പറഞ്ഞു.