റിസര്‍ച്ച് ഇന്‍ മോഷന്റെ ബ്ലാക്ക്‌ബെറി ഉത്പന്നങ്ങള്‍ക്ക് 26 ശതമാനം വരെ വില കുറച്ചു. ഇന്ത്യന്‍ സ്മാര്‍ട്‌ഫോണ്‍ വിപണിയില്‍ കൂടുതല്‍ പങ്കാളിത്തം നേടുന്നതിന് വേണ്ടിയുള്ള നീക്കത്തിന്റെ ഭാഗമാണിത്. ഇതിന് മുന്നോടിയായി പ്ലേബുക്ക് ടാബ്‌ലറ്റ് കമ്പ്യൂട്ടറിന്റെ വിലയും കമ്പനി കുറച്ചിരുന്നു.

റിമ്മിന്റെ ഈ തീരുമാനം വഴി ബ്ലാക്ക്‌ബെറി കര്‍വ് 8520യുടെ വില 10,990 രൂപയില്‍ നിന്ന് 8,999 രൂപയായി ചുരുങ്ങും. ടോര്‍ച്ച് 9860യ്ക്ക് 21,990 രൂപ(പഴയ വില: 29,990 രൂപ)യും കര്‍വ് 9380യ്ക്ക് 16,990 രൂപ(പഴയ വില: 20,990 രൂപ)യും കര്‍വ് 9360യ്ക്ക് 18,990 രൂപ(പഴയ വില: 19,990 രൂപ)യുമാകും.

ചില മോഡലുകള്‍ക്ക് 18 ശതമാനം വിലക്കിഴിവും മറ്റ് ചിലതിന് 26 ശതമാനം വിലക്കിഴിവുമാണ് കമ്പനി നല്‍കിയിട്ടുള്ളത്. ഇവയെല്ലാം ഏകദേശവിലയാണ്. കാരണം പല നഗരങ്ങളിലും വിലയില്‍ വ്യത്യാസം ഉണ്ടായേക്കാം.

Read more about:

• smartphone
• blackberry
• ബ്ലാക്ക്‌ബെറി
• playbook
• സ്മാര്ട്‌ഫോണ്‍
• പ്ലേബുക്ക്