Just In
- 8 hrs ago സ്വിഫ്റ്റിലും വാഗൺ ആറിലുമെല്ലാം എഐ ഫീച്ചറുകൾ എത്തുന്നു? എഐ കമ്പനിയുടെ ഓഹരികൾ സ്വന്തമാക്കി മാരുതി സുസുക്കി
- 9 hrs ago ഞെട്ടേണ്ട, സ്നാപ്ഡ്രാഗൺ 8s ജെൻ 3 ചിപ്സെറ്റ് ഇന്ത്യയിലേക്കും എത്തുന്നു, ദേ ഈ ഷവോമി ഫോണിലൂടെ!
- 10 hrs ago റിയൽമി ജിടി നിയോ6 എഫ്ഇ എത്തുന്നത് 6000നീറ്റ്സ് പീക്ക് തെളിച്ചവുമായി; കണ്ണുകളെ സംരക്ഷിക്കാൻ പ്രത്യേകം ഫീച്ചറും
- 11 hrs ago പെരുമയുള്ള കൊമ്പൻ! സാംസങ് ഗാലക്സി എം55 5ജി ഭീഷണിയാണ്, മറ്റ് ബ്രാൻഡുകൾക്ക്
Don't Miss
- Movies നിയമപരമല്ലെങ്കിൽ ചോദ്യം ചെയ്യണം; നയൻതാരയുടെ സറൊഗസിയെക്കുറിച്ച് സംസാരിക്കാൻ കാരണം; കസ്തൂരി
- Sports IPL 2024: ധവാന് ഇത്രക്ക് മണ്ടനോ? സാഹസം കാട്ടി കളി തോല്പ്പിച്ചു- പിഴച്ചത് ആ തീരുമാനം
- Lifestyle വെറും വയറ്റില് ഡ്രൈഫ്രൂട്സ് കഴിക്കുന്നോ? അപകടം തൊട്ടടുത്തുണ്ട്
- News ഗാസയില് വെടിനിര്ത്തല് ആവശ്യപ്പെട്ട് യുഎന് സുരക്ഷാ കൗണ്സില് പ്രമേയം; വിട്ടുനിന്ന് യുഎസ്
- Automobiles കർവ്വിന് കോംപറ്റീഷനുമായി സിട്രൺ; ടാറ്റ കൂപ്പെ എസ്യുവിയെ അതേ നാണയത്തിൽ തിരിച്ചടിക്കാൻ ഫ്രഞ്ച് നിർമ്മാതാക്കൾ
- Finance വ്യാപാരം 3 ദിവസം മാത്രം, ഈ ആഴ്ച രണ്ട് ഓഹരികൾ വാങ്ങാൻ നിർദ്ദേശം, ടാർഗെറ്റ് വില അറിയാം
- Travel അവധിക്കാലത്ത് കാടും മലയും കയറാം; ഇല്ലിക്കല് കല്ല് മുതൽ വയനാടും ഗവിയും വരെ..
ഗതികേടോ, സുവർണാവസരമോ; 5ജിക്കായി ബിഎസ്എൻഎൽ ജിയോയുടെ സഹായം തേടുന്നു
''അടുത്ത വർഷം ഓഗസ്റ്റ് 15 ന് സ്വാതന്ത്ര്യ ദിനത്തിൽ രാജ്യത്ത് ബിഎസ്എൻഎൽ(BSNL) 5ജി സേവനങ്ങൾ ആരംഭിക്കണം''- രാജ്യത്തെ ഒരേയൊരു പൊതുമേഖലാ ടെലിക്കോം സ്ഥാപനമായ ബിഎസ്എൻഎലിന് കേന്ദ്ര സർക്കാർ നൽകിയിരിക്കുന്ന ഉത്തരവാണിത്. സ്വകാര്യ കമ്പനികൾ രാജ്യത്ത് 5ജി സേവനങ്ങളിലേക്ക് കടന്നിട്ടും സർക്കാർ പിന്തുണയുള്ള ബിഎസ്എൻഎലിന് 2ജി വേഗത പോലും ഭൂരിഭാഗം പ്രദേശങ്ങളിലും നൽകാൻ കഴിയുന്നില്ല.
അത് സർക്കാരിനും ഏറെ നാണക്കേട് ഉണ്ടാക്കിയതു കൊണ്ടുകൂടിയാകാം സർക്കാർ ഇത്തരമൊരു നിർദേശം ബിഎസ്എൻഎലിന് നൽകിയിരിക്കുന്നത്. എന്നാൽ നിർദേശം നൽകുന്നതിനപ്പുറം അത് നിറവേറ്റാൻ ആവശ്യമായ പിന്തുണയും സഹായവും ബിഎസ്എൻഎലിന് കിട്ടുന്നുണ്ടോ എന്നതാണ് ഇപ്പോൾ ഉയരുന്ന ചോദ്യം. കേന്ദ്രം നൽകിയിരിക്കുന്ന നിർദേശങ്ങൾ ബിഎസ്എൻഎലിന്റെ മുന്നോട്ടുള്ള നീക്കങ്ങൾക്ക് തടയിടുന്നതാണ് എന്നാണ് ചൂണ്ടിക്കാണിക്കപ്പെടുന്നത്.
