ആമസോൺ ​പ്രൈം ഡേയെ പൊട്ടിക്കാൻ ഫ്ലിപ്പ്കാർട്ടിന്റെ ഗോട്ട് സെയിൽ: ഓഫറുകളുമായി കളം നിറഞ്ഞ് നത്തിങ്

ആമസോണിൽ ​പ്രൈം ഡേ സെയിൽ ജൂ​ലൈ 12 മുതൽ 14 വരെ നടക്കുകയാണ്. സ്മാർട്ട്ഫോണുകളും മറ്റ് ഡി​വൈസുകളും പ്രോഡക്ടുകളുമൊക്കെ വൻ വിലക്കുറവിൽ വാങ്ങാൻ ​പ്രൈം അ‌ംഗങ്ങൾക്ക് ഈ ഓഫർ സെയിൽ അ‌വസരം ഒരുക്കുന്നു. അ‌തിനാൽ സ്മാർട്ട്ഫോൺ കച്ചവടം ആമസോണിൽ ജൂ​ലൈ 12 മുതൽ പൊടിപൊടിക്കും എന്ന് പ്രതീക്ഷിക്കപ്പെടുന്നു. എന്നാൽ ഈ സമയത്ത് തന്നെ ആമസോണിന്റെ പ്രധാന എതിരാളിയായ ഫ്ലിപ്പ്കാർട്ട് തങ്ങളുടെ ഗോട്ട് സെയിൽ (Flipkart GOAT Sale 2025) പ്രഖ്യാപിച്ച് ആമസോണിന് വെല്ലുവിളി ഉയർത്തി രംഗത്തെത്തിയിരിക്കുന്നു. സ്മാർട്ട്ഫോണുകൾക്കും മറ്റും വൻ ഡിസ്കൗണ്ട് ഈ ഗോട്ട് സെയിൽ വാഗ്ദാനം ചെയ്യുന്നു.

ആമസോണിനെക്കാൾ നീണ്ടുനിൽക്കുന്നതാണ് ഫ്ലിപ്പ്കാർട്ടിന്റെ ഗോട്ട് സെയിൽ. അ‌തായത് ജൂ​ലൈ 12 മുതൽ 17 വരെയാണ് ഗോട്ട് സെയിൽ നിശ്ചയിച്ചിരിക്കുന്നത്. വിവിധ ബ്രാൻഡുകളുടെ സ്മാർട്ട്ഫോണുകൾ മികച്ച ഡിസ്കൗണ്ട് വിലയിൽ ഈ ഓഫർ സെയിലിൽ ലഭ്യമാകുമെന്ന് ഫ്ലിപ്പ്കാർട്ട് പറയുന്നുണ്ട്. ഈ ഓഫർ സെയിലിൽ തങ്ങളുടെ സിഎംഎഫ്, നത്തിങ് ഫോണുകൾക്കും ഡി​വൈസുകൾക്കും മികച്ച ഡിസ്കൗണ്ടുമായി നത്തിങ് പിന്തുണ പ്രഖ്യാപിച്ചുകഴിഞ്ഞു.

നത്തിങ് അ‌ടുത്തിടെ പുറത്തിറക്കിയ പ്രീമിയം സ്മാർട്ട്ഫോൺ ആണ് നത്തിങ് ഫോൺ 3 (Nothing Phone 3). ഇതിന്റെ വിൽപ്പന ജൂലൈ 15 മുതൽ ആണ് ആരംഭിക്കുന്നത്. ഫ്ലിപ്പ്കാർട്ട് ഗോട്ട് സെയിലിന്റെ ഭാഗമായി ലോഞ്ച് ഓഫറുകൾ സഹിതം ഈ നത്തിങ് ഫോൺ വാങ്ങാനാകും.

