ബാറ്റിൽഗ്രൗണ്ട് മൊബൈൽ ഇന്ത്യ അവതരിപ്പിച്ചു: ഗൂഗിൾ പ്ലേയിൽ നിന്നും ഡൗൺലോഡ് ചെയ്യുന്നതെങ്ങനെ?

തേർഡ് പാർട്ടി സ്റ്റോറുകളിൽ നിന്ന് ബാറ്റിൽഗ്രൗണ്ട് മൊബൈൽ ഇന്ത്യ ആപ്പ് ഡൗൺലോഡ് ചെയ്യേണ്ട ആവശ്യമില്ല. ക്രാഫ്റ്റൺ ബാറ്റിൽഗ്രൗണ്ട് മൊബൈൽ ഇന്ത്യ ഐഒഎസ് അപ്ലിക്കേഷൻ പ്രഖ്യാപിക്കുന്നത് വരെ ഐഫോൺ ഉപയോക്താക്കൾക്ക് കാത്തിരിക്കേണ്ടിവരുമെന്നാണ് ഇതിനർത്ഥം. അതേക്കുറിച്ച് ഉടൻ തന്നെ ഒരു ഔദ്യോഗിക അറിയിപ്പ് പ്രതീക്ഷിക്കാവുന്നതാണ്. അതേസമയം, ആദ്യകാല ആക്‌സസ്സ് എഡിഷൻ ഡൗൺലോഡ് ചെയ്‌ത ആൻഡ്രോയ്‌ഡ് ഉപയോക്താക്കൾക്ക് അപ്ലിക്കേഷൻറെ പ്ലേ സ്റ്റോർ ലിസ്റ്റിംഗ് സന്ദർശിച്ച് അപ്‌ഡേറ്റ് ചെയ്യാനാകും. നിങ്ങൾ ഡൗൺലോഡ് ചെയ്‌തുകഴിഞ്ഞാൽ കോൺസ്റ്റബിൾ സെറ്റ് (ശാശ്വതമായി) ശേഖരിക്കാൻ കഴിയും.

ഇത് ഇൻ-ഗെയിം ഇവന്റ് വിഭാഗത്തിൽ നിന്ന് 10 ദശലക്ഷം ഡൗൺലോഡുകൾക്കുള്ള പ്രതിഫലമാണ്. ഓഗസ്റ്റ് 19 വരെ ‘ബാറ്റിൽഗ്രൗണ്ട് മൊബൈൽ ഇന്ത്യ' ഗിഫ്റ്റ് റിവാർഡ്, 1 ദശലക്ഷം, 5 ദശലക്ഷം ഡൗൺലോഡ് റിവാർഡ് എന്നിവ ശേഖരിക്കുന്നതിനുള്ള കാലാവധി ക്രാഫ്റ്റൺ നീട്ടിയിട്ടുണ്ട്. ഗെയിം ഇവിടെയും അവിടെയുമായി കുറച്ച് മാറ്റങ്ങളോടെ പബ്‌ജി മൊബൈലുമായി വളരെ സാദൃശ്യം പുലർത്തുന്നു. ആദ്യകാല ഗെയിമുകൾ പോലെ പുതിയ ഗെയിമിൽ വലിയ മാറ്റങ്ങളൊന്നും വരുത്തിയിട്ടില്ലെന്നും അവയിൽ വരുത്തിയവ പച്ച രക്തം പോലെയുള്ള കോസ്‌മെറ്റിക്കുകൾ ആണെന്നും സൂചിപ്പിക്കുന്നു.

നിങ്ങളുടെ ഡാറ്റ പബ്‌ജി മൊബൈലിൽ നിന്ന് പുതിയ ഗെയിമിലേക്ക് കൈമാറാനും തുടർന്ന് കളി തുടരാനും സാധിക്കുമെന്ന് ക്രാഫ്റ്റൺ പ്രഖ്യാപിച്ചു. സിംഗപ്പൂരിലെ സെർവറുകളിൽ ഡാറ്റ ക്രാഫ്റ്റണിനൊപ്പം സുരക്ഷിതമായി സ്റ്റോർ ചെയ്യും. ചൈനയിലെ ടെൻസെന്റ് സെർവറുകളിലേക്ക് ബിജിഎംഐ ഡാറ്റ അയയ്ക്കുന്നുവെന്ന് മുമ്പ് അവകാശപ്പെട്ടിരുന്നു. എന്നാൽ, ക്രാഫ്റ്റൺ പെട്ടെന്ന് പ്രതികരിക്കുകയായിരുന്നു, ചൈനയിൽ നിന്ന് ഡാറ്റ അയയ്ക്കുന്നതിനും സ്വീകരിക്കുന്നതിനുമുള്ള പ്രശ്നം പരിഹരിക്കുന്ന ഒരു ചെറിയ അപ്‌ഡേറ്റ് പുറത്തിറക്കിയിട്ടുണ്ട്.