ഇന്റര്‍നെറ്റ് വേഗത പത്തിരട്ടിയാകുന്ന സംവിധാനത്തിന് ഫേസ്ബുക്ക് രൂപം നല്‍കുന്നു...!

ലോകത്തിലെ ആദ്യത്തെ ലേസര്‍ കമ്യൂണിക്കേഷന്‍ സംവിധാനം ഫേസ്ബുക്ക് അവതരിപ്പിച്ചു. ഫേസ്ബുക്കിന്റെ കണക്ടിവിറ്റി ലാബാണ് ഈ സങ്കേതം വികസിപ്പിച്ചിരിക്കുന്നത്.

ഇപ്പോള്‍ ലഭിക്കുന്ന ഇന്റര്‍നെറ്റ് വേഗതയേക്കാള്‍ 10 ഇരട്ടി വേഗതയില്‍ ഈ സംവിധാനത്തിലൂടെ ഇന്റര്‍നെറ്റ് ലഭ്യമാകും. വലിയ ദൂരങ്ങളിലേക്ക് അയയ്ക്കുമ്പോള്‍ ഡാറ്റാ ശോഷണം സംഭവിക്കുന്നില്ല എന്നതും ഇതിന്റെ പ്രത്യേകതയാണ്.

ലോകം മുഴുവന്‍ ഇന്റര്‍നെറ്റ് എത്തിക്കാനുളള ഫേസ്ബുക്കിന്റെ ഇന്റര്‍നെറ്റ്.ഒആര്‍ജിക്ക് വേണ്ടിയാണ് ഈ സംവിധാനം വിനിയോഗിക്കുന്നത്.

ലോകത്ത് ഏതാണ്ട് 4 ബില്ല്യണ്‍ ആളുകള്‍ക്ക് ഇന്റര്‍നെറ്റ് എത്തിക്കാനുളള പദ്ധതിയായ ഇന്റര്‍നെറ്റ്.ഒആര്‍ജി നിലവില്‍ ഇന്ത്യ അടക്കം 14 രാജ്യങ്ങളില്‍ ലഭ്യമാണ്.