ഷമ്മി ഹീറോയാടാ! 75 വർഷമായി ടെലികമ്മ്യൂണിക്കേഷൻ ഇല്ലാതിരുന്ന ഗ്രാമത്തിന് തുണയായി ബിഎസ്എൻഎൽ

ഈ വർഷം ഓഗസ്റ്റ് 15 ആകുമ്പോൾ ഇന്ത്യക്ക് സ്വാതന്ത്ര്യം ലഭിച്ചിട്ട് 78 വർഷം തികയുന്നു. എന്നിരുന്നാലും, ഇന്ത്യയിൽ ഉള്ള തമിഴ്‌നാട്ടിലെ ഒരു ഗ്രാമം കഴിഞ്ഞ 75 വർഷമായി ടെലികോം സേവനമില്ലാതെ ദിവസേന കഷ്ടപ്പെട്ടുകൊണ്ട് ഇരിക്കുക ആയിരുന്നു. ഇപ്പോൾ അവർ യഥാർത്ഥത്തിൽ സ്വതന്ത്രരാണെന്ന് അവർ പറയുന്നു. അതെ, 2000 കുടുംബങ്ങളുള്ള ഒരു ഗ്രാമം 75 വർഷമായി ലാൻഡ്‌ഫോൺ, മൊബൈൽ ഫോൺ, സ്മാർട്ട്‌ഫോൺ, ഇൻ്റർനെറ്റ് സേവനങ്ങൾ എന്നിവയില്ലാതെ കഷ്ടപ്പെടുകയാണ്. ഇപ്പോൾ ബിഎസ്എൻഎൽ അവരുടെ ദീർഘകാല പ്രശ്‌നത്തിന് പരിഹാരമായി എത്തിയിരിക്കുക ആണ്.

ട്രിച്ചി ജില്ലയിലെ മണപ്പാറയ്ക്ക് സമീപം നാല് കുന്നുകൾക്കിടയിൽ സ്ഥിതി ചെയ്യുന്ന ഗ്രാമമാണ് കണ്ണുത്ത്. രണ്ടായിരത്തിലധികം കുടുംബങ്ങളാണ് ഈ ഗ്രാമത്തിൽ താമസിക്കുന്നത്. 75 വർഷത്തിൽ ഏറെയായി ഈ ഗ്രാമത്തിൽ ഒരു ടെലികമ്മ്യൂണിക്കേഷൻ സേവനവും ഇല്ലെന്നത് ശ്രദ്ധേയമാണ്. ഇവിടെ താമസിക്കുന്നവർക്ക് സെൽഫോണുകൾ ഉണ്ടെങ്കിലും അവർക്ക് ടവറുകളിൽ പ്രവേശനമില്ല.

അടിയന്തിര സാഹചര്യങ്ങളിൽ ആരെങ്കിലും എത്താൻ അഞ്ച് കിലോമീറ്റർ വരെ യാത്ര ചെയ്യുകയും അടുത്തുള്ള മറ്റൊരു ഗ്രാമത്തിൽ പോയാൽ മാത്രം ടെലികമ്മ്യൂണിക്കേഷൻ സേവനങ്ങൾ ലഭിക്കുകയും ചെയ്യേണ്ട സാഹചര്യത്തിലാണ് അവർ ജീവിക്കുന്നത്. കണ്ണോത്ത് വില്ലേജിൽ പുതിയ സെൽ ഫോൺ ടവറുകൾ സ്ഥാപിക്കണം എന്ന് പ്രദേശത്തെ ജനങ്ങൾ ഓരോ ടെലികോം കമ്പനികളോടും അഭ്യർഥിച്ചിട്ടുണ്ട്.

