ഒരു ലോഡ് സാധനങ്ങൾ ഉണ്ട്! ഏറെ പ്രതീക്ഷയോടെ കാത്തിരുന്ന ആപ്പിൾ ഇവന്റ് ഉടൻ

വളരെ പ്രതീക്ഷയോടെ കാത്തിരിക്കുന്ന ആപ്പിൾ പ്രോഡക്ട് ലോഞ്ച് ഇവൻ്റ് ബ്ലൂംബെർഗിൻ്റെ മാർക്ക് ഗുർമാൻ പറയുന്നത് അനുസരിച്ച്, 2024 സെപ്തംബർ 10ന് ഹോസ്റ്റ് ചെയ്യുമെന്ന് പ്രതീക്ഷിക്കുന്നു. ഈ തീയതി കമ്പനി ഇത് വരെ സ്ഥിരീകരിച്ചിട്ടില്ല എങ്കിലും, കാലിഫോർണിയയിലെ ആപ്പിൾ പാർക്കിലെ സ്റ്റീവ് ജോബ്സ് തിയേറ്ററിൽ പരിപാടി നടക്കുമെന്ന് ഗുർമാൻ്റെ റിപ്പോർട്ട് സൂചിപ്പിക്കുന്നു. ഐഫോൺ 16 സീരീസ്, ആപ്പിൾ വാച്ച് സീരീസ് 10, 4ത്ത് ജനറേഷൻ എയർപോഡുകൾ എന്നിവ ഉൾപ്പെടെയുള്ള സുപ്രധാന പ്രഖ്യാപനങ്ങളെ കുറിച്ച് ലീക്ക് വിശദാംശങ്ങൾ സൂചന നൽകി.

സാധാരണ പോലെ, ഇവൻ്റ് അതിൻ്റെ ഔദ്യോഗിക വെബ്‌സൈറ്റിലും YouTube ചാനലിലും തത്സമയ സ്ട്രീം ചെയ്യപ്പെടുമെന്ന് പ്രതീക്ഷിക്കുന്നു. പുറത്ത് വന്ന ലീക്ക് റിപ്പോർട്ട് അനുസരിച്ച്, ലോഞ്ച് രാവിലെ 10 AM PT സജ്ജീകരിച്ചിരിക്കുന്നു. ഇത് ഇന്ത്യൻ പ്രേക്ഷകർക്കായി രാത്രി 10.30ന് ആയിരിക്കും സംപ്രേഷണം ചെയ്യുക.

ഐഫോൺ 16 സീരീസ് സെപ്റ്റംബർ 10ന് നടക്കുന്ന ആപ്പിളിൻ്റെ ഇവൻ്റിലെ ഹൈലൈറ്റായിരിക്കുമെന്ന് പ്രതീക്ഷിക്കുന്നു. അതിൽ നിരവധി ശ്രദ്ധേയമായ അപ്‌ഡേറ്റുകളും ഉണ്ടാകും. ഐഫോൺ 16 ലൈനപ്പ് ഒരു പുതിയ A18 സീരീസ് ചിപ്പ് ഉപയോഗിച്ച് പ്രവർത്തിക്കും എന്ന് പ്രതീക്ഷിക്കുന്നു. ഈ പുതിയ പ്രോസസർ സ്റ്റാൻഡേർഡ്, പ്രോ മോഡലുകൾക്കായി വ്യത്യസ്ത കോൺഫിഗറേഷനുകളിൽ വരും. ഗ്രാഫിക്സ് പെർഫോമൻസ് മെച്ചപ്പെടുത്തുന്നതിനായി പ്രോ വേർഷനുകളിൽ അധിക ജിപിയു കോറുകൾ ഉണ്ടായിരിക്കും.

