BSNL: പുതിയ പ്രതിമാസ റീചാർജ് പ്ലാനുകളുമായി ബിഎസ്എൻഎൽ

ഒരു മാസം വാലിഡിറ്റിയുള്ള പ്ലാനുകളാണ് ബിഎസ്എൻഎൽ പുതിയതായി അവതരിപ്പിക്കുന്നത്. ഇക്കൂട്ടത്തിലെ ആദ്യ പ്ലാൻ 228 രൂപ വിലയിലും രണ്ടാമത്തെ പ്ലാൻ 239 രൂപ വിലയിലും ആണ് വരുന്നത്. പുതിയ രണ്ട് പ്രീപെയ്ഡ് റീചാർജ് പ്ലാനുകളും ജൂലൈ 1 മുതൽ യൂസേഴ്സിന് ലഭ്യമാക്കിത്തുടങ്ങുമെന്ന് ബിഎസ്എൻഎൽ അറിയിച്ചിട്ടുണ്ട്. എല്ലാ മാസത്തിലും ഒരേ ദിവസമായിരിക്കും റീചാർജ് തീയതിയെന്നും കമ്പനി അറിയിച്ചിട്ടുണ്ട്. BSNL പ്രഖ്യാപിച്ച പുതിയ ( Monthly Recharge Plans ) റീചാർജ് പ്ലാനുകളെക്കുറിച്ച് വിശദമായി മനസിലാക്കാൻ തുടർന്ന് വായിക്കുക.

BSNL 107 രൂപയ്ക്ക് 50 ദിവസത്തെ വാലിഡിറ്റിയും 3 ജിബി ഡാറ്റയും നൽകുന്നു

BSNL: 228 രൂപയുടെ ബിഎസ്എൻഎൽ പ്രീപെയ്ഡ് പ്ലാൻ

BSNL STV 228 ഉപയോക്താക്കൾക്ക് 2022 ജൂലൈ 1 മുതൽ ലഭ്യമാകും എന്നാണ് കമ്പനി അറിയിച്ചിരിക്കുന്നത്. ഈ പ്ലാൻ അൺലിമിറ്റഡ് വോയ്‌സ് കോളിങ് ആനുകൂല്യം ഓഫർ ചെയ്യുന്നു. പ്രതി ദിനം 2 ജിബി ഡാറ്റയാണ് 228 രൂപയുടെ ബിഎസ്എൻഎൽ പ്രീപെയ്ഡ് പ്ലാൻ ഓഫർ ചെയ്യുന്നത്. പ്രതിദിന ഡാറ്റ പരിധി കഴിഞ്ഞാൽ ഇന്റർനെറ്റ് വേഗം 80 കെബിപിഎസ് ആയി കുറയുമെന്ന് മാത്രം.

 

എല്ലാ ദിവസവും 100 എസ്എംഎസുകളും 228 രൂപ വിലയുള്ള ബിഎസ്എൻഎൽ പ്രീപെയ്ഡ് പ്ലാൻ ഓഫർ ചെയ്യുന്നു. ഈ പ്ലാനിന് ഒപ്പം ഗെയിമിങ് ആനുകൂല്യവും ബിഎസ്എൻഎൽ നൽകുന്നുണ്ട്. ചലഞ്ചസ് അരീന മൊബൈൽ ഗെയിമിലേക്ക് ഒരു പ്രോഗ്രസീവ് വെബ് ആപ്പ് വഴി ആക്സസും ബിഎസ്എൻഎൽ ഓഫർ ചെയ്യുന്നു.

ടെലിക്കോം വിപണി പിടിച്ചടക്കാൻ വോഡാഫോൺ ഐഡിയയുടെ 151 രൂപ മാത്രം വിലയുള്ള കിടിലൻ പ്ലാൻ

BSNL: 239 രൂപയുടെ ബിഎസ്എൻഎൽ പ്രീപെയ്ഡ് പ്ലാൻ

BSNL ൽ നിന്നുള്ള 239 രൂപയുടെ പ്രീപെയ്ഡ് പ്ലാനും 2 ജിബി ഡെയിലി ഡാറ്റയാണ് ഓഫർ ചെയ്യുന്നത്. ഡെയിലി ഡാറ്റ പരിധി കഴിഞ്ഞാൽ ഈ പ്ലാനിലും ഡാറ്റ സ്പീഡ് 80 കെബിപിഎസ് ആയി കുറയും. 239 രൂപ വിലയുള്ള ബിഎസ്എൻഎൽ പ്രീപെയ്ഡ് പ്ലാൻ അൺലിമിറ്റഡ് കോളിങ് ആനുകൂല്യവും ഓഫർ ചെയ്യുന്നു.

