ഈ ബിഎസ്എൻഎൽ പ്ലാനിനോട് മുട്ടാൻ ജിയോയും എയർടെലും ഇച്ചിരി വിയർക്കും

ബിഎസ്എൻഎൽ പ്ലാനിനേക്കാളും കുറഞ്ഞ ആനുകൂല്യങ്ങളുമായാണ് സ്വകാര്യ ടെലിക്കോം കമ്പനികളുടെ 299 രൂപ പ്രീപെയ്ഡ് പ്ലാൻ വരുന്നത്. 2021 നവംബറിൽ സ്വകാര്യ കമ്പനികൾ നിരക്ക് വർധനവ് നടപ്പാക്കിയിരുന്നു. താരിഫ് വർധനയ്ക്ക് ശേഷം ബിഎസ്എൻഎല്ലിന്റെ 299 പ്ലാനും സ്വകാര്യ കമ്പനികളുടെ പ്ലാനുകളും തമ്മിലുള്ള വ്യത്യാസങ്ങളും കൂടി. 299 രൂപയുടെ ബിഎസ്എൻഎൽ പ്ലാനും സ്വകാര്യ ടെലിക്കോം കമ്പനികളുടെ പ്ലാനുകളും തമ്മിലുള്ള വ്യത്യാസങ്ങൾ വിശദമായി മനസിലാക്കാൻ തുടർന്ന് വായിക്കുക.

എയർടെൽ വരിക്കാർ തീർച്ചയായും അറിഞ്ഞിരിക്കേണ്ട 84 ദിവസം വാലിഡിറ്റിയുള്ള കിടിലൻ പ്ലാനുകൾ

299 രൂപയുടെ ബിഎസ്എൻഎൽ പ്രീപെയ്ഡ് പ്ലാൻ

ബിഎസ്എൻഎൽ ഉപയോക്താക്കൾക്ക് 299 രൂപയുടെ പ്രീപെയ്ഡ് പ്ലാൻ 30 ദിവസത്തെ വാലിഡിറ്റിയാണ് ഓഫർ ചെയ്യുന്നത്. ഈ പ്ലാനിലൂടെ, ഉപയോക്താക്കൾക്ക് അൺലിമിറ്റഡ് വോയ്‌സ് കോളിങ് ആനുകൂല്യങ്ങളും 3 ജിബി പ്രതിദിന ഡാറ്റയും ലഭിക്കും. ( ഉപയോഗത്തിന് ശേഷം ഡാറ്റ സ്പീഡ് 80 കെബിപിഎസ് ആയി കുറയും ). പ്രതിദിനം 100 എസ്എംഎസുകളും ബിഎസ്എൻഎൽ പ്രീപെയ്ഡ് പ്ലാൻ നൽകുന്നു.

 

ഈ പ്ലാനിൽ മറ്റ് ആനുകൂല്യങ്ങളൊന്നും ഓഫർ ചെയ്യുന്നില്ല. ഈ പ്ലാനിന്റെ ഏറ്റവും വലിയ നേട്ടം അതിന്റെ വാലിഡിറ്റിയും ഡാറ്റ ആനുകൂല്യവും തന്നെയാണ്. 30 ദിവസം വാലിഡിറ്റിയുള്ള അധികം പ്ലാനുകൾ ഒന്നും തന്നെ കമ്പനികൾ ഓഫർ ചെയ്യുന്നില്ല എന്നത് ശ്രദ്ധിക്കണം. അത്യാവശ്യം ഡാറ്റ ഉപയോഗം ഉള്ള ഏതൊരു ഉപയോക്താവിനും മതിയാകുന്ന ഡാറ്റ പായ്ക്കും ബിഎസ്എൻഎല്ലിന്റെ 299 രൂപയുടെ പ്രീപെയ്ഡ് പ്ലാനിനെ ആകർഷകമാക്കുന്നു.