വലിയ ഹാർഡ്‌വെയർ മാറ്റങ്ങൾ പ്രതീക്ഷിക്കുന്നില്ലെങ്കിലും, ഐഫോൺ 16 പ്രോ നിലവിലെ പ്രോ മാക്‌സ് മോഡലിൽ കാണുന്ന പെരിസ്‌കോപ്പിക് ടെലിഫോട്ടോ ലെൻസ് നിലനിർത്താൻ സാധ്യതയുണ്ട്. ഇത് 5x ഒപ്റ്റിക്കൽ സൂം വാഗ്ദാനം ചെയ്യുന്നു. സ്റ്റാൻഡേർഡ് മോഡലുകൾ ക്യാമറ മൊഡ്യൂൾ അലൈന്മെന്റിൽ മാറ്റം കാണും. സെൻസറുകൾ ഡയഗണലായി അല്ല മറിച്ച് വെർട്ടിക്കൽ ആയി ക്രമീകരിച്ചിരിക്കുന്നു.

ഐഫോൺ 15 പ്രോ മോഡലുകൾക്കൊപ്പം അവതരിപ്പിച്ച ആക്ഷൻ ബട്ടൺ ഐഫോൺ 16, ഐഫോൺ 16 പ്ലസ് എന്നിവയിൽ ഉൾപ്പെടുത്തുമെന്ന് പ്രതീക്ഷിക്കുന്നു. ഈ ബട്ടൺ ട്രഡീഷണൽ മ്യൂട്ട് സ്വിച്ചിനെ റീപ്ലെസ് ചെയ്ത് പുതിയ ഫങ്ക്ഷൻ കൊണ്ടുവരുമെന്ന് പ്രതീക്ഷിക്കുന്നു. അത് കൂടാതെ, ആപ്പിൾ വാച്ച് സീരീസ് 10 നിരവധി അപ്‌ഡേറ്റുകളോടെ പ്രത്യക്ഷപ്പെടുമെന്ന് പ്രതീക്ഷിക്കുന്നു.

വലിയ വലിപ്പത്തിലുള്ള ഓപ്ഷനുകൾ പുതിയ ആപ്പിൾ വാച്ച് 10 സീരീസിൽ വരും. ചെറിയ മോഡൽ 41 മില്ലീമീറ്ററിൽ നിന്ന് 45 മില്ലീമീറ്ററായി വർദ്ധിക്കും. വലിയ മോഡൽ 45 മില്ലീമീറ്ററിൽ നിന്ന് 49 മില്ലീമീറ്ററായി ഉയരും. ഈ മാറ്റം മെലിഞ്ഞ കെയ്‌സ് ഡിസൈനിനും കാരണമാകും.

പുതുക്കിയ മോഡലുകളിൽ കുറഞ്ഞ താപനിലയുള്ള പോളിക്രിസ്റ്റലിൻ ഓക്സൈഡ് (LTPO) സാങ്കേതികവിദ്യയുള്ള OLED ഡിസ്പ്ലേകൾ ഫീച്ചർ ചെയ്യും. ഇത് ബാറ്ററി ലൈഫും ഡിസ്പ്ലേ പ്രകടനവും മെച്ചപ്പെടുത്തുന്നതിന് ഡൈനാമിക് റിഫ്രഷ് റേറ്റ് സെറ്റിംഗ്സ് അനുവദിക്കുന്നു. പുതിയ S10 ചിപ്പ് സമർപ്പിത ന്യൂറൽ എഞ്ചിൻ (ന്യൂറൽ പ്രോസസ്സിംഗ് യൂണിറ്റ്) ഉള്ള ഒരു പുതിയ S10 ചിപ്പ് ഉൾപ്പെടുത്തുമെന്ന് പ്രതീക്ഷിക്കുന്നു. ഇത് AI പ്രോസസ്സിംഗ് കഴിവുകൾ വർദ്ധിപ്പിക്കുകയും ആരോഗ്യ നിരീക്ഷണവും മറ്റ് സവിശേഷതകളും മെച്ചപ്പെടുത്തുകയും ചെയ്യും.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.