എല്ലാ ദിവസവും 100 എസ്എംഎസുകളും 239 രൂപയുടെ ബിഎസ്എൻഎൽ പ്രീപെയ്ഡ് പ്ലാൻ യൂസേഴ്സിന് നൽകുന്നു. അൺലിമിറ്റഡ് വോയ്സ് കോളിങ് ആനുകൂല്യത്തിന് പുറമെ 10 രൂപ ടോക്ക് ടൈമും ഈ പുതിയ പ്രതിമാസ പ്ലാൻ ഓഫർ ചെയ്യുന്നു. 10 രൂപയുടെ ടോക്ക്ടൈം മൂല്യം യൂസറിന്റെ പ്രധാന അക്കൗണ്ടിലേക്കാണ് ചേർക്കുന്നത്.

കുറഞ്ഞ വിലയ്ക്ക് പറക്കും സ്പീഡും മറ്റ് ആനുകൂല്യങ്ങളും; ജിയോഫൈബറിന്റെ കിടിലൻ പ്ലാനുകൾ

ഈ പ്ലാനിന് ഒപ്പം ഗെയിമിങ് ആനുകൂല്യങ്ങളും ഉൾപ്പെടുത്തിയിരിക്കുന്നു. 228 രൂപയുടെ പ്ലാനിലേത് പോലെ തന്നെ ചലഞ്ചസ് അരീന മൊബൈൽ ഗെയിമിലേക്കാണ് 239 രൂപയുടെ ബിഎസ്എൻഎൽ പ്രീപെയ്ഡ് പ്ലാനും ആക്സസ് നൽകുന്നത്. ഒരു പ്രോഗ്രസീവ് വെബ് ആപ്പ് വഴിയാണ് ഗെയിമിങ് ആനുകൂല്യം ബിഎസ്എൻഎൽ ലഭ്യമാക്കുന്നത്.

മുകളിൽ സൂചിപ്പിച്ചത് പോലെ, 228 രൂപയുടെയും 239 രൂപയുടെയും പ്രീപെയ്ഡ് റീചാർജ് പ്ലാനുകൾ ഒരു മാസത്തെ വാലിഡിറ്റിയാണ് ഓഫർ ചെയ്യുന്നത്. വരുന്നത്. മാസത്തിലെ ഒരു പ്രത്യേക ദിവസം ഈ പ്ലാനുകൾ ഉപയോഗിച്ച് റീചാർജ് ചെയ്യുന്ന യൂസേഴ്സ് അടുത്ത മാസം അതേ തീയതിയിൽ വീണ്ടും റീചാർജ് ചെയ്യേണ്ടി വരുന്നു.

ജിയോ ഉപയോക്താക്കൾ ഏറ്റവും കൂടുതൽ തിരഞ്ഞെടുക്കുന്ന പ്ലാനുകൾ

എയർടെൽ, ജിയോ, വോഡഫോൺ ഐഡിയ എന്നിവയുടെ പ്രതിമാസ ഓഫറുകളുമായി മത്സരിക്കുന്നതിനാണ് ഈ രണ്ട് പ്ലാനുകളും ബിഎസ്എൻഎൽ അവതരിപ്പിച്ചിരിക്കുന്നത്. എല്ലാത്തരം യൂസേഴ്സിനും അനുയോജ്യമായ നിരവധി പ്ലാനുകൾ ബിഎസ്എൻഎൽ അവതരിപ്പിക്കുന്നുണ്ട്. ഇക്കൂട്ടത്തിൽ വളരെ കുറഞ്ഞ നിരക്കിൽ എത്തുന്ന ചില ബിഎസ്എൻഎൽ പ്ലാനുകളെക്കുറിച്ച് അറിയാൻ തുടർന്ന് വായിക്കുക.

