വർക്കിച്ചാ യെവൻ പുലിയാണ് കേട്ടാ! നിരവധി ആനുകൂല്യങ്ങൾ ഉള്ള ബിഎസ്എൻഎൽ ഷോർട്ട് ടേം പ്ലാനുകൾ ഇതാ...

വൈവിധ്യമാർന്ന ഉപഭോക്തൃ ആവശ്യങ്ങൾ നിറവേറ്റുന്നതിനായി സർക്കാർ ഉടമസ്ഥതയിലുള്ള ടെലിക്കോം കമ്പനിയായ ബിഎസ്എൻഎൽ (BSNL) ഷോർട്ട് ടേം പ്ലാനുകളുടെ ഒരു ശ്രേണി തന്നെ വാഗ്ദാനം ചെയ്യുന്നുണ്ട്. താൽക്കാലിക കണക്റ്റിവിറ്റി പരിഹാരങ്ങൾ തേടുന്നവർക്ക് ഈ പ്ലാനുകൾ പ്രയോജനകരവും താങ്ങാനാവുന്ന വിലയും സൗകര്യവും നൽകുന്നു. ലഭ്യമായ വിവിധ ഓപ്ഷനുകൾ ഉപയോഗിച്ച്, ഉപഭോക്താക്കൾക്ക് അവരുടെ ആവശ്യങ്ങൾക്ക് ഏറ്റവും അനുയോജ്യമായ പ്ലാൻ തിരഞ്ഞെടുക്കാം. ബിഎസ്എൻഎൽ വാഗ്ദാനം ചെയ്യുന്ന ഏറ്റവും താങ്ങാനാവുന്ന ഷോർട്ട് ടേം പ്ലാൻ 35 ദിവസത്തെ വാലിഡിറ്റിയോടെ വരുന്ന 107 രൂപയുടെ പ്ലാൻ ആണ്.

107 രൂപ ബിഎസ്എൻഎൽ ഷോർട്ട് ടേം പ്ലാനിൽ 3 ജിബി ഡാറ്റ, അൺലിമിറ്റഡ് വോയിസ് കോളുകൾ, ബിഎസ്എൻഎൽ ട്യൂണുകൾ എന്നിവ ഉൾപ്പെടുന്നു. ഒരു ചെറിയ കാലയളവിലേക്ക് താൽക്കാലിക കണക്ഷൻ ആവശ്യമുള്ളവർക്ക് ഇത് അനുയോജ്യമാണ്. കൂടുതൽ ഡാറ്റ ആവശ്യമുള്ള ഉപഭോക്താക്കൾക്ക് ഒരു രൂപ വ്യതയാസത്തിൽ ഉള്ള പ്ലാനും ബിഎസ്എൻഎൽ നൽകുന്നുണ്ട്.

ബിഎസ്എൻഎല്ലിൻ്റെ 108 രൂപ പ്ലാൻ ആകർഷകമായ ഓപ്ഷൻ ആണ്. 108 രൂപ വില ഉള്ള ഈ പ്ലാൻ 1 ജിബി/ദിവസം ഉയർന്ന വേഗതയിൽ അൺലിമിറ്റഡ് ഡാറ്റയും അൺലിമിറ്റഡ് വോയ്‌സ് കോളുകളും 28 ദിവസത്തേക്ക് 100 എസ്എംഎസ്/ ദിവസം വാഗ്ദാനം ചെയ്യുന്നു. കൂടുതൽ ഡാറ്റ വേണ്ട ഉപയോക്താക്കൾക്ക് ഈ പ്ലാൻ അനുയോജ്യമാണ്.

ബിഎസ്എൻഎല്ലിൻ്റെ 153 രൂപ പ്ലാൻ മറ്റൊരു ജനപ്രിയ ഓപ്ഷനാണ്. ഉയർന്ന വേഗതയിൽ 1 ജിബി/ ദിവസം പരിധിയില്ലാത്ത ഡാറ്റ, അൺലിമിറ്റഡ് വോയ്‌സ് കോളുകൾ, 26 ദിവസത്തേക്ക് 100 എസ്എംഎസ്/ ദിവസം എന്നിവ നൽകുന്നു. ചുരുങ്ങിയ കാലത്തേക്ക് വിശ്വസനീയമായ കണക്ഷൻ ആവശ്യമുള്ള ഉപഭോക്താക്കൾക്ക് ഈ പ്ലാൻ അനുയോജ്യമാണ്.

