ഹൃദയാഘാതം കണ്ടെത്തുന്നതിനുള്ള ഉപകരണം ആപ്പിള്‍ വികസിപ്പിക്കുന്നു?

Posted By:

ഐഫോണും ഐ പാഡും കൊണ്ട് വിപ്ലവം സൃഷ്ടിച്ച ആപ്പിള്‍ ഹൃദയാഘാതം നേരത്തെ കണ്ടെത്തുന്നതിനുള്ള ഉപകരണം നിര്‍മിക്കുന്നതായി റിപ്പോര്‍ട്. ധമനികളിലെ രക്തസഞ്ചാരം പരിശോധിച്ചാണ് ഇത് സാധ്യമാക്കുന്നത്. ശരീരത്തില്‍ ധരിക്കാവുന്ന ഉപകരണമായിരിക്കും ഇത് എന്നും റിപ്പോര്‍ട് ഉണ്ട്. അതുകൊണ്ടുന്നെ ഏറെക്കാലമായി പറഞ്ഞു കേള്‍ക്കുന്ന ആപ്പിള്‍ ഐ വാച്ചില്‍ ആയിരിക്കും ഈ സംവിധാനം ഉണ്ടാവുക എന്നും കേള്‍ക്കുന്നുണ്ട്.

ഹൃദയാഘാതം കണ്ടെത്തുന്നതിനുള്ള ഉപകരണം ആപ്പിള്‍ വികസിപ്പിക്കുന്നു?

സെന്‍സറുകളുടെ സഹായത്തോടെ രക്തചലനവും ശബ്ദവും എരിശോധിച്ചാണ് ഹൃദയാഘാതത്തിനുള്ള സാധ്യത കണ്ടെത്തുക. മെഡിക്കല്‍ ഡിവൈസ് എക്‌സ്‌പേര്‍ടായ മാര്‍സലോ മാലിനി ലാമെഗോയെ അടുത്തിടെ ആപ്പിള്‍ കമ്പനിയില്‍ എടുത്തിരുന്നു. ഇതും പുതിയ വാര്‍ത്തകള്‍ക്ക് വിശ്വാസ്യത വര്‍ദ്ധിപ്പിക്കുന്നു.

ഐഫോണുകള്‍ക്കും ഐ പാഡുകള്‍ക്കും പുറമെ വേറിട്ട ചില ഉത്പന്നങ്ങള്‍ കൂടി ആപ്പിള്‍ നിര്‍മിക്കുന്നുണ്ടെന്നും ഈ വര്‍ഷംതന്നെ അവ പുറത്തിറങ്ങുമെന്നും അടുത്തിടെ ആപ്പിള്‍ സി.ഇ.ഒ ടിം കുക് ഒരു അഭിമുഖത്തില്‍ പറയുകയും ചെയ്തിരുന്നു.

കടപ്പാട്: Mashable.com

Social Counting

ബ്രേക്ക് ന്യൂസ് അറിയിപ്പുകള് നേടൂ. - Malayalam Gizbot