ആരോഗ്യകരമായതും രൂചിയേറിയതുമായ ഭക്ഷണത്തിനായി ഇത് "എക്ലക്റ്റിക് ഈറ്റ്സ്"

വനിതകള്‍ക്ക് തങ്ങളുടെ പാചക അഭിരുചി പ്രദര്‍ശിപ്പിക്കാന്‍ വളരെ ലളിതമായി ഉപയോഗിക്കാവുന്ന ഒരു പ്ലാറ്റഫോം എന്ന നിലയിൽ സൗകര്യം ലഭ്യമാക്കാനും അതുവഴി ഒരു വരുമാനമാര്‍ഗം കണ്ടെത്താനും ഡൈന്‍ അപ്‌സ് അവസരമൊരുക്കുന്നു. വീടുകളിലെ പാചകക്കാരുമായി ബന്ധപ്പെടുത്തി ഉപഭോക്താക്കള്‍ക്ക് വീട്ടിലുണ്ടാക്കിയ ഭക്ഷണം ഓര്‍ഡര്‍ ചെയ്യാനുള്ള വേദിയാണ് ഡൈന്‍ അപ്‌സ് ലഭ്യമാക്കുന്നത്. ഉപഭോക്താക്കള്‍ക്ക് തങ്ങളുടെ പരിസരത്തുള്ള വീടുകളില്‍ നിന്നുള്ള ഭക്ഷണം ഓര്‍ഡര്‍ ചെയ്യാന്‍ ലൊക്കേഷന്‍ അടിസ്ഥാനമാക്കിയുള്ള സേര്‍ച്ച് ഓപ്ഷന്‍ ഈ ആപ്പ് നല്‍കുന്നു.

ഓര്‍ഡര്‍ ചെയ്യുന്ന ഭക്ഷണത്തിനുള്ള വില ഓണ്‍ലൈനായി തന്നെ ഒടുക്കാവുന്നതാണ്. ഹോം ഡെലിവറി, അല്ലെങ്കില്‍ ഇന്‍-പേഴ്‌സണ്‍ പിക് അപ്പ് സൗകര്യവും ഇതിലുണ്ട്. കഴിച്ച ഭക്ഷണത്തെ ക്കുറിച്ചുള്ള പ്രതികരണങ്ങള്‍ രേഖപ്പെടുത്താനുള്ള സൗകര്യവും ഇതിലുണ്ട്. ഭക്ഷണത്തിലൂടെ സാംസ്‌കാരിക വൈവിധ്യങ്ങള്‍ പരിചയപ്പെടുത്തുക എന്ന ലക്ഷ്യത്തോടപ്പം തന്നെ ആരോഗ്യകരമായ ഭക്ഷണ ശീലം വളര്‍ത്താനുമാണ് ഈ സംരംഭത്തിലൂടെ ലക്ഷ്യമിടുന്നതെന്ന് കമ്പനിയുടെ സ്ഥാപകയും പ്രസിഡന്റുമായ സജ്‌ന വീട്ടില്‍ വാര്‍ത്താസമ്മേളനത്തില്‍ അഭിപ്രായപ്പെട്ടു.

 

ഭക്ഷണം വീടുകളില്‍ എത്തിക്കുന്ന നിരവധി സംരംഭങ്ങളുണ്ടെങ്കിലും വീട്ടിലുണ്ടാക്കിയ ഭക്ഷണമെന്നത് കൂടുതല്‍ ആരോഗ്യപ്രദവും വിശ്വാസയോഗ്യവുമായിരിക്കുമെന്നും അവര്‍ പറഞ്ഞു. ഒരു സ്ത്രീക്ക് സംരംഭകയെന്ന നിലയില്‍ വിജയിക്കാന്‍ പ്രധാന തടസ്സം അഭിനിവേശത്തിന്റെ കുറവല്ല മറിച്ച് ആവശ്യമായ അടിസ്ഥാനസൗകര്യങ്ങളുടെ അഭാവമാണെന്നും സജ്‌ന പറഞ്ഞു. ഇത്തരം ഫുഡ് ഡെലിവറി ആപ്പുകളുമായി കൊച്ചി നിവാസികള്‍ പരിചിതമായതിനാലാണ് കൊച്ചിയിലേക്ക് സംരംഭം വ്യാപിപ്പിക്കാന്‍ ഡൈന്‍അപ്‌സ് തീരുമാനിച്ചിരിക്കുന്നത്.

നിലവിലുള്ള സേവനങ്ങള്‍ക്ക് പകരമായി വീട്ടിലുണ്ടാക്കിയ ആരോഗ്യകരമായ ഭക്ഷണം പ്രോത്സാഹിപ്പിക്കുകയെന്നതാണ് ഡൈന്‍ അപ്‌സ് ലക്ഷ്യമിടുന്നത്. ഓഗസ്റ്റ് അവസാനത്തോടെ സമാരംഭിക്കുന്ന ഒരു ഐ.ഓ.എസ് പതിപ്പിനൊപ്പം അപ്ലിക്കേഷൻ നിലവിൽ ഗൂഗിൾ പ്ലേയ് സ്റ്റോറിലും ലഭ്യമാകും. വാങ്ങുന്നവർക്ക് ഉച്ചഭക്ഷണത്തിനോ അത്താഴത്തിനോ ആവർത്തിച്ചുള്ള ഡെലിവറികൾ സജ്ജമാക്കാൻ എളുപ്പത്തിൽ ഉപയോഗിക്കാവുന്ന സബ്സ്ക്രിപ്ഷൻ അധിഷ്ഠിത സേവനവും ഡൈനപ്പ്സ് ആരംഭിക്കുന്നു.

കോഴിക്കോട് സ്വദേശി സജ്‌ന വീട്ടിലിന്റെ മനസിലുദിച്ച ആശയമാണ് ഡൈന്‍ അപ്‌സ് ആപ്പ്. ഈ സംരംഭത്തില്‍ പിന്നീട് ചങ്ങനാശ്ശേരി സ്വദേശി സോമി സില്‍വി കമ്പനിയുടെ സിഒഒ ആയും ന്യൂയോര്‍ക് സ്വദേശി മാര്‍ക് വോങ് സിഎഫ്ഒ ആയും അവരോടൊപ്പം പങ്കുചേരുകയായിരുന്നു. ചീഫ് ഓപ്പറേറ്റിംഗ് ഓഫീസർ സോമി സിൽവി പറയുന്നതനുസരിച്ച്, 500 + ഉപഭോക്താക്കളെയും 60 ലധികം പാചകക്കാരെയും രജിസ്റ്റർ ചെയ്തുകൊണ്ട് കോഴിക്കോട് ആപ്പിന് പ്രോത്സാഹജനകമായ പ്രതികരണം ലഭിച്ചിട്ടുണ്ട്.