കൊച്ചിയില്ല; ലോകത്തെ മികച്ച ടെക്ക് നഗരങ്ങളില്‍ ബാംഗ്ലൂര്‍ 12-ആം സ്ഥാനത്ത്...!

By Sutheesh

Published: Thursday, July 9, 2015, 11:35 [IST]

സാങ്കേതികത ലോകമെങ്ങും തഴച്ച് വളരുന്ന കാഴ്ചയാണ് നമ്മള്‍ കാണുന്നത്. ഇന്ത്യയും ഇക്കാര്യത്തില്‍ മികച്ച പ്രകടനമാണ് കാഴ്ചവയ്ക്കുന്നത്. ബാംഗ്ലൂര്‍ ലോകത്തെ ഏറ്റവും മികച്ച ടെക്ക് നഗരങ്ങളുടെ 20 അംഗ പട്ടികയില്‍ 12-ആം സ്ഥാനത്താണ് എത്തിയിരിക്കുന്നത്.

ഡല്‍ഹിയും, മുംബൈയും മികച്ച ടെക്ക് നഗരങ്ങളുടെ പട്ടികയില്‍ ഇടം നേടാന്‍ ശക്തമായ മത്സരമാണ് കാഴ്ചവയ്ക്കുന്നത്. കേരളത്തിന്റെ ടെക്ക് തലസ്ഥാനമായി അറിയപ്പെടുന്ന കൊച്ചി ഈ പട്ടികയില്‍ ഇടം നേടാനുളള അര്‍ഹതയുടെ അടുത്തൊന്നും എത്തിയിട്ടില്ലെന്നത് മലയാളികളെ സംബന്ധിച്ച് സങ്കടകരമായ കാര്യമാണ്.

അന്താരാഷ്ട്ര വസ്തു ഇടപാടുകളിലെ ഉപദേശക കമ്പനിയായ ജോണ്‍സ് ലാങ് ലാസല്ലെ (ജെഎല്‍എല്‍) ആണ് ഇതു സംബന്ധമായ സര്‍വേ നടത്തിയത്.

സാമ്പത്തിക ഭദ്രത, ഇന്റര്‍നെറ്റ് ലഭ്യത, കോര്‍പറേറ്റ് സാന്നിധ്യം, നിര്‍മാണം, വസ്തുക്കളുടെ വില നിലവാരം, റിയല്‍ എസ്റ്റേറ്റ് നിക്ഷേപങ്ങള്‍, ബിസിനസ്സ് സ്റ്റാര്‍ട്ട് ആപ്പുകള്‍, സാങ്കേതികത, പരിസ്ഥിതി, വിദ്യഭ്യാസം, ഗവേഷണവും വികസനവും തുടങ്ങിയ കാര്യങ്ങളെ അടിസ്ഥാനമാക്കിയാണ് ലോകത്തെ മികച്ച ടെക്ക് നഗരങ്ങളെ ജെഎല്‍എല്‍ പട്ടികപ്പെടുത്തിയിരിക്കുന്നത്.

ചൈനയില്‍ നിന്ന് 7 നഗരങ്ങളും, അമേരിക്കയില്‍ നിന്ന് 4 നഗരങ്ങളും ഈ പട്ടികയില്‍ ഇടം കണ്ടിരിക്കുന്നു.

ലോകത്തെ മികച്ച ടെക്ക് നഗരങ്ങളെ പരിചയപ്പെടുന്നതിന് സ്ലൈഡറിലൂടെ നീങ്ങുക.