വില കൂട്ടിയാലും റീചാർജ് ചെയ്യണമല്ലോ; റിലയൻസ് ജിയോ നൽകുന്ന മികച്ച ജിയോഫോൺ റീചാർജ് പ്ലാനുകൾ

299 രൂപയുടെ എയർടെൽ പ്ലാൻ

ബിഎസ്എൻഎല്ലിന്റെ 299 രൂപ പ്ലാനിനുള്ള എയർടെലിന്റെ മറുപടിയാണ് ഈ പ്ലാൻ. 28 ദിവസത്തെ വാലിഡിറ്റിയാണ് 299 രൂപ വിലയുള്ള എയർടെൽ പ്രീപെയ്ഡ് പ്ലാനിൽ നിന്നും ലഭിക്കുന്നത്. പ്രതിദിനം 1.5 ജിബി ഡാറ്റയും ഈ എയർടെൽ പ്ലാൻ ഓഫർ ചെയ്യുന്നു. അൺലിമിറ്റഡ് വോയ്സ് കോളിങും പ്രതിദിനം 100 എസ്എംഎസുകളും യൂസേഴ്നിന് ലഭിക്കും.

മറ്റ് ചില അധിക ആനുകൂല്യങ്ങളും 299 രൂപയുടെ എയർടെൽ പ്രീപെയ്ഡ് പ്ലാൻ ഓഫർ ചെയ്യുന്നുണ്ട്. 28 ദിവസത്തെ എക്സ്ട്രീം മൊബൈൽ പായ്ക്കാണ് ഇതിൽ പ്രധാനം. അപ്പോളോ 24 / 7 സർക്കിൾ, ഫാസ്ടാഗിൽ 100 രൂപ ക്യാഷ്ബാക്ക്, ഫ്രീ ഹെലോട്യൂൺസ്, സൌജന്യ വിങ്ക് മ്യൂസിക് സബ്സ്ക്രിപ്ഷൻ എന്നിവയും 299 രൂപയുടെ പ്രീപെയ്ഡ് പ്ലാൻ നൽകുന്നു.

599 രൂപയ്ക്ക് അതിശയിപ്പിക്കുന്ന ആനുകൂല്യങ്ങളുമായി ബിഎസ്എൻഎൽ ബ്രോഡ്ബാന്റ് പ്ലാൻ

299 രൂപയുടെ റിലയൻസ് ജിയോ പ്ലാൻ

റിലയൻസ് ജിയോയുടെ 299 രൂപ പ്ലാൻ പ്രതിദിനം രണ്ട് ജിബി ഡാറ്റയാണ് ഓഫർ ചെയ്യുന്നത്. എയർടെലിന്റെ പ്ലാനുമായി താരതമ്യം ചെയ്യുമ്പോൾ ഇത് കൂടുതൽ ആണ്. അതേ സമയം തന്നെ പ്ലാനിന്റെ വാലിഡിറ്റി എയർടെലിന് സമാനമായിട്ടാണ് വരുന്നത്. 28 ദിവസം വാലിഡിറ്റി മാത്രമാണ് 299 രൂപയുടെ ജിയോ പ്ലാനും ഓഫർ ചെയ്യുന്നത്.

യൂസേഴ്സിന് അൺലിമിറ്റഡ് വോയ്സ് കോളിങ് ആനുകൂല്യവും പ്രതിദിനം 100 എസ്എംഎസുകളും ലഭിക്കും. ജിയോ ടിവി, ജിയോ സിനിമ, ജിയോ സെക്യൂരിറ്റി, ജിയോ ക്ലൌഡ് തുടങ്ങിയ കോംപ്ലിമെന്ററി സബ്സ്ക്രിപ്ഷനും 299 രൂപയുടെ റിലയൻസ് ജിയോ പ്ലാൻ ഓഫർ ചെയ്യുന്നു. വിഐയിൽ നിന്നുള്ള 299 രൂപ പ്ലാനിനെക്കുറിച്ച് അറിയാൻ തുടർന്ന് വായിക്കുക.

