TRENDING ON ONEINDIA
-
രണ്ട് വര്ഷത്തിനിടെ സര്ക്കാര് സ്കൂളില് എത്തിയത് രണ്ടര ലക്ഷം വിദ്യാര്ത്ഥികള് -
ആയിരം കോടിയുടെ മഹാഭാരതം! അവസാന ഘട്ടത്തിലെന്ന അറിയിപ്പുമായി ജോമോന് പുത്തന് പുരയ്ക്കല്! -
ഇന്ത്യന് ബാറ്റ്സ്മാന്മാര്ക്ക് അക്കാര്യം ഇഷ്ടമല്ല,വെറുതയല്ല അവര് ജയിക്കുന്നത്'; ന്യൂസിലന്ഡ് താരം -
വെള്ളി വര പിഴുത് കളയുമ്പോള് ജാഗ്രത -
പ്രവാസികളുടെ ക്ഷേമത്തിന് പദ്ധതികൾ -
ആരും തിരിഞ്ഞു നോക്കാനില്ല, ഏറ്റവും വില്പ്പന കുറഞ്ഞ 10 കാറുകള്
തലക്കെട്ട് കേട്ട് ഞെട്ടണ്ട. എന്നാല്‍ സംഗതി സത്യമാണ് താനും. കഴിഞ്ഞ ഡിസംബറില്‍ ഫേസ്ബുക്ക് ഒരു പുതിയ മെസ്സേജ് ഓപ്ഷനേപ്പറ്റി സൂചിപ്പിച്ചിരുന്നു. അതായത്, നിങ്ങളുടെ സുഹൃത്തല്ലാത്ത ഒരാള്‍ക്ക് മെസ്സേജയ്ക്കണമെങ്കില്‍ ഫേസ്ബുക്ക് 1 ഡോളര്‍ ഈടാക്കും എന്നതായിരുന്നു ആ പുതിയ ആശയം. എന്നാല്‍ ഇതുവരേയ്ക്കും ആ പദ്ധതി നടപ്പില്‍ വരുത്തിയിട്ടില്ല എന്ന് ആശ്വസിയ്ക്കാം. അപ്പോള്‍ പിന്നെ എന്താണീ 100 ഡോളറിന്റെ കാര്യം? ഇതും മെസ്സേജയയ്ക്കാന്‍ മുടക്കേണ്ട കാശാണ്. അങ്ങനെ ആര്‍ക്കേലുമയയ്ക്കാനല്ല. സാക്ഷാല്‍ മാര്‍ക്ക് സക്കര്‍ബര്‍ഗിന്. അതായത് ഫേസ്ബുക്കിന്റെ സമാരാധ്യനായ തന്തപ്പടിയ്ക്ക്.
സക്കര്‍ബര്‍ഗിന്റെ സുഹൃത് ലിസ്റ്റില്‍ ഇല്ലാത്തവര്‍ക്ക് അദ്ദേഹവുമായി ബന്ധപ്പെടാന്‍ ഈ മാര്‍ഗം ഉപയോഗിയ്ക്കാം. 100 ഡോളര്‍ കൊടുത്തയയ്ക്കുന്ന മെസ്സേജ് കക്ഷിയുടെ ഇന്‍ബോക്‌സില്‍ തന്നെയെത്തും. അല്ലെങ്കില്‍ അദേഴസ് എന്ന ചവറ്റുകുട്ടയിലാകും നിങ്ങളുടെ മെസ്സേജിന്റെ സ്ഥാനം.
ഫേസ്ബുക്ക് കുറച്ചു നാളുകളായി അവരുടെ സേവനങ്ങളെ കൂടുതല്‍ ആദായകരമാക്കാനുള്ള ശ്രമങ്ങളിലാണ്. അതിന്റെ ഭാഗമാണ് ഈ പരിഷ്‌ക്കാരം. ഇനിയും കൂടുതല്‍ പ്രതീക്ഷിയ്ക്കാം. ഗിസ്‌ബോട്ടിന്റെ സംശയമിതാണ്, ആര്‍ക്കാണ് പത്തയ്യായിരം രൂപ മുടക്കി സക്കര്‍ഗിന്റെ സുഖവിവരമന്വേഷിയ്ക്കാന്‍ ഇത്ര പൂതി? അല്ല, അതിനും ആള് കാണും.
