നാലിരട്ടി വേഗത്തില്‍ 'ബ്ലൂട്ടൂത്ത് 5' എത്തുന്നു...

1

ഇതിന്റെ വേഗതയുടെ കാര്യത്തില്‍ വൈഡയറക്ടിനോട് മത്സരിക്കാന്‍ ബ്ലൂട്ടൂത്തിന് സാധിച്ചിരുന്നില്ല. 250Mbps ആണ് വൈഫൈ ഡയറക്ടിന്റെ വേഗമെങ്കില്‍, ബ്ലൂട്ടൂത്ത് 4.0യുടെ വേഗം 25Mbps ആണെന്നോര്‍ക്കുക. എന്നാല്‍ ഇപ്പോള്‍ ഈ പുതിയ ബ്ലൂട്ടൂത്തിന് 4.5 വേര്‍ഷനേക്കാള്‍ നാലിരട്ടി വേഗമായിരിക്കും.

2

സാധാരണ 200അടി ദൂരമാണ് ഡേറ്റ കൈമാറ്റം നടത്താന്‍ ബ്ലൂട്ടൂത്ത് ഉപയോഗിക്കുന്നത്. 200അടി കഴിഞ്ഞാല്‍ ഡേറ്റ കൈമാറ്റം നടക്കില്ലെന്നര്‍ത്ഥം. എന്നാല്‍ ഈ പുതിയ പകര്‍പ്പിന് ഇരട്ടി റേഞ്ച് ആയിരിക്കുമെന്നാണ് മാര്‍ക്ക് പവല്‍ പറയുന്നത്.

3

നിലവിലുളള 4.2 പതിപ്പിനേക്കാള്‍ ഇരട്ടി ബ്രോഡ്കാസ്റ്റ് മെസേജിങ്ങ് ശേഷിയായിരിക്കും പുതിയ പതിപ്പിന്. കണക്ഷന്‍ലെസ്സ് സേവനങ്ങള്‍ക്കായി കൂടുതല്‍ സൗകര്യങ്ങളും വാഗ്ദാനം ചെയ്യുന്നുണ്ട്.

4

ചിലപ്പോള്‍ നമ്മള്‍ അറിയാത്ത സ്ഥലങ്ങളില്‍ എത്തിപ്പെട്ടാല്‍ ഫോണിലെ ബ്ലൂട്ടൂത്ത് ഒന്ന് ഓണാക്കിയാല്‍ മതി, നമുക്ക് പോകാനുളള കൃത്യമായ വഴി അറിയാന്‍ സാധിക്കും.

5

മറ്റൊരു ബ്ലൂട്ടൂത്തുമായി പെയര്‍ ചെയ്യാന്‍ ശ്രമിക്കുമ്പോള്‍ അതിന്റെ പേര് ഡിവൈസില്‍ പ്രത്യക്ഷപ്പെടും, അതിനെ വിളിക്കുന്നതാണ് അഡ്വര്‍ട്ടസിങ്ങ്. 47 ബൈറ്റ്‌സാണ് നിലവിലുളള ബ്ലൂട്ടൂത്തിന്റ അഡ്വര്‍ട്ടസിങ്ങ് പാക്കറ്റ് സൈസ്. പുതിയ ബ്ലൂട്ടൂത്തിന് ഇതിനേക്കാള്‍ കൂടുതലാണ്.

6

പഴയ ബ്ലൂട്ടൂത്ത് ഡിവൈസുമായി ഇതിനെ ബന്ധിപ്പിക്കുമോ എന്ന കാര്യം ഇതു വരെ വ്യക്തമായിട്ടില്ല. ബ്ലൂട്ടൂത്ത് 4.0 ഡിവൈസുകള്‍ക്ക് 4.1 ലേക്കും 4.2 ലേക്കും അപ്‌ഡേഷന്‍ സാധ്യമായിരുന്നു. എന്നാല്‍ ബ്ലൂട്ടൂത്ത് 5 പതിപ്പ് പ്രവര്‍ത്തിക്കണമെങ്കില്‍ പുതിയ ഹാര്‍ഡ്‌വയര്‍ വേണ്ടി വരും.

ഗിസ്‌ബോട്ട് ലേഖനങ്ങള്‍