ജിയോയും വിഐയും എയർടെലും 5ജി വേണ്ടെന്ന് വച്ചാൽ എന്ത് ചെയ്യും

299 രൂപയുടെ വിഐ പ്രീപെയ്ഡ് പ്ലാൻ

വോഡഫോൺ ഐഡിയ അഥവാ വിഐയും 299 രൂപ വിലയുള്ള പ്രീപെയ്ഡ് പ്ലാൻ ഓഫർ ചെയ്യുന്നു. 28 ദിവസത്തെ വാലിഡിറ്റിയാണ് ഈ പ്ലാനിൽ ലഭിക്കുന്നത്. പ്രതിദിനം 1.5 ജിബി ഡാറ്റയും 299 രൂപയുടെ വിഐ പ്രീപെയ്ഡ് പ്ലാൻ വഴി യൂസേഴ്സിന് ലഭിക്കും. ഒപ്പം പ്രതിദിനം 100 എസ്എംഎസുകളും അൺലിമിറ്റഡ് വോയ്സ് കോളിങും 299 രൂപയുടെ വിഐ പ്രീപെയ്ഡ് പ്ലാൻ ഓഫർ ചെയ്യുന്നു.

ഉപയോക്താക്കൾക്ക് വിഐ ഹീറോ അൺലിമിറ്റഡ് ആനുകൂല്യങ്ങളും കമ്പനി ഓഫർ ചെയ്യുന്നു. വിഐ മൂവീസ് ആൻഡ് ടിവിയിലേക്കുള്ള സൌജന്യ സബ്സ്ക്രിപ്ഷനും 299 രൂപയുടെ വിഐ പ്രീപെയ്ഡ് പ്ലാനിന് ഒ പ്പം ലഭിക്കുന്നു. വിഐ ഹീറോ അൺലിമിറ്റഡ് ആനുകൂല്യങ്ങൾക്ക് കീഴിൽ, ഉപയോക്താക്കൾക്ക് ബിഞ്ച് ഓൾ നൈറ്റ്, വീക്കെൻഡ് ഡാറ്റ റോൾ ഓവർ, ഡാറ്റ ഡിലൈറ്റ്സ് എന്നിവയും ലഭിക്കും.

ഇത് ബിഎസ്എൻഎല്ലിന് മാത്രം സ്വന്തം; കുറഞ്ഞ വിലയും 90 ദിവസം വാലിഡിറ്റിയുമുള്ള പ്ലാനുകൾ

ബിഎസ്എൻഎൽ, റിലയൻസ് ജിയോ, എയർടെൽ, വിഐ എന്നീ കമ്പനികളിൽ നിന്നുള്ള 299 രൂപ പ്ലാനുകൾ താരതമ്യം ചെയ്യുമ്പോൾ ബിഎസ്എൻഎൽ പ്ലാനിന് തന്നെയാണ് മുൻതൂക്കം. വാലിഡിറ്റി, ഡാറ്റ ആനുകൂല്യം എന്നിവയിൽ എല്ലാം ബിഎസ്എൻഎല്ലിന്റെ 299 രൂപ പ്ലാൻ മികവ് പുലർത്തുന്നു. മൂന്ന് സ്വകാര്യ കമ്പനികളും 28 ദിവസത്തെ വാലിഡിറ്റിയിലാണ് 299 രൂപയുടെ പ്ലാൻ നൽകുന്നത്. അതേ സമയം ബിഎസ്എൻഎൽ 30 ദിവസത്തെ വാലിഡിറ്റി ഓഫർ ചെയ്യുന്നു.

ഡാറ്റ ആനുകൂല്യത്തിന്റെ കാര്യത്തിലും മികവ് ബിഎസ്എൻഎല്ലിന് തന്നെ. 3 ജിബി പ്രതിദിന ഡാറ്റയാണ് ബിഎസ്എൻഎല്ലിന്റെ 299 രൂപ പ്ലാൻ ഓഫർ ചെയ്യുന്നത്. എയർടെലും വിഐയും 1.5 ജിബി പ്രതിദിന ഡാറ്റ മാത്രമാണ് യൂസേഴ്സിന് നൽകുന്നത്. ജിയോ ആകട്ടെ രണ്ട് ജിബി പ്രതിദിന ഡാറ്റയും നൽകുന്നു. അധിക ആനുകൂല്യങ്ങൾക്ക് പലപ്പോഴും പ്രസക്തിയില്ലാത്തതിനാൽ ബിഎസ്എൻഎല്ലിന്റെ 299 രൂപ പ്ലാനിന് തന്നെയാണ് മുൻതൂക്കം.

5ജിയോട് മുഖം തിരിച്ച് വോഡാഫോൺ ഐഡിയ; സ്പെക്ട്രം ലേലത്തിനായി അധികം പണം ചിലവഴിക്കില്ല