ദൈർഘ്യമേറിയ വാലിഡിറ്റി ആഗ്രഹിക്കുന്ന ഉപഭോക്താക്കൾക്ക്, ബിഎസ്എൻഎല്ലിൻ്റെ 197 രൂപ പ്ലാൻ ഒരു മികച്ച തിരഞ്ഞെടുപ്പാണ്. 197 രൂപ വില ഉള്ള ഈ പ്ലാൻ, ആദ്യ 18 ദിവസത്തേക്ക് ഉയർന്ന വേഗതയിൽ 2 ജിബി/ദിവസം അൺലിമിറ്റഡ് ഡാറ്റ, അൺലിമിറ്റഡ് വോയ്‌സ് കോളുകൾ, 70 ദിവസത്തേക്ക് 100 എസ്എംഎസ്/ ദിവസം എന്നിവ വാഗ്ദാനം ചെയ്യുന്നു.

ബിഎസ്എൻഎല്ലിൻ്റെ 199 രൂപ പ്ലാൻ മറ്റൊരു ഓപ്ഷനാണ്. ഉയർന്ന വേഗതയിൽ 2 ജിബി/ ദിവസം അൺലിമിറ്റഡ് ഡാറ്റ, അൺലിമിറ്റഡ് വോയ്‌സ് കോളുകൾ, 30 ദിവസത്തേക്ക് 100 എസ്എംഎസ്/ ദിവസം എന്നിവ നൽകുന്നു. ഒരു മാസത്തേക്ക് താൽക്കാലിക കണക്ഷൻ ആവശ്യമുള്ള ഉപഭോക്താക്കൾക്ക് ഈ പ്ലാൻ അനുയോജ്യമാണ്.

എല്ലാ ബിഎസ്എൻഎൽ ഷോർട്ട് ടേം പ്ലാനുകളും മ്യൂസിക്കിനും എന്റർടെയിൻമെന്റ് കണ്ടന്റിനും ആക്‌സസ് ചെയ്യുന്നതിന് ഉള്ള ബിഎസ്എൻഎൽ ട്യൂണുകൾ, പിആർബിടി (വ്യക്തിഗതമാക്കിയ റിംഗ്‌ബാക്ക് ടോണുകൾ), മുംബൈയിലും ഡൽഹിയിലും റോമിംഗ് ചെയ്യുമ്പോൾ ഉൾപ്പെടെ ഏത് നെറ്റ്‌വർക്കിലേക്കും സൗജന്യ എസ്എംഎസ് (100/ ദിവസം) എന്നിവ ഉൾപ്പെടെയുള്ള അധിക ആനുകൂല്യങ്ങളോടെയാണ് വരുന്നത്.

ഒരു ഷോർട്ട് ടേം പ്ലാൻ തിരഞ്ഞെടുക്കുന്നതിന് മുമ്പ്, ഉപഭോക്താക്കൾ അവരുടെ ലൊക്കേഷനിലെ വിലയും ആനുകൂല്യങ്ങളും പരിശോധിക്കണം. കാരണം അവ വ്യത്യാസപ്പെടാം. കൂടാതെ, ഉപഭോക്താക്കൾക്ക് ബിഎസ്എൻഎൽ വെബ്സൈറ്റ് സന്ദർശിക്കാം അല്ലെങ്കിൽ ഷോർട്ട് ടേം പ്ലാനുകളെ കുറിച്ചുള്ള ഏറ്റവും പുതിയ അപ്‌ഡേറ്റുകൾക്കും വിവരങ്ങൾക്കും ബിഎസ്എൻഎല്ലിന്റെ കസ്റ്റമർ കെയറുമായി ബന്ധപ്പെടാം.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.