നിങ്ങൾക്ക് ബിഎസ്എൻഎല്ലിന്റെ സമ്മാനം; ദിവാലി ഓഫറുമായി ബിഎസ്എൽഎൽ എത്തി

സ്വകാര്യ ടെലികോം ഓപ്പറേറ്റർമാർ ജൂലൈയിൽ വില വർദ്ധനവ് കൊണ്ടുവന്നപ്പോൾ ഉപഭോക്താക്കൾക്കുള്ള പ്രീപെയ്ഡ് മൊബൈൽ പ്ലാനുകളുടെ താരിഫ് സർക്കാർ ഉടമസ്ഥതയിൽ ഉള്ള ടെലികോം കമ്പനി ആയ ഭാരത് സഞ്ചാർ നിഗം ​​ലിമിറ്റഡ് (ബിഎസ്എൻഎൽ) ഉയർത്തിയില്ല. അതേ സമയം, 2024 ദീപാവലി സമ്മാനമായി സർക്കാർ ടെലികോം അതിൻ്റെ ഏറ്റവും അത്ഭുതകരമായ പ്രീപെയ്ഡ് പ്ലാനുകളുടെ വില കുറച്ചു. 1999 രൂപയുടെ പ്ലാൻ ഇപ്പോൾ 100 രൂപ കിഴിവോടെ ലഭ്യമാണ്. ഇത് ഫലപ്രദമായ വില 1899 രൂപയാക്കി കുറയ്ക്കുന്നു. വില മാറ്റം ഇപ്പോൾ ബിഎസ്എൻഎൽ ഇന്ത്യയുടെ ഔദ്യോഗിക വെബ്‌സൈറ്റിൽ അപ്‌ഡേറ്റ് ആയിട്ടുണ്ട്.

ഇത് ഒക്‌ടോബർ 28ന് ആരംഭിച്ച് 2024 നവംബർ 7ന് അവസാനിക്കുന്ന പരിമിത കാല ഓഫർ ആണെന്ന കാര്യം ശ്രദ്ധിക്കുക. ഈ 1899 രൂപ പ്ലാനിൻ്റെ നേട്ടങ്ങൾ നമുക്ക് പരിശോധിക്കാം.ബിഎസ്എൻഎൽ1999 രൂപ (ഇപ്പോൾ 1899 രൂപ) പ്രീപെയ്ഡ് പ്ലാൻ ആനുകൂല്യങ്ങൾ അറിയാൻ ലേഖനം തുടർന്ന് വായിക്കുക.

ബിഎസ്എൻഎല്ലിൻ്റെ 1899 രൂപ (സാധാരണ 1999 രൂപ) പ്ലാനിൽ 600 ജിബി ഡാറ്റ ഉണ്ട്. ഇത് ഒരു വാർഷിക പ്ലാൻ ആണ്. കൂടാതെ 365 ദിവസത്തെ സേവന വാലിഡിറ്റിയും ലഭിക്കുന്നു. അൺലിമിറ്റഡ് വോയ്‌സ് കോളിംഗ്, 100 എസ്എംഎസ്/ ദിവസം, ഗെയിമുകളും മ്യുസിക്കും പോലെ ഉള്ള അധിക ആനുകൂല്യങ്ങൾ എന്നിവ ആണ് ഈ പ്രീപെയ്ഡ് പ്ലാനിൻ്റെ നേട്ടങ്ങൾ.

100 രൂപ കിഴിവോടെ 1899 രൂപയ്ക്ക്, രാജ്യത്തെ ഏറ്റവും മികച്ച വാർഷിക പ്രീപെയ്ഡ് പ്ലാനുകളിൽ ഒന്നാണ് ഇത്. ഒക്ടോബർ 28 നും നവംബർ 7 നും ഇടയിൽ ഈ പ്ലാൻ ഉപയോഗിച്ച് റീചാർജ് ചെയ്യാൻ ആഗ്രഹിക്കുന്ന ആർക്കും 100 രൂപയുടെ ആനുകൂല്യം ലഭിക്കും. എന്നിരുന്നാലും, 1999 രൂപയ്ക്ക് പോലും, സ്വകാര്യ ടെലികോം ഓപ്പറേറ്റർമാരുടെ ഓഫറുകളുമായി താരതമ്യം ചെയ്യുമ്പോൾ ഈ പ്ലാൻ അപ്പോഴും വളരെ വില കുറഞ്ഞത് ആണ്.

1999 രൂപ പ്ലാൻ മികച്ചതാകാൻ കാരണം എന്താണ് എന്ന ആയിരിക്കും നിങ്ങൾ ഇപ്പോൾ ചിന്തിക്കുന്നത്. അതിനുള്ള ഉത്തരങ്ങൾ പലത് ആണ്. ഇതാ അതിന്റെ കാരണങ്ങൾ... ഇത് നിങ്ങളുടെ സിം ഒരു വർഷത്തേക്ക് സജീവമായി നിലനിർത്തും. കൂടാതെ നിങ്ങളുടെ ബിഎസ്എൻഎൽ സിം നിങ്ങൾക്ക് സെക്കണ്ടറി ആയ ഒന്നാണെങ്കിൽ ബാക്കപ്പായി ഉപയോഗിക്കാവുന്ന ധാരാളം ഡാറ്റ നിങ്ങൾക്ക് ലഭിക്കും.

ഇതൊരു പ്രാഥമിക ഓപ്‌ഷനാണെങ്കിൽ പോലും, വർഷം മുഴുവനും 600ജിബി ഡാറ്റയുടെ ലഭ്യത ഇൻ്റർനെറ്റിലൂടെ ബ്രൗസ് ചെയ്യുന്നതിനും നിങ്ങളുടെ പ്രിയപ്പെട്ട ഷോകൾ കാണുന്നതിനും മറ്റും സഹായകമാകും. ദിവാലി ഓഫർ ഇല്ലാതെ തന്നെ ബിഎസ്എൻഎൽ മിക്ക പ്ലാനുകളും മറ്റ് ടെലികോം കമ്പനികളെക്കാൾ വിലയേ കുറവിൽ ആണ് എല്ലാ പ്ലാനുകളും വാഗ്ദാനം ചെയ്യുന്നത്. എന്നാൽ ഈ വാർഷിക പ്ലാൻ ഒക്ടോബർ 28 നും നവംബർ 7 നും ഇടയിൽ മാത്രമേ ലഭ്യമാകൂ എന്നത് ഓർക്കുക.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.