ബാങ്കിങ് വിവരങ്ങള്‍ ചോര്‍ത്തുന്ന വൈറസ് ഇന്ത്യയിലെ ഇന്റര്‍നെറ്റ് ഉപയോക്താക്കളില്‍ പടരുന്നു...!

1

ഇന്ത്യയുടെ ഔദ്യോഗിക സൈബര്‍ സെക്യൂരിറ്റി ഏജന്‍സിയായ കമ്പ്യൂട്ടര്‍ എമര്‍ജന്‍സി റെസ്‌പോണ്‍സ് ടീം ഓഫ് ഇന്ത്യയാണ് (സിഇആര്‍ടി-ഇന്‍) ഇത്തരത്തിലുളള മുന്നറിയിപ്പ് നല്‍കുന്നത്.

2

ഇമെയില്‍ വിവരങ്ങളും, ബാങ്കിങ് വിവരങ്ങള്‍ ചോര്‍ത്തിയെടുക്കുന്ന വൈറസുകളാണ് ഇന്ത്യന്‍ ഇന്റര്‍നെറ്റ് ഉപയോക്താക്കളുടെ ഇടയില്‍ വ്യാപകമായി പരക്കുന്നതെന്ന് സിഇആര്‍ടി-ഇന്‍ പറയുന്നു.

3

ഗൊള്‍റൊട്ടഡ് (Golroted) എന്നാണ് വൈറസിന് പേര് നല്‍കിയിരിക്കുന്നത്.

4

ട്രോജന്‍ വിഭാഗത്തില്‍ പെടുന്ന വൈറസാണ് ഇത്.

5

വൈറസ് എന്ന് തോന്നാത്ത തരത്തില്‍ സാധാരണ ഒരു ഫയലായി സിസ്റ്റത്തില്‍ നില്‍ക്കാന്‍ കഴിയുന്നതുകൊണ്ടാണ് ഇതിന് ഗൊള്‍റൊട്ടഡ് എന്ന് പേര് നല്‍കിയിരിക്കുന്നത്.

6

സാധാരണ മെയിലിന്റെ കൂടെ സിപ്പ് ഫയലായാണ് ഈ വൈറസ് സിസ്റ്റത്തില്‍ പ്രവേശിക്കുന്നത്.

7

കൂടാതെ കമ്പ്യൂട്ടറില്‍ കുത്തി ഉപയോഗിക്കുന്ന പെന്‍ഡ്രൈവ് തുടങ്ങിയ ഉപകരണങ്ങളില്‍ നിന്നും, മൈക്രോസോഫ്റ്റ് ഓഫീസ് ഫയലുകളുടെ രൂപത്തിലും ഈ വൈറസ് പരക്കാമെന്ന് സിഇആര്‍ടി-ഇന്‍ ചൂണ്ടിക്കാട്ടുന്നു.

8

ഒരിക്കല്‍ സിസ്റ്റത്തില്‍ ഈ വൈറസ് ബാധിച്ചാല്‍ പേഴ്‌സണല്‍ ഐഡന്റിഫൈബള്‍ ഇന്‍ഫര്‍മേഷന്‍ (പിഐഐ) അടക്കമുളള വിവരങ്ങള്‍ വരെ ഇവ ചോര്‍ത്തുന്നതാണ്.

9

കമ്പ്യൂട്ടറിന്റെ പേര്, പ്രോട്ടോകോള്‍ അഡ്രസ്, സിസ്റ്റത്തില്‍ ഇന്‍സ്റ്റാള്‍ ചെയ്തിരിക്കുന്ന സുരക്ഷാ സോഫ്റ്റ്‌വെയര്‍ തുടങ്ങിയവയാണ് പിഎഐ-യില്‍ ഉള്‍പ്പെടുന്നത്.

10

ഉപയോക്താക്കളുടെ ബാങ്കിങ് വിവരങ്ങള്‍ പല വിദേശ രാജ്യങ്ങളിലും ഈ വൈറസ് കവര്‍ന്നിട്ടുണ്ടെന്ന് സിഇആര്‍ടി-ഇന്‍ വ്യക്തമാക്കുന്നു.

11

കമ്പ്യൂട്ടറിലെ കീ സ്‌ട്രോക്ക്, സ്‌ക്രീന്‍ ഷോട്ട് എന്നിവ വരെ കവരാന്‍ ശേഷിയുളളതാണ് ഈ വൈറസ്.