ജിയോ, എയർടെൽ, വോഡഫോൺ ഐഡിയ തുടങ്ങിയ കമ്പനികളെല്ലാം കണ്ണോത്ത് വന്ന് നാല് കുന്നുകളിൽ കുഴിച്ചിട്ട ഗ്രാമം കണ്ട് ഇവിടെ നെറ്റ്‌വർക്ക് കവറേജ് നൽകാൻ കഴിയില്ലെന്ന് പറഞ്ഞ് ഒഴിഞ്ഞ് മാറി. എന്നാൽ ഈ ഗ്രാമത്തെയും നാട്ടുകാരെയും കൈവിടാത്ത ഒരേ ഒരു കമ്പനി ബിഎസ്എൻഎൽ മാത്രം ആയിരുന്നു. ഈ മേഖലയിലേക്ക് എങ്ങനെ എങ്കിലും നെറ്റ്‌വർക്ക് സേവനം ലഭ്യമാക്കാൻ ബിഎസ്എൻഎൽ അശ്രാന്ത പരിശ്രമം നടത്തി വരികയായിരുന്നു.

ഈ ഗ്രാമത്തിന് എങ്ങനെ നെറ്റ്‌വർക്ക് കവറേജ് നൽകുമെന്ന് അറിയാതെ ബിഎസ്എൻഎൽ കമ്പനിയും ബുദ്ധിമുട്ടി. കാരണം ഈ ഗ്രാമം നാല് കുന്നുകളാൽ ചുറ്റപ്പെട്ടതാണ്. പിന്നെ, നിരവധി വെല്ലുവിളികളെ അഭിമുഖീകരിച്ച ശേഷം, ഈ ഗ്രാമത്തിന് 2ജി (2G) അല്ലെങ്കിൽ 3ജി (3G) എത്തിച്ചതിന് ശേഷം ഇപ്പോൾ ഈ ഗ്രാമത്തിലേക്ക് ബിഎസ്എൻഎൽ അത്ഭുതകരമായി 4ജിയും എത്തിക്കുന്നു.

ബിഎസ്എൻഎല്ലിൻ്റെ സ്ഥിരോത്സാഹം വലിയ വിജയമാണ്. ഒരു തരത്തിൽ 75 വർഷത്തെ പോരാട്ടത്തിന് ഒടുവിൽ കണ്ണൂത്ത് ഗ്രാമത്തിന് ഇപ്പോൾ നേരിട്ട് ബിഎസ്എൻഎൽ 4ജി നെറ്റ്‌വർക്ക് കവറേജ് ഉണ്ട്. പ്രത്യേകിച്ച്, ബിഎസ്എൻഎൽ 4ജി നെറ്റ്‌വർക്ക് ഈ പ്രദേശത്ത് താമസിക്കുന്ന വിദ്യാർത്ഥികൾക്ക് വളരെ അധികം ആത്മവിശ്വാസം നൽകിയതായി ജനങ്ങൾ പറഞ്ഞു. സ്വകാര്യ കമ്പനികൾ ഉപേക്ഷിച്ച ഒരു ഗ്രാമം, ബിഎസ്എൻഎൽ അതിൻ്റെ 4ജി ഇൻഫ്രാസ്ട്രക്ചർ ഉപയോഗിച്ച് പ്രദേശത്തെ ജനങ്ങൾക്ക് സുഖപ്രദമായ ടെലികമ്മ്യൂണിക്കേഷൻ സേവനം നൽകാൻ പരിശ്രമിച്ചു.

ബിഎസ്എൻഎല്ലിൻ്റെ ഈ മഹത്തായ നേട്ടത്തെ പുകഴ്ത്തുകയാണ് ഇപ്പോൾ എല്ലാവരും. എന്നാൽ ബിഎസ്എൻഎൽ എങ്ങനെയാണ് ഇത് സാധ്യമാക്കിയത് എന്ന് സ്വകാര്യ കമ്പനികൾ അന്വേഷിക്കുകയാണ്. മറുവശത്ത്, ബിഎസ്എൻഎല്ലിൻ്റെ ഈ നേട്ടം കണ്ട് ആളുകൾ ബിഎസ്എൻഎല്ലിൽ വിശ്വസിക്കാൻ തുടങ്ങിയിരിക്കുന്നു. ഇത് സ്വകാര്യ കമ്പനികളുടെ ബിസിനസിനെ ബാധിക്കുമെന്നതിനാൽ ഇപ്പോൾ ജിയോ, എയർടെൽ, വിഐ കമ്പനികൾ പരിഭ്രാന്തിയിലാണ്.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.