ബി.എസ്.എൻ.എൽ അഞ്ച് പ്രീപെയ്ഡ് പ്ലാനുകൾ നീക്കം ചെയ്യ്തു, ബമ്പർ ഓഫർ ജൂൺ 30 വരെ നീട്ടി

ബി.എസ്.എൻ.എൽ

ബി.എസ്.എൻ.എൽ 333 രൂപയുടെ റീചാർജ് പ്ലാനിൽ അൺലിമിറ്റഡ് വോയിസ് കോളുകളും ദിവസവും 3 ജി.ബി ഡാറ്റയുമാണ് നൽകിയിരുന്നത്. 45 ദിവസം കാലാവധിയുളള പ്ലാനിൽ 'ഇറോസ് നൗവ് സബ്സ്ക്രിപ്ഷനും' നൽകിയിരുന്നു. 444 രൂപയുടെ പ്ലാനിന്റെ കാലാവധി 60 ദിനമാണ്. ദിവസവും 4 ജി.ബിയായിരുന്നു ഈ പ്ലാനിൽ നിന്നും ഉപയോക്താക്കൾക്ക് ലഭിച്ചിരുന്നത്.

ഇറോസ് നൗവ് സബ്സ്ക്രിപ്ഷൻ

കൊൽക്കത്ത വെബ്സൈറ്റിലെ റിപ്പോർട്ട് പ്രകാരം, ബി.എസ്.എൻ.എൽ മേയ് 1 മുതലാണ് പ്ലാനുകൾ നീക്കം ചെയ്തത്. മറ്റു ബി.എസ്.എൻ.എൽ വെബ്സൈറ്റുകളിലും ഈ പ്ലാനുകൾ നീക്കം ചെയ്തിട്ടുണ്ട് എന്ന് റിപ്പോർട്ടിൽ പറയുന്നു.

പ്രീപെയ്ഡ് റീചാർജ് പ്ലാനുകൾ

ബി.എസ്.എൻ.എൽ 339 രൂപ, 379 രൂപ, 392 രൂപയുടെ പ്രീപെയ്ഡ് റീചാർജ് പ്ലാനുകളും ഒഴിവാക്കിയിട്ടുണ്ട്. ബി.എസ്.എൻ.എൽ 339 രൂപയുടെ റീചാർജ് പ്ലാനിന്റെ ദൈർഘ്യം 26 ദിവസമാണ്. 3 ജി.ബിയാണ് ദിവസവും ഈ പ്ലാനിൽ നിന്നും ലഭിച്ചിരുന്നത്. ഇതിനൊപ്പം മറ്റു നെറ്റ്‌വർക്കുകളിലേക്ക് ദിവസവും 30 മിനിറ്റ് എസ്ടിഡി കോളുകൾ സൗജന്യമായി ലഭിച്ചിരുന്നു.

379 രൂപയുടെ പ്ലാൻ

അതേസമയം, 379 രൂപയുടെ പ്ലാനിൽ ദിവസവും 4 ജി.ബിയാണ് നൽകിയിരുന്നത്. ഇതിനൊപ്പം ബി.എസ്.എൻ.എൽ നെറ്റ്‌വർക്കിലേക്ക് അൺലിമിറ്റഡ് വോയിസ് കോളുകളും മറ്റു നെറ്റ്‌വർക്കിലേക്ക് ദിവസവും 30 മിനിറ്റ് കോളിങ് സൗകര്യവും ലഭിച്ചിരുന്നു.

ഓൺ നെറ്റ്‌വർക്ക് കോളുകൾ

30 ദിവസമായിരുന്നു പ്ലാനിന്റെ ദൈർഘ്യം. 392 രൂപയുടെ റീചാർജ് പ്ലാനിൽ ദിവസവും 3 ജി.ബിയാണ് ലഭിച്ചിരുന്നത്. ഇറോസ് നൗ സബ്സ്ക്രിപ്ഷൻ, ഓൺ നെറ്റ്‌വർക്ക് കോളുകൾ, ബി.എസ്.എൻ.എൽ ഗെയിമിങ് എന്നിവയും 56 ദിവസത്തെ കാലാവധിയിൽ ലഭിച്ചിരുന്നു.

ബംപർ ഓഫർ

ഈ ആഴ്ച ആദ്യം ബംപർ ഓഫർ ജൂൺ 30 വരെ ബി.എസ്.എൻ.എൽ നീട്ടിയിരുന്നു. 186 രൂപ, 429 രൂപ, 485 രൂപ, 666 രൂപ, 999 രൂപ, 1,699 രൂപയുടെ റീചാർജ് പ്ലാനുകൾ തിരഞ്ഞെടുക്കുന്ന ഉപയോക്താക്കൾക്ക് ഈ ഓഫറിലൂടെ ദിവസവും 2.21 ജി.ബി അധികമായി ലഭിക്കും.

ടെലികോം

കഴിഞ്ഞ വർഷം സെപ്റ്റംബറിലാണ് ഈ ഓഫർ പ്രഖ്യാപിച്ചത്. ജനുവരി വരെയായിരുന്നു ഓഫർ ആദ്യം നീട്ടിയത്, പിന്നീട് ഏപ്രിൽ 30 വരെയും അത് കഴിഞ്ഞ് ജൂൺ വരെയും നീട്ടി.

ബി.എസ്.എൻ.എൽ ഗെയിമിങ്

ബി.എസ്.എൻ.എൽ 'ബംപർ ഓഫർ' കേരളം ഒഴികെയുളള 19 സർക്കിളുകളിലും ലഭ്യമാണ്. ഈ ഓഫറിൽ 1 ജി.ബി ദിവസവും ലഭിക്കുന്ന പ്ലാനാണെങ്കിൽ 2.21 ജി.ബി അധിക ഡാറ്റ അടക്കം മുഴുവനായി 3.2 ജി.ബി ഡാറ്റ ലഭിക്കും.