200ൽ അധികം വിവാഹമോചനങ്ങൾക്ക് കാരണമായി ഈ ഗെയിം!

കളിയിൽ മുഴുകി സകലതും മറക്കുമ്പോൾ..

കഴിഞ്ഞ കുറച്ചു മാസങ്ങളായി ഈ ഗെയിമുമായി ബന്ധപ്പെട്ട് ഇത്തരത്തിലുള്ള പല തരത്തിലുള്ള വാർത്തകളും ഇതിനോടകം റിപ്പോർട്ട് ചെയ്യപ്പെട്ടിട്ടുണ്ട്. ചുഴലിക്കാറ്റ് വന്നപ്പോൾ അതുപോലും ഗൗനിക്കാതെ കളിയിൽ മുഴുകിയിരുന്ന ചെറുപ്പക്കാരൻ മുതൽ മുഴുവൻ നേരവും സോഫയിലിരുന്നു ഗെയിം കളിച്ച് എഴുനേൽക്കാൻ പോലും സമയമില്ലാതെ അവിടെത്തന്നെ മൂത്രമൊഴിക്കുകയും മറ്റും ചെയ്ത ഏഴുവയസ്സുകാരി പെൺകുട്ടിയുടെ സംഭവങ്ങൾ വരെ ഇതിൽ പെടും.

ഗെയിം പഠിപ്പിക്കാൻ കുട്ടിയെ ട്യൂഷന് വിട്ട അമ്മ!

ഇതിന് പുറമെയാണ് കഴിഞ്ഞ മാസം വേറൊരു വാർത്തയും റിപ്പോർട്ട് ചെയ്യപ്പെട്ടിരുന്നു. ഈ ഗെയിം പഠിപ്പിക്കാൻ മണിക്കൂറിന് 20 ഡോളർ വെച്ചുവരെ കൊടുത്തുകൊണ്ട് വിട്ടതായിട്ടായിരുന്നു ആ വാർത്ത പ്രകാരം റിപ്പോർട്ട് ചെയ്യപ്പെട്ടിരുന്നത്. Journal മാധ്യമത്തിനോട് ആലി ഹിക്സ് എന്ന അമ്മ പറഞ്ഞ പ്രകാരം Fortnite ഗെയിം പഠിപ്പിക്കുന്നതിനായി തന്റെ പത്തു വയസ്സുള്ള മകനെ ട്യൂഷന് വിട്ടു എന്നും നാല് മണിക്കൂർ പഠനത്തിനായി 50 ഡോളർ ഫീസ് ആയി നൽകി എന്നുമാണ്.

200ന് മേലെ വിവാഹമോചന കേസുകൾ!

എന്തായാലും കാര്യങ്ങൾ ഇത്രയൊക്കെ ആയ സ്ഥിതിക്ക് നിങ്ങൾക് മനസ്സിലായിക്കാണുമല്ലോ എന്തുമാത്രം ഗുരുതരമാണ് ഈ ഗെയിമുമായി ബന്ധപ്പെട്ട പ്രശ്നങ്ങൾ എന്നത്. എന്നാൽ ഇപ്പോൾ റിപ്പോർട്ട് ചെയ്യപ്പെട്ടിരിക്കുന്ന വിശ്വാസയോഗ്യമായ ചില റിപ്പോർട്ടുകൾ പറയുന്നത് യുകെയിൽ മാത്രം 200നു മേലെ വിവാഹമോചന കേസുകൾക്ക് ഈ ഗെയിം കാരണമായിരുന്നു എന്നാണ്.

ഇതിനെല്ലാം കാരണം ഈ ഒരൊറ്റ ഗെയിം!

ഡിവോഴ്സ് ഓൺലൈനിൽ നിന്നുമുള്ള വിവരങ്ങളുടെ അടിസ്ഥാനത്തിൽ മൊത്തം 2018 ൽ ലഭിച്ച വിവാഹമോചന കേസുകളിൽ അഞ്ചു ശതമാനത്തോളം ഈ ഗെയിം കാരണമാണെന്നാണ്. മുഴുവൻ സമയവും ഗെയിം കളിച്ചിരുന്ന് ഭാര്യയേയും കുട്ടികളെയും കുടുംബത്തെയും നോക്കാതെ ജോലിക്ക് കൂടി പോകാതെയാകുമ്പോൾ ആരായാലും വിവാഹമോചനത്തിന് അപേക്ഷിച്ചുപോകും. എന്തായാലും ഈ പ്രവണത കൂടിവരുകയാണെന്നും റിപ്പോർട്ടിൽ സൂചിപ്പിക്കുന്നു.