ഇപ്പോൾ വിട്ടാൽ പിന്നീട് ദുഃഖിക്കരുത്; ഇഷ്ടംപോലെ ഡാറ്റ അധികമായി നൽകുന്ന വിഐ ഓഫർ ഉടൻ അവസാനിക്കും
വാ പൂട്ടിക്കെട്ടിയ ശേഷം ഭക്ഷണം കഴിക്കാൻ പറയുന്നതുപോലെതാണ് കടുത്ത നിയന്ത്രണങ്ങൾ ഏർപ്പെടുത്തിയശേഷം ബിഎസ്എൻഎലിനോട് 5ജി വേണമെന്ന് ആവശ്യപ്പെടുന്നത് എന്നാണ് ആക്ഷേപം. 5ജി നടപ്പാക്കണമെങ്കിൽ അതിന് മുമ്പ് 4ജി നടപ്പാക്കേണ്ടതുണ്ട്. എന്നാൽ ഇതിന് ആവശ്യമായ സാങ്കേതിക സഹായങ്ങൾ ലഭ്യമാക്കാൻ വിദേശ കമ്പനികളെ ആശ്രയിക്കരുത് എന്നാണ് ബിഎസ്എൻഎലിനോട് നിർദേശിച്ചിരിക്കുന്നത്.
4ജി സേവനങ്ങൾ രാജ്യമെങ്ങും സജ്ജമാക്കാൻ ടാറ്റ കൺസൾട്ടൻസി സർവീസസ് (TCS), തേജസ് നെറ്റ്വർക്കുകൾ, സെന്റർ ഫോർ ഡെവലപ്മെന്റ് ഓഫ് ടെലിമാറ്റിക്സ് (C-DoT) കൺസോർഷ്യം എന്നിവരെയാണ് ബിഎസ്എൻഎൽ ആശ്രയിച്ചിരുന്നത്. എന്നാൽ ഈ കമ്പനികളുമായുള്ള സഹകരണം വൻ ചെലവ് ആണ് ബിഎസ്എൻഎലിന് ഉണ്ടാക്കുന്നത്. 4ജി സേവങ്ങൾ ഉറപ്പാക്കുന്നതിൽ സഹായിക്കാൻ വളരെ ഉയർന്ന തുക ഈടാക്കുന്നു എന്നാണ് ബിഎൻഎൻഎലിന്റെ പരാതി.
പൊറുതിമുട്ടിച്ചാലും പൊന്നാണ് ജിയോ! 500 രൂപയിൽ താഴെയുള്ള ജിയോ "ബെസ്റ്റ് സെല്ലർ" പ്ലാൻ
രാജ്യത്തുടനീളമുള്ള 1,00,000 ടവറുകൾ 4G ലേക്ക് നവീകരിക്കാൻ ആണ് ബിഎസ്എൻഎൽ ശ്രമിക്കുന്നത്. എന്നാൽ വൻ ചെലവ് വരുത്തുന്ന മറ്റു കമ്പനികളെ കൈയൊഴിഞ്ഞതോടെ 4ജി സേവനങ്ങൾ നൽകാൻ ഇന്ത്യൻ ടെലിക്കോം രംഗത്തെ വമ്പനായ റിലയൻസ് ജിയോയുടെ സഹായം തേടാൻ ബിഎസ്എൻഎൽ നിർബന്ധിതരായിരിക്കുകയാണ്. വിദേശത്തു നിന്നുള്ള കമ്പനികളുടെ സഹായം തേടുന്നതിൽ കേന്ദ്രത്തിന്റെ വിലക്ക് നിലനിൽക്കുന്നതാണ് ബിഎസ്എൻഎലിനെ കുഴക്കുന്നത്.
രാജ്യത്ത് 5ജി സേവനങ്ങൾ ആരംഭിക്കാനുള്ള തയാറെടുപ്പിലാണ് ജിയോ. അതിനു മുന്നോടിയായുള്ള നടപടികളും ആരംഭിച്ചു. ഇതിനിടെ ജിയോ വികസിപ്പിച്ച ഇപിസി(ഇവോൾവ്ഡ് പാക്കറ്റ് കോർ, 4ജി) യുടെ സഹായം തേടാനാണ് ബിഎസ്എൻഎൽ ശ്രമിക്കുന്നത്. 4ജി സേവനങ്ങൾ മറ്റ് കമ്പനികളുമായി പങ്കുവയ്ക്കാൻ ഇതുവഴി ജിയോയ്ക്ക് സാധിക്കും. ഈ സാധ്യത ഉപയോഗപ്പെടുത്തി ആദ്യം 4ജിയും പിന്നീട് 5ജിയും നൽകാനാണ് ബിഎസ്എൻഎൽ നീക്കം.
കാശ് ലാഭിക്കണോ? ഉഗ്രൻ ബിഎസ്എൻഎൽ പ്ലാനുണ്ട്!
