പോണ്‍ കാണുന്നത് നിയമവിരുദ്ധമല്ലെന്ന് കേന്ദ്രസര്‍ക്കാര്‍; സൈറ്റുകള്‍ നിരോധിച്ചത് കോടതി വിധിയെ തുടര്‍ന്ന്

അശ്ലീല വെബ്‌സൈറ്റുകള്‍

വിവരാവകാശ നിയമപ്രകാരം അപേക്ഷ നല്‍കിയത് ഇന്റര്‍നെറ്റ് ഫ്രീഡം ഫൗണ്ടേഷനാണ്. കേന്ദ്ര ടെലികോം വകുപ്പിനും ഇലക്ട്രോണിക്‌സ് ആന്റ് ഇന്‍ഫൊര്‍മേഷന്‍ ടെക്‌നോളജി മന്ത്രാലയത്തിനും ഫൗണ്ടേഷന്‍ അപേക്ഷ നല്‍കി. മന്ത്രാലയത്തിന്റെ മറുപടിയില്‍ മൂന്ന് കോടതി വിധികള്‍ എടുത്തുകാട്ടിയിട്ടുണ്ട്.

അശ്ലീല വെബ്‌സൈറ്റുകള്‍ നിരോധിച്ചു

2016, 2017 വര്‍ഷങ്ങളിലെ മുംബൈ ചീഫ് മെട്രോപൊളിറ്റന്‍ മജിസ്‌ട്രേറ്റിന്റെ വിധിയും ഉത്തരാഖണ്ഡ് ഹൈക്കോടതി വിധിയുമാണ് ഇവ. മുംബൈ കോടതി വിധി പ്രകാരം 500 വെബ്‌സൈറ്റുകള്‍ നിരോധിച്ചു. കുട്ടികളുടെ അശ്ലീല വീഡിയോകളുള്ള സൈറ്റുകള്‍ ബ്ലോക്ക് ചെയ്യാനായിരുന്നു ഉത്തരാഖണ്ഡ് ഹൈക്കോടതി വിധി.

ഹൈക്കോടതി വിധി

ഇതനുസരിച്ച് 857 വെബ്‌സൈറ്റുകള്‍ കൂടി നിരോധിക്കപ്പെട്ടു. ഇന്ത്യയില്‍ സ്വകാര്യമായി പോണ്‍ വീഡിയോകള്‍ കാണുന്നത് നിയമ വിരുദ്ധമല്ലെന്നും എന്നാല്‍ കുട്ടികളുടെ അശ്ലീലവീഡിയോകള്‍ കാണുന്നത് കുറ്റകരമാണെന്നും ഇലക്ട്രോണിക്‌സ് ആന്‍ഡ് ഇന്‍ഫൊര്‍മേഷന്‍ ടെക്‌നോളജി മന്ത്രാലയത്തിന്റെ മറുപടി വ്യക്തമാക്കുന്നു. അശ്ലീല വീഡിയോകള്‍ ഉള്‍പ്പെടെയുള്ളവ നിര്‍മ്മിക്കുന്നതും വിതരണം ചെയ്യുന്നതും ഇന്ത്യയില്‍ കുറ്റകരമാണ്.