കൈ നിറയെ വെണ്ണ അല്ല, ആനൂകുല്യങ്ങൾ! ബിഎസ്എൻഎല്ലിന്റെ 70 ദിവസത്തേക്കുള്ള പ്ലാൻ ഇതാ

സർക്കാർ ഉടമസ്ഥതയിലുള്ള ടെലികോം കമ്പനിയായ ബിഎസ്എൻഎൽ ഉപഭോക്താക്കൾക്കായി വലിയ പൈസ ചിലവില്ലാത്ത റീചാർജ് പ്ലാനുകൾ കൊണ്ടുവരാൻ ഇപ്പോഴും ശ്രമിക്കാറുണ്ട്. ജിയോ, എയർടെൽ, വോഡഫോൺ ഐഡിയ തുടങ്ങിയ സ്വകാര്യ ടെലികോം ഓപ്പറേറ്റർമാർ വില വർധിപ്പിച്ചപ്പോഴും, തങ്ങളുടെ പ്ലാനുകൾ പഴയ നിരക്കിൽ തന്നെ നിലനിർത്താൻ ബിഎസ്എൻഎല്ലിന് കഴിഞ്ഞിരുന്നു. ഈ വില കുറവ് ധാരാളം ഉപയോക്താക്കളെ ആകർഷിച്ചു. ജൂലൈ മുതൽ പലരും തങ്ങളുടെ നമ്പറുകൾ ബിഎസ്എൻഎലിലേക്ക് മാറ്റി. ബിഎസ്എൻഎൽ സിം ഉപയോഗിക്കുന്നവർക്ക്, അതികം പൈസ ചിലവാകില്ല. ബിഎസ്എൻഎല്ലിന്റെ ചെലവ് കുറഞ്ഞ റീചാർജ് പ്ലാനിനെ കുറിച്ചാണ് ഈ ലേഖനം സംസാരിക്കുന്നത്.

മറ്റ് ടെലികോം ദാതാക്കളിൽ നിന്നുള്ള വില വർദ്ധനവിൻ്റെ പശ്ചാത്തലത്തിൽ, താങ്ങാനാവുന്ന ഓപ്ഷനുകൾക്കായി തിരയുന്ന ഉപയോക്താക്കൾക്കുള്ള ഒരു ജനപ്രിയ ചോയിസായി ബിഎസ്എൻഎൽ മാറുന്നു. വിപണിയിൽ ഏറ്റവും വില കുറഞ്ഞ റീചാർജ് പ്ലാനുകൾ വാഗ്ദാനം ചെയ്യുന്ന ഒരേയൊരു കമ്പനിയായി ബിഎസ്എൻഎൽ മാറി. എന്നിരുന്നാലും, വ്യത്യസ്ത ഉപഭോക്തൃ ആവശ്യങ്ങൾ നിറവേറ്റുന്നതിനായി വിപുലീകൃത സാധുതയുള്ള കൂടുതൽ ചെലവേറിയ പ്ലാനുകളും ബിഎസ്എൻഎൽ നൽകുന്നു.

ബിഎസ്എൻഎല്ലിൽ നിന്നുള്ള മികച്ച ഓഫറുകളിലൊന്ന് 70 ദിവസത്തെ റീചാർജ് പ്ലാനാണ്. അത് താങ്ങാനാവുന്ന വിലയും ആവശ്യമായ ആനുകൂല്യങ്ങളും നൽകുന്നണ്ട്. ഉപഭോക്താക്കളെ ആകർഷിക്കുന്നതിനും അവരെ പിടിച്ച് നിർത്തുന്നതിനും ബിഎസ്എൻഎൽ തുടർച്ചയായി ആകർഷകമായ ഓഫറുകളോടെ റീചാർജ് പ്ലാനുകൾ പുറത്തിറക്കിയിട്ടുണ്ട്. അത്തരത്തിലുള്ള ഒരു പ്ലാൻ ആണ് 70 ദിവസത്തെ വാലിഡിറ്റി ഉള്ള 197 രൂപ റീചാർജ് പ്ലാൻ. ഇത് കൂടുതൽ പൈസ ചെലവാക്കാതെ ദീർഘകാലത്തേക്ക് സിം കാർഡുകൾ സജീവമായി നിലനിർത്താൻ ആഗ്രഹിക്കുന്ന ഉപയോക്താക്കൾക്ക് അനുയോജ്യമാണ്.

200 രൂപയിൽ താഴെ, മറ്റൊരു ടെലികോം ദാതാക്കളും 70 ദിവസത്തെ വാലിഡിറ്റിയുള്ള പ്ലാൻ വാഗ്ദാനം ചെയ്യുന്നില്ല. ഈ പ്ലാൻ ഉപയോക്താക്കൾക്ക് ഡാറ്റയും അൺലിമിറ്റഡ് കോളിംഗ് ആനുകൂല്യങ്ങളും നൽകുന്നു. എന്നാൽ കുറച്ച് നിബന്ധനകളുണ്ട്. പ്ലാനിന് 70 ദിവസത്തെ വാലിഡിറ്റി ഉണ്ടെങ്കിലും സൗജന്യ കോളിംഗും ഡാറ്റാ ആനുകൂല്യങ്ങളും ആദ്യ 18 ദിവസത്തേക്ക് പരിമിതപ്പെടുത്തിയിരിക്കുന്നു.

എന്നാൽ, ഈ കാലയളവിൽ ഉപയോക്താക്കൾക്ക് പ്രതിദിനം 2 ജിബി ഡാറ്റയും പ്രതിദിനം 100 സൗജന്യ എസ്എംഎസും ലഭിക്കും. പ്രാരംഭ 18 ദിവസങ്ങൾക്ക് ശേഷം, പ്ലാനിൻ്റെ എടുത്ത് പറയേണ്ട നേട്ടം അതിൻ്റെ ദീർഘകാല വാലിഡിറ്റി ആണ്. ഇത് ഉപയോക്താവിൻ്റെ നമ്പർ സജീവമായി നിലനിർത്താൻ സഹായിക്കുന്നു. നിങ്ങൾ അധികം അനൂകുല്യങ്ങൾ ഒന്നുമില്ലാത്ത പ്ലാൻ തേടുന്നവരാണെങ്കിൽ ഇതാണ് മികച്ച പ്ലാൻ.

നിങ്ങളൊരു ബിഎസ്എൻഎൽ സിം കാർഡ് ഉപയോക്താവാണെങ്കിൽ, 200 രൂപയിൽ താഴെയുള്ള റീചാർജ് പ്ലാനുകൾ നിങ്ങൾ അറിഞ്ഞിരിക്കണം. 147 രൂപ പ്ലാനിൽ ഒരു മാസം മുഴുവൻ സൗജന്യ കോളിംഗ് ആസ്വദിക്കാൻ ഉപയോക്താക്കളെ പ്രാപ്തരാക്കുന്ന മറ്റൊരു പ്ലാനും ബിഎസ്എൻഎല്ലിന് ഉണ്ട്. ജിയോ, എയർടെൽ, വിഐ തുടങ്ങിയ പ്രമുഖ ടെലികോം കമ്പനികളൊന്നും താങ്ങാനാവുന്ന 30 ദിവസത്തെ റീചാർജ് പ്ലാൻ വാഗ്ദാനം ചെയ്യുന്നില്ല എന്നതിനാൽ പണം ലാഭിക്കാൻ ആഗ്രഹിക്കുന്നവർക്ക് ഈ പ്ലാൻ ഒരു മികച്ച ബദലാണ്.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.