വിലയോ തുച്ഛം, ഗുണമോ മെച്ചം; ബാക്ക് ടു സ്കൂൾ ഓഫറുമായി ആപ്പിൾ

കൂടാതെ ഈ ഉൽപന്നങ്ങൾക്കൊപ്പം ഫ്രീ ഷോപ്പിങ് മോഡിൽ എയർപോഡ് സൗജന്യമായി സ്വന്തമാക്കാനും അ‌വസരമുണ്ട്. എന്നാൽ ഈ ഓഫറിനോട് അ‌നുബന്ധിച്ച് ഐ​ഫോണിന് യാതൊരു ഡിസ്കൗണ്ടും ആപ്പിൾ നൽകുന്നില്ല. എന്നാൽ ഐഫോൺ 13 ന്റെയും ഐഫോൺ 12 സീരീസിന്റെയും വിലയിൽ ആപ്പിൾ നേരത്തെ തന്നെ കുറവ് വരുത്തിയിട്ടുണ്ട്.

വിദ്യാർഥികൾക്ക് ബാക്ക് ടു സ്കൂൾ ഓഫർ സ്കീമിന്റെ ആനുകൂല്യങ്ങൾ ലഭിക്കണമെങ്കിൽ യുണിഡെയ്സ് (UNiDAYS ) എന്ന വെബ് ​സൈറ്റ് സന്ദർശിച്ച ശേഷം പ്രൊ​ഫൈൽ ക്രിയേറ്റ് ചെയ്യണം എന്നാണ് നിർദേശം. കൂടാതെ വിദ്യാർഥികൾ തങ്ങളുടെ തിരിച്ചറിയൽ കാർഡിന്റെ നമ്പരും കോളജിന്റെ അ‌ഡ്രസ് ഉൾപ്പെ​ടെയുള്ള വിശദാംശങ്ങളും ​സൈറ്റിൽ നൽകേണ്ടതുണ്ട്.

ഒരു തവണ ഈ ​സൈറ്റിൽ പ്രൊ​​ഫൈൽ ക്രിയേറ്റ് ചെയ്തുകഴിഞ്ഞാൽ വിദ്യാർഥികൾക്ക് ആവശ്യമുള്ള മാക് ബുക്ക് അ‌ല്ലെങ്കിൽ ഐപാഡ് മോഡൽ സെലക്ട് ചെയ്ത് വാങ്ങാനുള്ള സാധനങ്ങളുടെ പട്ടികയിലേക്ക് ചേർക്കാം. ആപ്പിൾ ഇന്ത്യയുടെ യുണിഡെയ്സ് (UNiDAYS ) വെബ്​സൈറ്റിൽ മാത്രമാണ് ഈ ഓഫർ ലഭ്യമാകുക എന്നാണ് ആപ്പിൾ അ‌റിയിച്ചിരിക്കുന്നത്.

ആപ്പിൾ ബാക്ക് ടു സ്കൂൾ ഓഫർ ആനുകൂല്യങ്ങൾ

ബാക്ക് ടു സ്കൂൾ ഓഫറിൽ താൽപര്യമുള്ള ഉപഭോക്താക്കൾ തങ്ങൾ ഓഫറിന് അ‌ർഹരാണ് എന്ന് രേഖകൾ സഹിതം തെളിയിക്കുകയാണ ് ആദ്യം ചെയ്യേണ്ടത്. അ‌ങ്ങനെ യോഗ്യത തെളിയിക്കുന്നവർക്ക് മാത്രം ആണ് ഓഫർ ആനുകൂല്യങ്ങൾ ലഭിക്കുക. മാക് ബുക്ക് എയർ എം1 (MacBook Air- M1) 89,9000 രൂപയ്ക്കാണ് ഈ ഓഫർ വഴി ലഭിക്കുക. ഇതിന് ഓഫർ ഇല്ലാതെയുള്ള വില 99,900 രൂപയാണ്.

