കൂള്‍പാഡ് കൂള്‍ പ്ലേ 6സി, കിടിലന്‍ ഡ്യുവല്‍ സെല്‍ഫി ക്യാമറ ഫോണ്‍ എത്തി!

ചൈനീസ് സ്മാര്‍ട്ട്‌ഫോണ്‍ കമ്പനിയായ കൂള്‍പാഡ് തങ്ങളുടെ പുതിയ സെല്‍ഫി ക്യാമറ ഫോണ്‍ അവതരിപ്പിച്ചു. കൂള്‍പാഡ് 6ന്റെ അപ്‌ഗ്രേഡ് വേര്‍ഷനാണ് കൂള്‍പാഡ് 6സി. ചൈനയിലാണ് ഈ ഫോണ്‍ അവതരിപ്പിച്ചത്. കൂള്‍പാഡ് കൂള്‍ പ്ലേ 6സി, ഏറ്റവും പുതിയ എന്‍ട്രി ലെവല്‍ സ്മാര്‍ട്ട്‌ഫോണുകളില്‍ ഒന്നാണ്.

കൂള്‍പാഡ് കൂള്‍ 6ന് ഏറ്റവും വലിയ ബാറ്ററിയായ 4060എംഎച്ച് ആണ്. ചൈനയില്‍ ഈ ഫോണ്‍ ഇറങ്ങിയത് 14,000 രൂപയ്ക്കാണ്. ഈ ഫോണിന്റെ ഏറ്റവും വലിയ ഹൈലൈറ്റാണ് ഡ്യുവല്‍ സെല്‍ഫി ക്യാമറ.

കൂള്‍പാഡ് കൂള്‍ പ്ലേ 6സി വില

കൂള്‍പാഡ് കൂള്‍ പ്ലേ 6സിയുടെ വില ഏകദേശം 8,300 രൂപയാണ്. നവംബര്‍ 25 മുതല്‍ ഫോണ്‍ വില്‍പന ആരംഭിക്കും. ചൈനയിലെ JD.comല്‍ ഈ ഫോണ്‍ പ്രീ ഓര്‍ഡര്‍ ചെയ്യാം.

കൂള്‍പാഡ് കൂള്‍ പ്ലേ സവിശേഷതകള്‍

കൂള്‍പാഡ് കൂള്‍ പ്ലേയ്ക്ക് 5 ഇഞ്ച് എച്ച്ഡി ഐപിഎസ് ഡിസ്‌പ്ലേയാണ്. ഈ ഫോണിന് ഒക്ടാകോര്‍ സ്‌നാപ്ഡ്രാഗണ്‍ 425 SoC, 1.2GHz പ്രോസസറും. 3ജിബി റാമോടു കൂടിയാണ് എത്തിയിരിക്കുന്നത്. 32ജിബി ഇന്റേര്‍ണല്‍ സ്‌റ്റോറേജും കൂടാതെ 128ജിബി വരെ േൈമ്രാ എസ്ഡി കാര്‍ഡ് ഉപയോഗിച്ച് സ്‌റ്റോറേജ് സ്‌പേസ് കൂട്ടാനും സാധിക്കും.

ആന്‍ഡ്രോയിഡ് 7.1.1 ന്യുഗട്ടില്‍ പ്രവര്‍ത്തിക്കുന്ന ഈ ഫോണ്‍ ഡ്യുവല്‍ നാനോ സിം പിന്തുണയ്ക്കുന്നു. മുന്നില്‍ ഡ്യുവല്‍ ക്യാമറയാണ് കൂള്‍ പ്ലേ 6സിക്ക്. 13എംപി റിയര്‍ ക്യാമറയും 8എംപി മുന്‍ ക്യാമറയുമാണ് ഈ ഫോണില്‍. 2500എംഎഎച്ച് ബാറ്ററിയാണ് ഈ ഫോണിന്റെ കരുത്ത്. കണക്ടിവിറ്റി ഓപ്ഷനുകളായ ബ്ലൂട്ടൂത്ത്, വൈഫൈ, ജിപിആര്‍എസ്, എഡ്ജ്, 3ജി, 4ജി, മൈക്രോ യുഎസ്ബി എന്നിവയും ഉണ്ട്.