ഇന്ത്യയിൽ നത്തിങ് ഫോൺ 3യുടെ 12GB + 256GB വേരിയന്റിന് 79,999 രൂപയും 16GB + 512GB വേരിയന്റിന് 89,999 രൂപയുമാണ് വില. ഓഫറുകൾ പ്രയോജനപ്പെടുത്തിയാൽ യഥാക്രമം 62,999 രൂപ, 72,999 രൂപ വിലകളിൽ ഇത് വാങ്ങാനാകും. ഇത് കൂടാതെ നത്തിങ്ങിന്റെയും സിഎംഎഫിന്റെയും മറ്റ് സ്മാർട്ട്ഫോൺ മോഡലുകൾക്കും ഡി​വൈസുകൾക്കും ഗോട്ട് സെയിലിൽ ഓഫറുകളുണ്ട്. അ‌വ പരിചയപ്പെടാം.

ഫ്ലിപ്പ്കാർട്ട് ഗോട്ട് സെയിലിന്റെ ഭാഗമായി ഡിസ്കൗണ്ടിൽ ലഭ്യമാകുന്ന നത്തിങ്/സിഎംഎഫ് ഡി​വൈസുകൾ: നത്തിങ് ഫോൺ 3എ പ്രോ - 26,999 രൂപ, നത്തിങ് ഫോൺ 3എ - 21,999 രൂപ (ബാങ്ക് + എക്‌സ്‌ചേഞ്ച് ഓഫറുകൾ ഉൾപ്പെടെ). CMF ഫോൺ 2 പ്രോ- 16,999 രൂപ.

നത്തിങ് ഓഡിയോ ഡി​വൈസുകൾ: നത്തിങ് ഇയർ എ - 5,999 രൂപ, നത്തിങ് ഇയർ ബ്ലാക്ക്- 8,999 രൂപ, നത്തിങ് ഇയർ സ്റ്റിക്ക്- 2,999 രൂപ. CMF ഓഡിയോ ഡി​വൈസുകൾ: CMF ബഡ്‌സ് പ്രോ- 2,499 രൂപ, CMF ബഡ്‌സ് 2A (ഡാർക്ക് ഗ്രേ)- 1,999 രൂപ, CMF ബഡ്‌സ്- 2,299 രൂപ, CMF നെക്ക്‌ബാൻഡ് പ്രോ- 1,899 രൂപ, CMF ബഡ്‌സ് പ്രോ 2- 3,499 രൂപ.

CMF വെയറബിൾസ്: CMF വാച്ച് പ്രോ - 2,499 രൂപ, CMF വാച്ച് പ്രോ 2 - 4,199 രൂപ. നത്തിങ് ചാർജിങ് ആൻഡ് ആക്‌സസറീസ്: നത്തിങ് പവർ 65W - 2,499 രൂപ, നത്തിങ് പവർ 33W - 999 രൂപ.

നത്തിങ് പവർ 45W - 2,299 രൂപ, നത്തിങ് പവർ 100W - 2,999 രൂപ, നത്തിങ് പവർ 140W - 3,999 രൂപ, നത്തിങ് കേബിൾ (1 m) - 1 രൂപ 599, നത്തിങ് കേബിൾ (1.8m) - 799 രൂപ.

ഫ്ലിപ്പ്കാർട്ട് ഗോട്ട് സെയിൽ ഓഫറുകൾ ഫ്ലിപ്പ്കാർട്ട് പ്ലസ് അ‌ംഗങ്ങൾക്ക് 2025 ജൂലൈ 11 മുതൽ തന്നെ ലഭ്യമാകും. മറ്റുള്ളവർക്ക് ജൂ​ലൈ 12 മുതൽ ഓഫറുകളിലേക്ക് ആക്സസ് ലഭിക്കും. ജൂലൈ 17 വരെയാണ് ഓഫറുകൾ ലഭ്യമാകുക. ഡയറക്ട് ഡിസ്കൗണ്ട്, ബാങ്ക് ഓഫറുകൾ എന്നിവ വഴി കുറഞ്ഞ വിലയിൽ സ്മാർട്ട്ഫോൻ സ്വന്തമാക്കാൻ ഈ ഓഫർ സെയിൽ സഹായിക്കും.