ബിഎസ്എൻഎൽ ഇനി കുതിച്ചുയരും! കേരളത്തിൽ 1000 4G ടവറുകൾ വിന്യസിച്ചു

ഭാരത് സഞ്ചാര് നിഗം ​​ലിമിറ്റഡ് (BSNL) കേരള സർക്കിളിൽ 1000 4G ടവറുകൾ വിന്യസിക്കാൻ കഴിഞ്ഞുവെന്ന് കമ്പനി അറിയിച്ചു. ബിഎസ്എൻഎല്ലിന് കേരളം ഒരു പ്രധാന വിപണിയാണ്. 1000 ടവറുകളുടെ നാഴികക്കല്ലിൻ്റെ വികസനം ടെലികമ്മ്യൂണിക്കേഷൻസ് വകുപ്പ് (DoT) പങ്കിട്ടു. ഈ മേഖലയിലെ ഉപഭോക്താക്കൾക്ക് ഉയർന്ന നിലവാരമുള്ള സേവനങ്ങൾ നൽകുന്നതിനുള്ള ബിഎസ്എൻഎൽ ഒരു സുപ്രധാന ചുവടുവെപ്പാണ് ഇത്. 2024 ദീപാവലിയോടെ 75000 4G ടവറുകൾ എന്ന നാഴികക്കല്ല് കൈവരിക്കാൻ ആണ് ബിഎസ്എൻഎൽ ലക്ഷ്യമിടുന്നത്. കൂടാതെ, നടപ്പ് സാമ്പത്തിക വർഷത്തിൻ്റെ അവസാനത്തോടെ, 1 ലക്ഷം 4G സൈറ്റുകൾ വിന്യസിക്കുക എന്ന ലക്ഷ്യത്തിലെത്താൻ ബിഎസ്എൻഎൽ പദ്ധതിയിടുന്നുണ്ട്.

ബിഎസ്എൻഎൽ അവസാനമായി ഒരു അപ്‌ഡേറ്റ് നൽകിയപ്പോൾ, രാജ്യത്തുടനീളം 25000 4G സൈറ്റുകൾ വിന്യസിച്ചിട്ടുണ്ടെന്ന് സർക്കാർ നടത്തുന്ന ടെലികോം പറഞ്ഞു. മറ്റൊരു അവസരത്തിൽ, ബിഎസ്എൻഎല്ലും സെൻ്റർ ഫോർ ഡെവലപ്‌മെൻ്റ് ഓഫ് ടെലിമാറ്റിക്‌സും (സി-ഡോട്ട്) 5 ജി പരീക്ഷിക്കുകയാണെന്ന് ഡോട്ട് പറഞ്ഞു. ഈ 5G ട്രയൽ 2025-ൽ ഉപയോക്താക്കൾക്കായി 5G വാണിജ്യാടിസ്ഥാനത്തിൽ അവതരിപ്പിക്കാൻ ബിഎസ്എൻഎല്ലിനെ സഹായിക്കും. 2025ൽ ബിഎസ്എൻഎൽ 5G അവതരിപ്പിക്കുമെന്ന് അധികൃതർ പറഞഞ കഴിഞ്ഞു.

എന്നാൽ അത് യഥാർത്ഥത്തിൽ നടക്കുമോ ഇല്ലയോ എന്നത് നമ്മൾ കാത്തിരുന്ന് കാണേണ്ട കാര്യമാണ്. ഇതിന് പുറമെ, 4ജി വിന്യസിക്കാനുള്ള ടെലികോം ഉപകരണങ്ങൾ വാങ്ങുന്നതിനുള്ള സഹായത്തിനായി ബിഎസ്എൻഎല്ലിന് ഇന്ത്യൻ സർക്കാരിൽ നിന്ന് 6000 കോടി രൂപ ലഭിക്കുമെന്ന് റിപ്പോർട്ടുകളുണ്ട്. ഇപ്പോൾ, ബിഎസ്എൻഎൽ 4ജി അവതരിപ്പിക്കുന്നതിനായി രാജ്യത്തെ എല്ലാവരും കാത്തിരിക്കുകയാണ്.

സ്വകാര്യ ടെലികോം ഓപ്പറേറ്റർമാർ അവരുടെ പ്രീപെയ്ഡ്, പോസ്റ്റ്പെയ്ഡ് പ്ലാനുകളുടെ താരിഫ് ഉയർത്തിയതിനാലാണിത്. ബിഎസ്എൻഎൽ അത് ചെയ്തില്ലെങ്കിലും 4ജിയുടെ അഭാവമാണ് ടെലികോം പുതിയ ഉപയോക്താക്കളുടെ കുറവിന് കാരണം. ഇനി ഹൈ-സ്പീഡ് നെറ്റ്‌വർക്കുകൾ ഉള്ളതിനാൽ, ഉപയോക്താക്കൾക്ക് ബിഎസ്എൻഎൽ നെറ്റ്‌വർക്കുകൾ ഉപയോഗിച്ച് കൂടുതൽ കാര്യങ്ങൾ ചെയ്യാൻ കഴിയും. പിന്നീടുള്ള ഘട്ടത്തിൽ 5Gയും വരാം. എന്നാൽ ബിഎസ്എൻഎല്ലിന് മാന്യമായ 4G സേവനങ്ങൾ നൽകാൻ കഴിയുമെങ്കിൽ, ഉപയോക്താക്കൾക്ക് ബിഎസ്എൻഎൽ അവരുടെ സെക്കണ്ടറി സിം ചോയിസായി നിലനിർത്താം.

ഈ അച്ചീവ്‌മെന്റ് കൂടാതെ ഭാരത് സഞ്ചാർ നിഗം ​​ലിമിറ്റഡ് (ബിഎസ്എൻഎൽ) ടിവികൾക്കായി 'ബിഎസ്എൻഎൽ ലൈവ് ടിവി' ആപ്ലിക്കേഷൻ പുറത്തിറക്കി. ഇത് നിലവിൽ ആൻഡ്രോയിഡ് ടിവികളിൽ മാത്രമേ ലഭ്യമാകൂ. അതിനാൽ ഉപയോക്താക്കൾക്ക് അവരുടെ ആൻഡ്രോയിഡ് ടിവികൾക്കായി ഗൂഗിൾ പ്ലേ സ്റ്റോറിൽ നിന്ന് ഈ ആപ്ലിക്കേഷൻ ഡൗൺലോഡ് ചെയ്യാം. WeConnect ആണ് ആപ്പ് പ്രസിദ്ധീകരിച്ചത്. ഗൂഗിൾ പ്ലേ സ്റ്റോറിൽ ആപ്പിന് ഇതുവരെ 10 ഡൗൺലോഡുകൾ മാത്രമാണുള്ളത്.

ബിഎസ്എൻഎൽ ലൈവ് ടിവി ആപ്പിൻ്റെ പ്രവർത്തനങ്ങളും സവിശേഷതകളും എന്താണെന്ന് വ്യക്തമല്ല. ബിഎസ്എൻഎള്ളിൻ്റെ ലൈവ് ടിവി ആപ്പ് പ്രഖ്യാപനം ബിഎസ്എൻഎല്ലിൻ്റെ അംഗീകൃത അസോസിയേഷനായ AIGETOA പങ്കിട്ടു. ഈ ഉപകരണത്തിൽ ഒരു 4K വീഡിയോ ഇൻ്റർഫേസും ഉണ്ട്. ഈ ആപ്പിനുള്ള പ്രതികരണം എങ്ങനെയായിരിക്കുമെന്നത് കാത്തിരുന്ന് കാണാം.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.