ഫേസ്ബുക്ക് പ്രൊഫൈലില്‍ മൊബൈല്‍ നമ്പര്‍ നല്‍കിയാല്‍ "പണി പാളുന്ന"തെങ്ങനെ...!

1

പ്രൊഫൈലില്‍ നിങ്ങള്‍ മൊബൈല്‍ നമ്പര്‍ കൂടി നല്‍കിയിട്ടുണ്ടെങ്കില്‍ സെര്‍ച്ച് ബാറില്‍ വെറുതെ മൊബൈല്‍ നമ്പര്‍ ടൈപ്പ് ചെയ്ത് നിങ്ങളുടെ പ്രൊഫൈല്‍ ആര്‍ക്ക് വേണമെങ്കിലും കൈവശപ്പെടുത്താവുന്നതാണ്.

2

പ്രൈവസി സെറ്റിങ്‌സില്‍ എത്ര മുന്‍ കരുതല്‍ എടുത്തിട്ടുണ്ടെങ്കില്‍ പോലും, നിങ്ങളുടെ പ്രൊഫൈലില്‍ മൊബൈല്‍ നമ്പര്‍ നല്‍കിയിട്ടുണ്ടെങ്കില്‍ ആര്‍ക്കും നിങ്ങളുടെ പ്രൊഫൈല്‍ ആക്‌സസ് ചെയ്യാവുന്നതാണെന്നാണ് പുതിയ കണ്ടെത്തല്‍.

3

ഇത്തരത്തില്‍ പ്രൊഫൈല്‍ ആക്‌സസ് ചെയ്ത് സൈബര്‍ ക്രമിനലുകള്‍ക്ക് നിങ്ങളുടെ വിവരങ്ങള്‍ ദുരുപയോഗം ചെയ്യാനുളള സാധ്യതയും ചൂണ്ടിക്കാണിക്കപ്പെടുന്നു.

4

Salt.agency എന്ന സ്ഥാപനത്തിന്റെ ടെക്‌നിക്കല്‍ ഡയറക്ടറായ റെസാ മൊയിയാന്‍ഡിന്‍ ആണ് ഈ വീഴ്ച ചൂണ്ടിക്കാണിച്ചിരിക്കുന്നത്.

5

കൂടാതെ എഫ്ബി പ്രൊഫൈലില്‍ മൊബൈല്‍ നമ്പര്‍ കൂടി ഉണ്ടെങ്കില്‍ നിങ്ങളുടെ ലൊക്കേഷന്‍ കണ്ടെത്താനും എളുപ്പമാണ്.

6

അമേരിക്കയിലും കാനഡയിലും ബ്രിട്ടനിലും ഉളള വിവിധ മൊബൈല്‍ നമ്പറുകള്‍ ഫേസ്ബുക്ക് സെര്‍ച്ച് ബാറില്‍ നല്‍കിയപ്പോള്‍ നൂറ് കണക്കിന് പ്രൊഫൈല്‍ വിശദാംശങ്ങളാണ് റെസായ്ക്ക് ലഭിച്ചത്.

7

കൂടാതെ ഉപയോക്താക്കളുടെ വിശദാംശങ്ങള്‍ വച്ച് മാര്‍ക്കറ്റ് സ്റ്റഡി പോലുളള കാര്യങ്ങള്‍ക്ക് ഉപയോഗിക്കാനുളള സാധ്യതയും ഏറുന്നു.

8

മാര്‍ക്കറ്റ് സ്റ്റഡി പോലുളള കാര്യങ്ങള്‍ക്കായി ഉപയോഗിക്കപ്പെടുമ്പോള്‍ ഉപയോക്താക്കളെ ഉപഭോഗ വസ്തുക്കളായി മാറ്റുകയാണ് ചെയ്യുന്നത്.

9

ഏപ്രിലില്‍ ഈ വീഴ്ച ഫേസ്ബുക്കിനെ അറിയിച്ചിരുന്നെന്നും ഇതുവരെ യാതൊരു നടപടികളും ഉണ്ടായിട്ടില്ലെന്നും റെസാ പറയുന്നത്.

10

എഫ്ബി ഉപയോക്താക്കളുടെ ചിത്രങ്ങള്‍, ലൊക്കേഷന്‍ തുടങ്ങിയ കാര്യങ്ങള്‍ ചില വെബ്‌സൈറ്റുകള്‍ നിയമവിരുദ്ധമായി ഉപയോഗിക്കുന്നതിനെതിരെ കഴിഞ്ഞ വര്‍ഷമാണ് യുഎസ്സിലെ റാന്‍ഡ് കോര്‍പറേഷന്‍ രംഗത്തെത്തിയത്.