3ജി ഇന്റര്‍നെറ്റ് 50 ശതമാനം കുറയ്ക്കാനൊരുങ്ങി ബിഎസ്എന്‍എല്‍...!

ബിഎസ്എന്‍എല്‍ 3ജി ഇന്റര്‍നെറ്റ് ചാര്‍ജുകള്‍ 50 ശതമാനം കുറച്ചേക്കും. ബിഎസ്എന്‍എല്ലിന്റെ എട്ടാം ഘട്ട നെറ്റ്‌വര്‍ക്ക് വിപുലീകരണത്തിന്റെ ഭാഗമായാണ് ഈ നീക്കം.

ഇത് സംബന്ധിച്ച് ഗൗരവമായ ചിന്തകളാണ് നടക്കുന്നതെന്ന് ബിഎസ്എന്‍എല്‍ മാനേജിംങ് ഡയറക്ടര്‍ അനുപം ശ്രീവാസ്തവ അറിയിച്ചു. നേരത്തെ ടെലികോം മേഖലയിലെ പല കമ്പനികളും തങ്ങളുടെ ഡാറ്റാ നിരക്കുകള്‍ 100 ശതമാനത്തില്‍ കൂടുതല്‍ ഉയര്‍ത്തിയിരുന്നു.

എസ്എംഎസുകളുടെയും, വോയ്‌സ് കോളുകളുടെയും ഉപയോഗം കുറഞ്ഞത് ഈ കമ്പനികളുടെ വരുമാനത്തെ ബാധിച്ചിരുന്നു.

ബിഎസ്എന്‍എല്‍ നിരക്ക് കുറയ്ക്കുന്നത് മറ്റു കമ്പനികളെയും നിരക്ക് കുറയ്ക്കുവാന്‍ നിര്‍ബദ്ധിതമാക്കും.

നിലവില്‍ 139 രൂപയ്ക്കാണ് ബിഎസ്എന്‍എല്‍ 1ജിബി 3ജി ഇന്റര്‍നെറ്റ് നല്‍കുന്നത്. 2ജിബി 3ജി 251 രൂപയ്ക്കും.