BSNL: കീശ കാലിയാക്കാത്ത ബിഎസ്എൻഎൽ പ്ലാനുകൾ

BSNL: 49 രൂപ വിലയുള്ള ബിഎസ്എൻഎൽ പ്ലാൻ

വില കുറഞ്ഞ പ്ലാൻ വേണമെന്നുള്ളവർക്ക് സെലക്റ്റ് ചെയ്യാവുന്ന ബിഎസ്എൻഎൽ പ്ലാൻ ആണ് 49 രൂപ വിലയുള്ള ഓഫർ. ഒരു ജിബി ഡാറ്റയും ആകർഷകമായ 20 ദിവസത്തെ വാലിഡിറ്റിയും 49 രൂപ വില വരുന്ന ബിഎസ്എൻഎൽ പ്ലാൻ മുന്നോട്ട് വയ്ക്കുന്നു. 100 മിനിറ്റ് ആണ് 49 രൂപയുടെ പ്ലാൻ നൽകുന്ന വോയിസ് കോളിങ് ആനുകൂല്യങ്ങൾ. സെക്കൻഡറി സിം കാർഡ് ആയി ബിഎസ്എൻഎൽ കണക്ഷൻ ഉപയോഗിക്കുന്നവർക്ക് ഏറ്റവും അനുയോജ്യമായ പ്ലാൻ ആണിത്.

മതി വരുവോളം ഉപയോഗിക്കാം, അധിക നിയന്ത്രണങ്ങളില്ലാത്ത ഡാറ്റ പ്ലാനുമായി BSNL

BSNL: 87 രൂപ വിലയുള്ള ബിഎസ്എൻഎൽ പ്ലാൻ

ഭാരത് സഞ്ചാർ നിഗം ലിമിറ്റഡ് നൽകുന്ന ഏറ്റവും കുറഞ്ഞ താരിഫിൽ ഉള്ള പ്രതിദിന ഡാറ്റ പ്ലാൻ ആണ് എസ്ടിവി 87. പ്രതിദിനം 1 ജിബി ഡാറ്റയാണ് ഈ പ്ലാനിലൂടെ ലഭിക്കുന്നത്. പ്രതിദിന ഡാറ്റ പരിധി കഴിയുന്നതോടെ സ്പീഡ് 40 കെബിപിഎസിലേക്ക് താഴുമെന്നതും അറിഞ്ഞിരിക്കണം. രാജ്യത്തെ മറ്റൊരു ടെലിക്കോം കമ്പനിയും ഇത്ര ചെറിയ വിലയിൽ പ്രതിദിന ഡാറ്റ പ്ലാനുകൾ ഓഫർ ചെയ്യുന്നില്ല എന്ന കാര്യം ഓർക്കണം. 14 ദിവസത്തെ സർവീസ് വാലിഡിറ്റിയാണ് ഈ പ്ലാൻ ബിഎസ്എൻഎൽ യൂസേഴ്സിന് നൽകുന്നത്. അൺലിമിറ്റഡ് വോയിസ് കോളിങ് ആനുകൂല്യങ്ങളും ദിവസവും 100 എസ്എംഎസുകളും 87 രൂപ വിലയുള്ള ബിഎസ്എൻഎൽ പ്ലാൻ ഓഫർ ചെയ്യുന്നു.

BSNL: 99 രൂപ വിലയുള്ള ബിഎസ്എൻഎൽ പ്ലാൻ

ഡാറ്റ ആനുകൂല്യം ഒട്ടും ആവശ്യമില്ലാത്ത ആളുകൾക്ക് സെലക്റ്റ് ചെയ്യാവുന്ന ഓഫർ ആണ് 99 രൂപ വില വരുന്ന ബിഎസ്എൻഎൽ പ്ലാൻ. 22 ദിവസത്തെ വാലിഡിറ്റിയാണ് ഈ പ്ലാൻ യൂസേഴ്സിന് നൽകുന്നത്. അൺലിമിറ്റഡ് കോളിങ് ആനുകൂല്യവും 99 രൂപ വില വരുന്ന ബിഎസ്എൻഎൽ പ്ലാൻ ഓഫർ ചെയ്യുന്നു. ഡാറ്റ ഉപയോഗം തീരെയില്ലാത്ത വാലിഡിറ്റിയും കോൾ സൌകര്യവും മാത്രം ആവശ്യമുള്ള യൂസേഴ്സിന് സെലക്റ്റ് ചെയ്യാവുന്ന പ്ലാനുകൾ ആണിവ. ഫീച്ചർ ഫോണുകൾ മാത്രം ഉപയോഗിക്കുന്നവർക്കും ഈ പ്ലാൻ ഉപയോഗപ്രദം ആയിരിക്കും.

അതിശയകരം ഈ എയർടെൽ ബ്രോഡ്ബാൻഡ് പ്ലാൻ; അറിയേണ്ടതെല്ലാം