ഫേസ്ബുക് 'പണിമുടക്കി'; തിരിച്ചെത്തി

ലോകത്തെ ഏറ്റവും വലിയ സോഷ്യല്‍ നെറ്റ്‌വര്‍ക്കിംഗ് സൈറ്റായ ഫേസ്ബുക് ഇന്ന് അല്‍പസമയം പണിമുടക്കി. ഉച്ചയ്ക്ക് 1.30-ഓടെ പ്രവര്‍ത്തനരഹിതമായ സോഷ്യല്‍ നെറ്റ് 1.55-നാണ് വീണ്ടും ലഭിക്കാന്‍ തുടങ്ങിയത്. സാങ്കേതിക കാരണമാണ് കാരണമെന്നാണ് ഫേസ്ബുക് അറിയിച്ചിരിക്കുന്നത്.

ഫേസ്ബുക് ഓപ്പണ്‍ ചെയ്യുമ്പോള്‍ സോറി, സംതിംഗ് വെന്റ് റോംഗ് എന്നാണ് എഴുതിക്കാണിച്ചിരുന്നത്. ഫേസ്ബുക്കിന്റെ ആന്‍ഡ്രോയ്ഡ്, ബ്ലാക്‌ബെറി ആപ്ലിക്കേഷനും ഇതോടൊപ്പം പ്രവര്‍ത്തന രഹിതമായി.

യു.എസ്., യുകെ., യൂറോപ്, ഏഷ്യ എന്നിവിടങ്ങളിലെല്ലാം തകരാള്‍ ബാധിച്ചു. കഴിഞ്ഞ മെയ് 9-നും സമാനമായ സംഭവം ഉണ്ടായിരുന്നു.