ജാപ്പനീസ് സ്റ്റാർട്ടപ്പ് വികസിപ്പിച്ച ഒരു ഹൈടെക് "സ്മാർട്ട് മാസ്ക്" നെ പരിചയപ്പെടാം

 

ബ്ലൂടൂത്ത് വഴി ബന്ധിപ്പിക്കാവുന്ന ഈ സ്മാർട്ട് മാസ്കിന് സി-മാസ്ക് എന്നാണ് ‌ഡോണറ്റ് റോബോട്ടിക്‌സ് ഇട്ടിരിക്കുന്ന പേര്. ഈ വെളുത്ത പ്ലാസ്റ്റിക് 'സി-മാസ്ക്' സ്റ്റാൻഡേർഡ് ഫെയ്സ് മാസ്കുകൾക്ക് യോജിക്കുകയും ബ്ലൂടൂത്ത് വഴി ഒരു സ്മാർട്ട്‌ഫോൺ, ടാബ്‌ലെറ്റ് ആപ്ലിക്കേഷൻ എന്നിവയുമായി ബന്ധിപ്പിക്കുകയും അത് മെസ്സേജ് രൂപത്തിലേക്ക് സംഭാഷണം പകർത്താനും കോളുകൾ വിളിക്കാനും അല്ലെങ്കിൽ മാസ്ക് ധരിക്കുന്നവരുടെ ശബ്‌ദം വർദ്ധിപ്പിക്കാനും കഴിയും.

40 ഡോളറാണ് (ഏകദേശം 3,000 രൂപ) ഒരു സി മാസ്കിന് വരുന്ന വില. ജാപ്പനീസ് വിപണിയിലേക്കുള്ള ആദ്യ 5000 മാസ്കുകൾക്ക് ഓഡർ ലഭിച്ച ഡോണറ്റ് റോബോട്ടിക്‌സ് ഉടൻ അധികം താമസമില്ലാതെ ഡെലിവറി ആരംഭിക്കും. ചൈന, അമേരിക്ക, യൂറോപ്യൻ രാജ്യങ്ങളിൽ നിന്നും സി മാസ്കിന് ആവശ്യക്കാർ എത്തുന്നുണ്ട് എന്ന് ഡോണറ്റ് റോബോട്ടിക്സ് ചീഫ് എക്‌സിക്യൂട്ടീവ് ടൈസുകെ ഓനോ വ്യക്തമാക്കി. കൊറോണ കാലത്ത് തങ്ങളുടെ കമ്പനി മുന്നോട്ട് കൊണ്ടുപോകാനും ഈ വൈറസിന് ഒരു തടയിടുവാനുമായി എന്തെങ്കിലും തയ്യാറാക്കണം എന്ന ആശയമാണ് ഡോണട്ട് റോബോട്ടിക്സിന്റെ എഞ്ചിനീയർമാർ ഈ ഹൈടെക് മാസ്ക് നിർമ്മിക്കാനുള്ള പ്രധാന പ്രചോദനമായിരിക്കുന്നത്.

കൊറോണ വൈറസ് വ്യാപനത്തിന് തൊട്ടുമുൻപായി ടോക്കിയോയിലെ ഹനേഡ വിമാനത്താവളത്തിലേക്ക് വിവിധ ഭാഷകളിൽ പരിവർത്തനം ചെയ്യുന്ന റോബോട്ട് ഗൈഡുകൾ വിതരണം ചെയ്യാനുള്ള കരാർ ഡോണറ്റ് റോബോട്ടിക്സ് നേടിയിരുന്നു. കമ്പനിയുടെ എഞ്ചിനീയർമാരിൽ ഒരാളായ ഷുൻസുക് ഫുജിബയാഷി നാല് വർഷം മുമ്പ് സൃഷ്ടിച്ച ഡോണട്ട് റോബോട്ടിക്സ് അതിന്റെ റോബോട്ടിനായി വികസിപ്പിച്ച വിവർത്തന സോഫ്റ്റ്വെയറും മാസ്ക് രൂപകൽപ്പനയും സ്വീകരിച്ചുകൊണ്ട് ഒരു പ്രോട്ടോടൈപ്പ് കണക്റ്റുചെയ്ത മാസ്ക് നിർമ്മിച്ചു.

 

ജാപ്പനീസ് ക്രൗഡ് ഫണ്ടിംഗ് സൈറ്റായ ഫണ്ടിനോ വഴി ഡോനട്ട് റോബോട്ടിക് ഓഹരികൾ വിറ്റുകൊണ്ട് ഓനോ വികസനത്തിനായി ഏകദേശം 1.98 കോടി രൂപ സമാഹരിച്ചു. ഫേസ് മാസ്‌ക് ഉപയോഗിക്കുമ്പോൾ നേരെ സംസാരിക്കാനോ അല്ലെങ്കിൽ ഒരു ഫോൺകോൾ വരുമ്പോൾ എടുത്ത് സംസാരിക്കാനോ കഴിയാതെ വരുന്ന അവസ്ഥ ഇതോടെ അവസാനിക്കും. ഇനി ആളുകൾക്ക് ഫേസ് മാസ്ക്ക് മാറ്റാതെ തന്നെ ഫോൺ കോളുകൾ എടുക്കാവുന്നതാണ്. കൊറോണ കാരണം ഫേസ് മാസ്കുകൾക്ക് ലഭിച്ച പരിഗണന ചിലറയല്ല എന്ന കാര്യം ഇതോടെ വ്യക്തമാണ്.