നിങ്ങളുടെ ഫോൺ ഈ ലിസ്റ്റിൽ ഉണ്ടോ? എങ്കിൽ എയർടെൽ 5ജി ആക്ടിവേഷൻ നിസാരം!

സാങ്കേതിക വിദ്യയുടെ അ‌നന്ത സാധ്യതകളിലേക്കും അ‌തിശയ ലോകത്തേക്കും നമ്മെ കൂട്ടിക്കൊണ്ടു പോകാൻ തുറന്ന വാതിൽ ആയിരുന്നു 5ജി സേവനങ്ങളുടെ ഉദ്ഘാടനം. അ‌തേവേദിയിൽവച്ചുതന്നെ ഇന്ത്യയിലെ ടെലിക്കോം വമ്പന്മാരിൽ രണ്ടാമനും രാജ്യത്ത് 5ജി സേവന വിതരണത്തിന് അ‌ർഹതയുള്ള മൂന്ന് കമ്പനികളിൽ ഒന്നുമായ എയർടെൽ തങ്ങളുടെ 5ജി സേവനങ്ങൾക്കും തുടക്കം കുറിച്ചു. രാജ്യത്ത് ആദ്യമായി 5ജി സേവനം ആരംഭിച്ച കമ്പനി എന്ന ചരിത്രത്താളിലേക്കും അ‌തുവഴി എയർടെൽ ഇടം പിടിച്ചു.

ആദ്യ ഘട്ടത്തിൽ എട്ട് നഗരങ്ങളിലാണ് എയർടെൽ തങ്ങളുടെ 5ജി സേവനങ്ങൾ ആരംഭിച്ചിരിക്കുന്നത്. അ‌തേസമയം തന്നെ അ‌ടുത്ത വർഷം അ‌വസാനത്തോടെ രാജ്യത്തിന്റെ എല്ലാ മേഖലയിലും 5ജി സേവനങ്ങൾ ആരംഭിക്കാനുള്ള നീക്കങ്ങൾ ആരംഭിച്ചതായും എയർടെൽ പ്രഖ്യാപിച്ചിട്ടുണ്ട്. 5ജിയുടെ സാധ്യതകൾ അ‌നന്തമാണ് എന്ന് നാം പറഞ്ഞു. അ‌തോടൊപ്പം സാധാരണക്കാരന് ഉപയോഗപ്രദമായ നിരവധി സേവനങ്ങൾ നൽകാനുള്ള ശേഷിയും 5ജിക്കുണ്ട്.

ഈ പുത്തൻ തലമുറ നെറ്റ്വർക്ക് വഴി 4ജിയേക്കാൾ 30 മടങ്ങ് വേഗത്തിൽ നൽകാൻ തങ്ങൾക്ക് കഴിയുമെന്ന് എയർടെൽ വ്യക്തമാക്കുന്നു. സാധാരണ ആളുകളുടെ ഉപയോഗം വച്ച് പറയുകയാണെങ്കിൽ ഒരു സിനിമ സെക്കൻഡുകൾക്കുള്ളിൽ ഡൗൺലോഡ് ചെയ്യാൻ 5ജിക്ക് സാധിക്കും. മികച്ച ഇന്റർനെറ്റ് അ‌നുഭവമാകും എയർടെൽ 5ജി സമ്മാനിക്കുക എന്നും കമ്പനി വ്യക്തമാക്കുന്നു. 4കെ വീഡിയോകൾ യാതൊരു തടസങ്ങളുമില്ലാതെ ആസ്വദിക്കാനും എആർ-വിആർ സേവനങ്ങൾ കൂടുതൽ മനോഹരമായി ആസ്വദിക്കാനും 5ജി അ‌വസരം ഒരുക്കുന്നുണ്ട്.

എന്നാൽ ഈ സേവനങ്ങൾ തങ്ങൾക്ക് ലഭ്യമാകുമോ, അതിനായി എന്താണ് ചെയ്യേണ്ടത് എന്നൊക്കെ സംശയിക്കുന്ന ധാരാളം ആളുകൾ കാണും. എന്നാൽ ഇത്തരം സംശയങ്ങളുടെ യാതൊരു ആവശ്യവുമില്ല. വളരെ എളുപ്പത്തിൽത്തന്നെ നിങ്ങൾക്ക് 5ജി ആക്ടിവേറ്റ് ചെയ്യാൻ സാധിക്കും. അ‌ത് എങ്ങനെയാണ് എന്നും നിങ്ങളുടെ ​കൈയിൽ ഉള്ള ഫോണിൽ 5ജി സപ്പോർട്ട് ഉണ്ടോ എന്നും നമുക്ക് നോക്കാം.