ടാറ്റ ഗ്രൂപ്പിന്റെ നേതൃത്വത്തിലുള്ള കൺസോർഷ്യം ഓരോ ബിഡ്ഡിനും 20,000 കോടി രൂപയാണ് നിശ്ചയിച്ചത്. എന്നാൽ ബിഎസ്എൻഎൽ നടത്തിയ വിലയിരുത്തലിൽ ബിഡ്ഡിന് പരമാവധി 17,000 കോടിവരെ മാത്രമാണ് ചെലവാക്കാനാകുക. തുടർന്നാണ് ടാറ്റ കൺസോർഷ്യം ഉൾപ്പെടെയുള്ളവരെ ഒഴിവാക്കി 4ജി വിതരണം ഒരുക്കാൻ മറ്റു വഴികൾ തേടാൻ ബിഎസ്എൻഎൽ നിർബന്ധിതമായത്. എതിരാളിയാണെങ്കിലും ജിയോയുമായി ബിഎസ്എൻഎൽ 5ജി വിതരണത്തിൽ കൈകോർക്കാനാണ് ഇപ്പോൾ സാധ്യത കൂടുതലുള്ളത്.
സാധ്യമായ എല്ലാ വഴികളും നോക്കുന്ന ബിഎസ്എൻഎലിന് ജിയോയെ ആശ്രയിക്കാതെ നിലവിൽ മറ്റ് മാർഗങ്ങളില്ല. ഭാവിയിൽ 5ജിയിലേക്ക് അപ്ഗ്രേഡ് ചെയ്യാവുന്നവയാണ് ജിയോയുടെ ഇപിസി സംവിധാനം. അതും ബിഎസ്എൻഎലിനെ ജിയോയിലേക്ക് അടുപ്പിക്കുന്നുണ്ട്. നിലവിൽ മറ്റ് മാർഗങ്ങൾ അന്വേഷിച്ച് പോകുന്നത് ബിഎസ്എൻഎലിന്റെ 5ജി, 4ജി സേവനങ്ങൾ ആരംഭിക്കുന്നതിനെ വീണ്ടും വൈകിപ്പിക്കും. ഇപ്പോൾ തന്നെ ടെലിക്കോം രംഗത്ത് ബിഎസ്എൻഎലിന് തിരിച്ചടികളുടെ പരമ്പരയാണ്.
5ജിയ്ക്കായി ആരെ തിരഞ്ഞെടുക്കണം? ജിയോയുടെയും എയർടെലിന്റെയും 5ജി കരുത്തും വ്യത്യാസങ്ങളും
അടുത്ത വർഷത്തോടെ ജിയോയും എയർടെലും രാജ്യത്ത് 5ജി കൂടുതൽ പ്രദേശങ്ങളിലേക്ക് വ്യാപിപ്പിക്കുമ്പോൾ 2ജി വേഗവുമായി പിടിച്ചുനിൽക്കാൻ ബിഎസ്എൻഎലിന് കഴിയുമോ എന്നത് സംശയമാണ്. ഇപ്പോഴും നെറ്റ്വർക്ക് കവറേജ് ലഭ്യമല്ലാത്ത ആയിരക്കണക്കിന് ഗ്രാമങ്ങൾ ഇന്ത്യയിലുണ്ട്. വമ്പൻ ടെലിക്കോം കമ്പനികൾക്ക് താൽപര്യമില്ലാത്ത ഈ ഗ്രാമങ്ങളുടെയെല്ലാം പ്രതീക്ഷ ബിഎസ്എൻഎലിലാണ്.
ബിഎസ്എൻഎൽ നിലനിൽക്കേണ്ടത് ഈ രാജ്യത്തെ ഓരോ സാധാരണക്കാരന്റെയും ആവശ്യം കൂടിയാണ്. അതിനാൽത്തന്നെ ബിഎസ്എൻഎലിന് 4ജി, 5ജി സേവനങ്ങളിലേക്ക് കടക്കാൻ ആവശ്യമായ പരമാവധി സഹായങ്ങൾ കേന്ദ്ര സർക്കാരിന്റെ ഭാഗത്തുനിന്ന് ഉണ്ടാകണം എന്നതാണ് രാജ്യമെങ്ങും ഉയരുന്ന ആവശ്യം. എന്തായാലും അടുത്ത വർഷത്തോടെ എങ്കിലും ബിഎസ്എൻഎൽ നന്നാകാൻ തയാറായില്ലെങ്കിൽ ജനം കൈയൊഴിയുമെന്നത് ഏതാണ്ട് ഉറപ്പാണ്.
-
54,999
-
36,599
-
39,999
-
38,990
-
1,29,900
-
79,990
-
38,900
-
18,999
-
19,300
-
69,999
-
79,900
-
1,09,999
-
1,19,900
-
21,999
-
1,29,900
-
12,999
-
44,999
-
15,999
-
7,332
-
17,091
-
29,999
-
7,999
-
8,999
-
45,835
-
77,935
-
48,030
-
29,616
-
57,999
-
12,670
-
79,470