ബ്രോഡ്ബാൻഡിനൊപ്പം വെറും 49 രൂപയ്ക്ക് സിനിമ പ്ലസ് ഒടിടി സബ്സ്ക്രിപ്ഷൻ; ഇത് 'ചെറുത്'!

ഇന്ത്യയിലെ ഇന്റർനെറ്റ് സേവന ദാതാക്കളിൽ (ISP) പ്രധാനിയാണ് ബിഎസ്എൻഎൽ ( BSNL ). ടെലിക്കോം മേഖലയിലേത് പോലെയല്ല, ബ്രോഡ്ബാൻഡ് സേവനങ്ങളിലേക്ക് എത്തുമ്പോൾ ബിഎസ്എൻഎല്ലിന്റെ സേവനങ്ങളിൽ ഭൂരിഭാഗം ഉപയോക്താക്കളും പൂർണ തൃപ്തരാണ്. താരതമ്യേന കുറഞ്ഞ നിരക്കിൽ മൂല്യമുള്ള സേവനങ്ങൾ വാഗ്ദാനം ചെയ്യുന്നു എന്നതുതന്നെയാണ് അ‌തിനു കാരണം.

മൊ​ബൈൽ സേവന രംഗത്ത് നേരിടുന്നതുപോലെ വേഗത കുറവാണ് എന്ന പരാതികളൊന്നും ബിഎസ്എൻഎൽ ബ്രോഡ്ബാൻഡ് സേവനങ്ങളെപ്പറ്റി ആർക്കുമില്ല. തെരഞ്ഞെടുക്കുന്ന പ്ലാനിൽ പറയുന്ന വേഗത ഉപയോക്താവിന് ലഭ്യമാകും. അ‌തിൽ യാതൊരു തടസവും ഉണ്ടാകില്ല. ഏത് ഉപയോഗത്തിനും അ‌നുയോജ്യമായ വിധത്തിലുള്ള മികച്ച ബ്രോഡ്ബാൻഡ് പ്ലാനുകൾ ബിഎസ്എൻഎൽ അ‌വതരിപ്പിച്ചിട്ടുണ്ട്.

ബ്രോഡ്ബാൻഡ് പ്ലാനുകളിൽ ഡാറ്റയ്ക്ക് പുറമേ ചില അ‌ധിക ആനുകൂല്യങ്ങളും പല കമ്പനികളും ഉൾപ്പെടുത്തി നൽകിവരുന്നുണ്ട്. ഒടിടി ​സബ്സ്ക്രിപ്ഷനുകളാണ് അ‌തിൽ ഏറ്റവും പ്രധാനപ്പെട്ട ആനുകൂല്യങ്ങളിലൊന്ന്. കാരണം നിരവധി ഉപയോക്താക്കൾ ഒടിടി പ്ലാറ്റ്ഫോമുകളുടെ സബ്സ്ക്രിപ്ഷൻ സ്വന്തമാക്കാൻ ആഗ്രഹിക്കുന്നു. ബിഎസ്എൻഎൽ തങ്ങളുടെ ചില പ്ലാനുകൾ ഒടിടി സബ്സ്ക്രിപ്ഷനുകൾ സഹിതം അ‌വതരിപ്പിച്ചിട്ടുണ്ട്.

എന്നാൽ ഒടിടി സബ്സ്ക്രിപ്ഷൻ അ‌ടങ്ങുന്ന പ്ലാനുകൾ മാത്രമല്ല, അ‌വ ഇല്ലാതെ എത്തുന്ന പ്ലാനുകൾക്കൊപ്പം ഒടിടി സബ്സ്ക്രിപ്ഷൻ അ‌ധികമായി കൂട്ടിച്ചേർക്കാനുള്ള സൗകര്യവും ബിഎസ്എൻഎൽ ഉപയോക്താക്കൾക്ക് നൽകുന്നുണ്ട്. ആഡ്-ഓൺ ആയി വാങ്ങാവുന്ന ഒന്നിലധികം ഒടിടി സബ്‌സ്‌ക്രിപ്‌ഷൻ അ‌ടങ്ങുന്ന സിനിമാ പ്ലസ് പ്ലാനുകൾ ബിഎസ്എൻഎൽ ഇത്തരത്തിൽ വാഗ്ദാനം ചെയ്യുന്നു.

വെറും 49 രൂപയ്ക്ക് ഒരു ബിഎസ്എൻഎൽ ബ്രോഡ്ബാൻഡ് ഉപയോക്താവിന് ഒടിടി സബസ്ക്രിപ്ഷൻ അ‌ടങ്ങുന്ന ആഡ് ഓൺ പ്ലാൻ ലഭ്യമാണ്. എന്നാൽ ഇത് ബിഎസ്എൻഎല്ലിന്റെ സിനിമാ പ്ലസ് പ്ലാനുകളിലെ ഏറ്റവും നിരക്ക് കുറഞ്ഞ പ്ലാൻ ആണ് എന്ന് അ‌റിയുക. ഇത്തരത്തിൽ ഒടിടി സബ്സ്ക്രിപ്ഷൻ അ‌ധികമായി കൂട്ടിച്ചേർക്കാൻ മൂന്ന് പ്ലാനുകളാണ് ബിഎസ്എൻഎൽ അ‌വതരിപ്പിച്ചിട്ടുള്ളത്.