എയർടെൽ 5ജി എങ്ങനെ ലഭ്യമാകും

എൻഎസ്എ അ‌ഥവാ നോൺ-സ്റ്റാൻഡെലോൺ ആയാണ് എയർടെൽ 5ജി സേവനങ്ങൾ നൽകുന്നത്. അ‌തായത് നിലവിലുള്ള 4ജി സൗകര്യങ്ങൾ 5ജി സൗകര്യത്തിന് ഉപയോഗപ്രദമാക്കി മാറ്റിക്കൊണ്ട് ആണ് എയർടെൽ 5ജി ലഭ്യമാക്കുന്നത്. 5ജിക്കായി എയർടെലിന്റെ പുതിയ സിം എടുക്കേണ്ട ആവശ്യവും വരുന്നില്ല. നിലവിലുള്ള 4ജി സിമ്മിൽത്തന്നെ 5ജി ലഭ്യമാകും. എന്നാൽ നിങ്ങളുടെ ഫോൺ 5ജി സപ്പോർട്ട് ചെയ്യുന്നത് ആയിരിക്കണം എന്നുമാത്രം. നിങ്ങൾ 5ജി ഉള്ള പ്രദേശത്ത് ആണെങ്കിൽ ആക്ടിവേറ്റ് ചെയ്യാൻ ആദ്യം ഫോണിന്റെ സെറ്റിങ്സിലേക്ക് പോകുക. തുടർന്ന് കണക്ഷൻസ് അ‌ല്ലെങ്കിൽ മൊ​ബൈൽ നെറ്റ്വർക്ക്സ് എന്നത് സെലക്ട് ചെയ്യുക. അ‌വിടെ നെറ്റ്വർട്ട് മോഡ് 5ജി സെലക്ട് ചെയ്യുക. ഇത്രമാത്രം ചെയ്താൽ മതി.

5ജി സപ്പോർട്ട് ഉള്ള സ്മാർട്ട്ഫോൺ ആണ് എയർടെൽ 5ജി ലഭ്യമാകാൻ ​പ്രാഥമികമായി വേണ്ടത്. എന്നാൽ എല്ലാ സ്മാർട്ട്ഫോണുകളും 5ജി ഉണ്ടായിരിക്കില്ല. ചില സ്മാർട്ട്ഫോണുകളിൽ ചെറിയൊരു അ‌പ്ഡേഷനിലൂടെ 5ജി ലഭ്യമാകുകയും ചെയ്യും. ആപ്പിളുമായി ​കൈകോർത്ത് ഐഫോണുകളിൽ 5ജി സേവനം ലഭ്യമാക്കാൻ എയർടെൽ തയാറെടുത്തുകൊണ്ടിരിക്കുകയാണ്. 5ജി സപ്പോർട്ടുള്ള മോഡലുകൾ ഉണ്ടെങ്കിലും ചിലതിൽ ഒരു അ‌പ്ഡേഷൻ ആവശ്യമാണ്. ഇപ്പോൾ ലഭ്യമായവയിൽ എയർടെൽ 5ജി സപ്പോർട്ട് ചെയ്യുന്ന സ്മാർട്ട്ഫോണുകളുടെ ലിസ്റ്റ് ഇവിടെ നൽകാം. അ‌തിൽ നിങ്ങളുടെ ഫോൺ ഉണ്ടെങ്കിൽ 5ജി സേവനങ്ങൾ നിങ്ങൾക്കും ​കൈയെത്തും ദൂരത്താണ്.

എയർടെൽ 5ജി സപ്പോർട്ട് ചെയ്യുന്ന സ്മാർട്ട്ഫോണുകൾ

സാംസങ്

വൺപ്ലസ്

ഠ വൺപ്ലസ് (അപ്‌ഡേറ്റ്)

റിയൽമി

ഷവോമി, റെഡ്മി, പോക്കോ

വിവോ, ഐക്കൂ

ഓപ്പോ

ആപ്പിൾ