ഫേസ്ബുക്ക്, വാട്ട്‌സ്ആപ്പ് ഉപഭോക്താക്കൾക്ക് പരസ്പരം ചാറ്റ് ചെയ്യാം

ലോക്കല്‍ ഡാറ്റാബേസില്‍ ഫേസ്ബുക്ക് ടേബിളുകള്‍ വികസിപ്പിക്കുന്നുവെന്നാണ് പുതിയ റിപ്പോർട്ടുകൾ. ഇത് വാട്ട്‌സാപ്പ് ഉപയോക്താക്കള്‍ക്ക് തങ്ങളുടെ സന്ദേശങ്ങളും സേവനങ്ങളും കൈകാര്യം ചെയ്യുന്നതിന് സഹായിക്കും. ഫേസ്ബുക്കിന് ഇതില്‍ നിന്ന് ഉപയോക്താക്കളുടെ ചില വിവരങ്ങളും ശേഖരിക്കാന്‍ സാധിക്കും. ഈ സൗകര്യം വളരെ ആരംഭ ഘട്ടത്തിലായതുകൊണ്ട് വിവിധ പ്ലാറ്റ്‌ഫോമുകളിലുള്ള ഉപയോക്താക്കള്‍ക്ക് പരസ്പരം സന്ദേശങ്ങള്‍ അയയ്ക്കാന്‍ സാധിക്കുമെന്നതിന് ഇപ്പോള്‍ കൃത്യമായി ഒരു വ്യക്തത നൽകുവാൻ സാധിക്കില്ല.

പക്ഷെ, ഈ സേവനം അധികം വൈകാതെ ഉപയോക്താക്കൾക്കിടയിൽ ലഭ്യമാകുമെന്നാണ് റിപ്പോർട്ടുകൾ വ്യക്തമാക്കുന്നത്. ഇത്തരത്തിലുള്ള സേവനം ഫേസ്ബുക്ക് അവതരിപ്പിക്കുകയാണെങ്കിൽ ഒന്നുകില്‍ വാട്ട്‌സാപ്പിന്റെ എന്‍ഡ്-ടു-എന്‍ഡ് എന്‍ക്രിപ്ഷന്‍ സെക്യൂരിറ്റി സേവനം നീക്കം ചെയ്യേണ്ടതായിവരും. അല്ലെങ്കില്‍ ഫേസ്ബുക്കിന്റെ മെസഞ്ചറിലും ഇന്‍സ്റ്റാഗ്രാമിലും ഈ സംവിധാനം ഉൾപ്പെടുത്തേണ്ടതായിവരും.

ഇൻസ്റ്റാഗ്രാമിൽ ഫേസ്ബുക്കിന്റെ മെസഞ്ചർ ലഭിക്കുന്നതിനായി ഒരു ഹൈപ്പർലിങ്ക് അടുത്തിടെ ഒരു വ്യക്തി ശ്രദ്ധിച്ചതിനാൽ ഇൻസ്റ്റാഗ്രാമും സമാനമായ ഒരു അവസ്ഥയിലേക്ക് മാറാൻ കഴിയും. ഈ സവിശേഷത ഇപ്പോൾ‌ ഏതാനും കുറച്ച് ഉപയോക്താക്കൾ‌ക്ക് മാത്രമായി പരിമിതപ്പെടുത്തിയിരിക്കുന്നു. ലോകത്തിലെ ഈ നമ്പർ വൺ മെസേജിങ് ആപ്ലിക്കേഷനെ ഫെയ്സ്ബുക്ക് മെസഞ്ചറുമായി ബന്ധിപ്പിക്കാൻ പോകുന്നു എന്നത് നടക്കുവാൻ പോകുന്നു.

അതീവ സുരക്ഷാ പ്രശ്നങ്ങൾ ഉണ്ടായേക്കാവുന്ന പദ്ധതിയാണ് മാർക്ക് സക്കർബർഗ് രഹസ്യമായി ആസൂത്രണം ചെയ്യുന്നതെന്ന് ചിന്തിക്കേണ്ടതാണ്. ഫെയ്സ്ബുക്കിന്റെ നിലവിലെ പ്രതിസന്ധികളെ നേരിടാൻ ലക്ഷ്യമിട്ടുള്ള പദ്ധതിയാണ് മാർക്ക് സക്കർബർഗ് ഇപ്പോൾ രൂപവത്കരിക്കുന്നത്. നിലവിൽ ഏറ്റവും കൂടുതൽ സജീവമായ വാട്‌സ്ആപ്പിനെ ഉപയോഗിച്ച് നിർജീവമായി കിടക്കുന്ന മെസഞ്ചർ, ഇൻസ്റ്റാഗ്രാം എന്നിവ ഉപയോഗിക്കുന്നവരുടെ എണ്ണം കുത്തനെ കൂട്ടുകയാണ് ഇതിലൂടെ സക്കർബർഗ് ലക്ഷ്യമിടുന്നത്.

മൂന്നു മെസേജിങ് സര്‍വീസുകളും തമ്മിൽ ബന്ധിതമാക്കിയാൽ ഒരു വിലയേറിയ വലിയ ഡാറ്റ ബേസാണ് വികസിക്കപ്പെടുന്നത്. വാട്ട്‌സ്ആപ്പ് ഇപ്പോഴും ലോകത്തിലെ ഏറ്റവും ജനപ്രിയമേറിയ മെസഞ്ചറാണ്, എന്നാൽ അതുപോലെതന്നെ എല്ലാ ദിവസവും അതിന്റെ എതിരാളികൾ കൂടുതൽ ജനപ്രീതി നേടുന്നു. അവയിൽ ഒന്നാണ് നമുക്ക് എല്ലാവർക്കും സുപരിചിതമായ ടെലിഗ്രാം. ഫേസ്ബുക്കിന്റെ ഉടമസ്ഥതയിലുള്ള കമ്പനി ഈ സാഹചര്യത്തെ തുടർന്ന് ചില കാരണങ്ങളാൽ മുമ്പ് അവഗണിക്കപ്പെട്ട മെസഞ്ചറിലേക്ക് കൂടുതൽ പ്രധാന സവിശേഷതകൾ ഉൾപ്പെടുത്തി മികവുള്ളതാക്കാൻ തുടങ്ങി.