സ്വകാര്യ വിവരങ്ങള്‍ ചോര്‍ത്തുന്ന 200-ലധികം ആപുകള്‍ ആപ്പിള്‍ പുറന്തളളി..!

ആപ്പിള്‍ അവരുടെ ആപ് സ്റ്റോറില്‍ നിന്ന് 200-ലധികം ആപുകള്‍ നീക്കം ചെയ്തു.

യോമി എന്ന ചൈനിസ് കമ്പനി നിര്‍മിച്ച സോഫ്റ്റ്‌വെയര്‍ ഡെവലപ്‌മെന്റ് കിറ്റ് ഉപയോഗിച്ച് രൂപം കൊടുത്ത ആപുകള്‍ വ്യക്തികളുടെ സ്വകാര്യ വിവരങ്ങള്‍ ചോര്‍ത്തുന്നതായി കണ്ടെത്തിയതിനെ തുടര്‍ന്നാണ് ഇവ നീക്കം ചെയ്തത്.

ഇത്തരം ആപുകള്‍ ഉപയോഗിക്കുന്നവരുടെ സ്വകാര്യ വിവരങ്ങള്‍ ആപിന്റെ നിര്‍മാതാക്കളുടെ കമ്പനിയുടെ സര്‍വറില്‍ എത്തുമെന്നാണ് ആപ്പിള്‍ വ്യക്തമാക്കുന്നത്.

ഒരു ദശലക്ഷത്തോളം ഐഫോണുകളില്‍ ഉപയോഗിക്കുന്ന 252 ആപുകളാണ് നീക്കം ചെയ്തിട്ടുളളത്.