49 രൂപയുടെ പ്ലാനിന് പുറമേ, 199 രൂപ, 249 രൂപ എന്നീ നിരക്കുകളിലാണ് ഈ ആഡ് ഓൺ പ്ലാനുകൾ ലഭ്യമാകുക. പ്ലാനിന്റെ നിരക്ക് കുറയുന്നതിന് അ‌നുസരിച്ച് അ‌തിൽ ലഭിക്കുന്ന ആനുകൂല്യങ്ങളുടെ അ‌ളവും കുറയും എന്നകാര്യം ഉപയോക്താക്കൾ ശ്രദ്ധിക്കേണ്ടതുണ്ട്. നിലവിലുള്ള ബ്രോഡ്ബാൻഡ് പ്ലാനിനൊപ്പം ഉപയോഗിക്കാവുന്ന ഈ മൂന്ന് പ്ലാനുകളിലും ലഭിക്കുന്ന ആനുകൂല്യങ്ങൾ പരിചയപ്പെടാം.

49 രൂപയുടെ ബിഎസ്എൻഎൽ ഒടിടി സബ്സ്ക്രിപ്ഷൻ പ്ലാൻ: ബിഎസ്എൻഎൽ ആഡ് ഓൺ ഒടിടി പ്ലാനുകളുടെ പട്ടികയിലെ ഏറ്റവും നിരക്ക് കുറഞ്ഞ ഈ പ്ലാനിൽ നാല് ​ഒടിടി പ്ലാറ്റ്ഫോമുകളുടെ സബ്സ്ക്രിപ്ഷനാണ് അ‌ടങ്ങുന്നത്. ലയൻസ്ഗേറ്റ്, ഷെമാരൂമീ, ഹങ്കാമ, എപ്പിക്ഓൺ എന്നിവയാണ് ഈ പ്ലാനിൽ ലഭിക്കുന്ന സബ്സ്ക്രിപ്ഷനുകൾ.

199 രൂപയുടെ ബിഎസ്എൻഎൽ ഒടിടി സബ്സ്ക്രിപ്ഷൻ പ്ലാൻ: ബിഎസ്എൻഎല്ലിന്റെ 199 രൂപയുടെ ഈ സിനിമ പ്ലസ് പ്ലാൻ ഡിസ്നി+ ഹോട്ട്സ്റ്റാറിന്റെ സാന്നിധ്യം കൊണ്ട് ശ്രദ്ധേയമാണ്. പ്രധാനമായും നാല് പ്ലാറ്റ്ഫോമുകളിലേക്കുള്ള സബ്സ്ക്രിപ്ഷനാണ് ഈ പ്ലാനിലും അ‌ടങ്ങുന്നത്. സീ5, സോണിലിവ്, യപ്ടിവി, ഡിസ്നി+ ഹോട്ട്സ്റ്റാർ എന്നിവയാണ് അ‌വ.

249 രൂപയുടെ ബിഎസ്എൻഎൽ ഒടിടി സബ്സ്ക്രിപ്ഷൻ പ്ലാൻ: ബിഎസ്എൻഎല്ലിന്റെ ആഡ് ഓൺ ​ഒടിടി പ്ലാനുകളിലെ പ്രീമിയം പ്ലാൻ ആണ് ഇത്. സീ5 പ്രമിയം, സോണിലിവ് പ്രീമിയം, യപ്ടിവി, ഷെമാരൂമീ, ഹങ്കാമ, ലയൺസ്ഗേറ്റ്, ഡിസ്നി+ ഹോട്ട്സ്റ്റാർ, എന്നിവയാണ് ഈ പ്ലാനിലെ ഒടിടി ആനുകൂല്യങ്ങൾ.

ബിഎസ്എൻഎൽ ​ഫൈബർ കണക്ഷൻ ഉപയോക്താക്കൾക്ക് മാത്രമാണ് ഈ സിനിമാ പ്ലസ് പ്ലാനുകൾ ഉപയോഗപ്രദമാകുക. ഈ ഒടിടി പ്ലാറ്റ്ഫോമുകളുടെയെല്ലാം സബ്‌സ്‌ക്രിപ്‌ഷൻ ഉപയോക്താവിന്റെ ഫൈബർ കണക്ഷൻ രജിസ്റ്റർ ചെയ്തിരിക്കുന്ന മൊബൈൽ നമ്പറിൽ മാത്രമേ ആക്ടീവാകൂ. ബ്രോഡ്‌ബാൻഡ് ബില്ലിലേക്ക് ഈ തുകയും ചേർക്കപ്പെടും. അ‌തിനാൽ, പ്രത്യേക ബില്ല് അടയ്‌ക്കേണ്ടതില്ല.

ഈ സബ്സ്ക്രിപ്ഷനുകൾ ഉപയോഗിച്ച് ഉപയോക്താക്കൾക്ക് ഒന്നിലധികം ഡി​വൈസുകളിൽ ഒടിടി കണ്ടന്റ് കാണാൻ സാധിക്കും. അ‌തിനാൽ ബ്രോഡ്ബാൻഡ് കണക്ഷൻ ഉള്ളവർക്ക് ഈ പ്ലാനുകൾ പ്രയോജനപ്പെടുത്താവുന്നതാണ്. അ‌ധികമായി പണം മുടക്കാൻ താൽപര്യമില്ലാത്തവർക്ക്, ഒടിടി സബ്സ്ക്രിപ്ഷനുകളോടെ എത്തുന്ന ബിഎസ്എൻഎൽ ബ്രോഡ്ബാൻഡ് പ്ലാനുകൾ ഉപയോഗിച്ചും മുന്നോട്ട് പോകാവുന്നതാണ്.