അ‌തേ​പോലെ തന്നെയാണ് മാക്ബുക്ക് എയർ എം2 (MacBook Air- M2) വിന്റെ വിലയും വരുന്നത്. സാധാരണ 1,19,900 രൂപയ്ക്ക വിൽക്കുന്ന ഈ എയർ എം2 മാക്ക്ബുക്കിന് ഓഫർ വിലയായി 1,09,900 രൂപ ആണ് നിശ്ചയിച്ചിരിക്കുന്നത്. അ‌തായത് പതിനായിരം രൂപയോളം ഓഫർ വിലയായി കുറച്ച് ഉൽപന്നം സ്വന്തമാക്കാം.

മാക്ബുക്ക് പ്രോയിലേക്ക് എത്തുമ്പോൾ മൂന്ന് വ്യത്യസ്ത ഇഞ്ചുകളുടെ മോഡലുകളാണ് വിൽപ്പനയ്ക്ക് ഉള്ളത്. 13 ഇഞ്ച്, 14 ഇഞ്ച്, 16 ഇഞ്ച് എന്നീ മോഡലുകളാണ് അ‌വ. യഥാക്രമം 1,29,900 രൂപ, 1,94,900രൂപ, 2,39,900 രൂപ എന്നീ ​വിലകളാണ് ഈ മൂന്നു മോഡലുകൾക്ക് വിപണിയിലുള്ളത്. എന്നാൽ ബാക്ക് ടു സ്കൂൾ ഓഫറിൽ ഇവയ്ക്ക് 20000 രൂപയോളം ഡിസ്കൗണ്ട് ലഭ്യമാണ്.

ഓഫർ വില നോക്കിയാൽ 1,29,900 രൂപയുടെ മോഡൽ 1,19,900, രൂപയ്ക്കും, 1,94,900രൂപയുടെ മോഡൽ 1,75,410 രൂപയ്ക്കും, 2,39,900 രൂപയുടെ മോഡൽ 2,15,910 രൂപയ്ക്കും ലഭിക്കും. കൂടാതെ 1,9,900 രൂപയു​​ടെ ഐമാക് ബാക് ടു സ്കൂൾ ഓഫറിൽ 1,07,920 രൂപ വിലയിൽ ലഭ്യമാക്കിയിട്ടുണ്ടെന്നും ആപ്പിൾ പറയുന്നു.

കൂടാതെ ഐപാഡുകൾ വാങ്ങാൻ താൽപ്പര്യമുള്ളവർക്ക് ഷോപ്പിംഗ് മോഡിൽ ഐപാഡ് എയർ 50,780 ലഭിക്കും. 54,900 രൂപയാണ് ഇതിന്റെ വിപണി വില. ഐപാഡ് പ്രോ മോഡലും ബാക്ക് ടു സ്കൂൾ ഓഫറിൽ വിൽപ്പനയ്ക്കുണ്ട്. 71,900 രൂപ വിലയുള്ള ഈ മോഡൽ വിദ്യാർഥികൾക്ക് 68,300 രൂപയ്ക്ക് ഓഫർ വിലയിൽ വാങ്ങാം.

ഇവയ്ക്കെല്ലാം പുറമേ, ആപ്പിൾ പെൻസിൽ, സ്മാർട്ട് കീബോഡ്, ആപ്പിൾ ​കെയർ+ സബ്സ്ക്രിപ്ഷൻ, എന്നിവയെല്ലാം 20 ശതമാനം ഡിസ്കൗണ്ടിൽ വാങ്ങാനുള്ള സൗകര്യവും ആപ്പിൾ ബാക്ക് ടു സ്കൂൾ ഓഫറിൽ നൽകിയിരിക്കുന്നു. ആപ്പിൾ ടിവിയു​ടെ ഫ്രീ സബ്സ്ക്രിപ്ഷനോ​ടെ ആപ്പിൾ സ്റ്റുഡന്റ് മ്യൂസിക് പ്ലാനും ഓഫറിൽ ലഭ്യമാണ്.