ഫ്രീ...ഫ്രീ..ഫ്രീ! എയർഫൈബറിന് ഒരു വർഷത്തെ സൗജന്യ ദിപാവലി ഓഫറുമായി ജിയോ

ഇന്ത്യയിലെ ഏറ്റവും വലിയ ടെലികോം ഓപ്പറേറ്ററായ റിലയൻസ് ജിയോ, റിലയൻസ് ഡിജിറ്റലിലെ പർച്ചേസുകൾക്കൊപ്പം ജിയോ എയർഫൈബറിനായി ഒരു വർഷത്തെ സൗജന്യ ഓഫർ പ്രഖ്യാപിച്ചു. ഈ ഓഫർ പ്രകാരം, ഏതെങ്കിലും റിലയൻസ് ഡിജിറ്റൽ അല്ലെങ്കിൽ മൈ ജിയോ സ്റ്റോറിൽ 20,000 രൂപയോ അതിൽ കൂടുതലോ വാങ്ങുന്ന ഉപഭോക്താക്കൾക്ക് ഒരു വർഷത്തെ ജിയോ എയർഫൈബർ സൗജന്യമായി ലഭിക്കും. 2024 സെപ്റ്റംബർ 18 മുതൽ നവംബർ 3 വരെ പ്രവർത്തിക്കുന്ന ഈ പ്രമോഷൻ പുതിയതും നിലവിൽ ഉള്ളതുമായ ജിയോ ഫൈബർ (JioFiber), ജിയോ എയർഫൈബർ (Jio AirFiber) ഉപയോക്താക്കൾക്ക് ലഭ്യമാണ്.

പുതിയതും നിലവിൽ ഉള്ളതുമായ ഉപഭോക്താക്കൾക്കുള്ള ആനുകൂല്യങ്ങൾ എന്തൊക്കെ ആണെന്ന് നോക്കാം. പുതിയ എയർഫൈബർ/ ഫൈബർ കണക്ഷൻ ലഭിക്കുന്ന പുതിയ ഉപഭോക്താക്കൾക്ക് രണ്ട് ഓപ്ഷനുകൾ ഉണ്ട്: അവർക്ക് ഒന്നുകിൽ റിലയൻസ് ഡിജിറ്റലിൽ ഷോപ്പ് ചെയ്യാം അല്ലെങ്കിൽ 2,222 രൂപ വില ഉള്ള 3 മാസത്തെ ദീപാവലി പ്ലാനിനൊപ്പം പുതിയ എയർഫൈബർ കണക്ഷൻ തിരഞ്ഞെടുക്കാം.

നിലവിൽ ഉള്ള ഉപയോക്താക്കൾക്ക് 2,222 രൂപയുടെ ദീപാവലി പ്ലാനിൻ്റെ ഒറ്റ തവണ മുൻകൂർ റീചാർജ് ഉപയോഗിച്ച് സമാന ആനുകൂല്യങ്ങൾ അൺലോക്ക് ചെയ്യാൻ കഴിയും. ഈ ഫ്രീ ജിയോ എയർഫൈബർ ഓഫറിനെ കുറിച്ച് കൂടുതൽ അറിയണോ? എങ്കിൽ ഈ ലേഖനം തുടർന്ന് വായിക്കൂ.

യോഗ്യരായ ഉപഭോക്താക്കൾക്ക് 2024 നവംബർ മുതൽ 2025 ഒക്‌ടോബർ വരെ ഉള്ള അവരുടെ ആക്റ്റീവ് ജിയോ എയർഫൈബർ പ്ലാൻ വാല്യൂവുമായി പൊരുത്തപ്പെടുന്ന 12 പ്രതിമാസ കൂപ്പണുകൾ ലഭിക്കും. എല്ലാ കൂപ്പണുകളും 30 ദിവസത്തിന് ഉള്ളിൽ അടുത്ത് ഉള്ള Reliance Digital / My Jio store / JioPoint store / JioMart Digital എക്സ്ക്ലൂസീവ് സ്റ്റോറിൽ റിഡീം ചെയ്യാവുന്നതാണ്.

ഇവിടങ്ങളിൽ നിന്ന് 15,000 രൂപയ്ക്ക് മുകളിലുള്ള ഇലക്ട്രോണിക്സ് പർച്ചേസ് നടത്തിയാൽ മാത്രമേ ഈ കൂപ്പൺ റെഡീം ചെയ്യാൻ സാധിക്കൂ. അതുകൊണ്ട് തന്നെ വെറുതെ ഒന്നും തരുന്നില്ല എന്നത് ഓർമയിൽ വെയ്ക്കുക. കൂപ്പൺ കിട്ടിയാൽ 15000 രൂപ കൂട്ടി വെച്ച് അതിന് എന്ത് മേടിക്കും എന്ന് ചിന്തിച്ചോളു.

എന്നാൽ ജിയോയിൽ എയർഫൈബർ ഫ്രീഡം ഓഫർ ലഭ്യമാണ്. നിലവിൽ, ജിയോ എയർഫൈബർ മൂന്ന് മാസത്തേക്ക് 2,120 രൂപയ്ക്ക് ലഭ്യമാണ് (ജിഎസ്ടി ഉൾപ്പെടെ). അതായത് 30 എംബിപിഎസ് പ്ലാൻ പ്രതിമാസം 599 രൂപയ്ക്ക് ആണ് ലഭിക്കുന്നത്. ഇത് നല്ല ഒരു ഓഫ്ഫർ ആണ്.

അടുത്തിടെ, ജിയോ അവതരിപ്പിച്ച എയർഫൈബർ ഫ്രീഡം ഓഫറിൽ ഉപഭോക്താക്കളെ 50 രൂപയ്ക്ക് ബുക്ക് ചെയ്യാനും പ്രതിവർഷം 3,599 രൂപയുടെ സൗജന്യ മൊബൈൽ പ്ലാൻ നേടാനുള്ള അവസരത്തിനായി പ്രവേശിക്കാനും അനുവദിക്കും. കൂടാതെ, ഉപയോക്താക്കൾക്ക് 30 ശതമാനം കിഴിവും ലഭ്യമാണ്. അൺലിമിറ്റഡ് വൈഫൈ, 13+ OTT ആപ്പുകൾ, 800-ലധികം ഡിജിറ്റൽ ടിവി ചാനലുകൾ എന്നിവ ഉൾപ്പെടുന്ന പ്ലാൻ 3 മാസത്തേക്ക് വെറും 2,121 രൂപയ്ക്ക് ആണ് നൽകുന്നത്.