സൗജന്യ റൗട്ടർ, 30 ദിവസത്തെ ഫ്രീ ട്രയൽ..; ആളെ വീഴ്ത്താൻ അ‌തിഗംഭീര ഓഫറുകളുമായി എയർടെൽ എക്സ്ട്രീം ​ഫൈബർ

കൂടിവരുന്ന ഇന്റർനെറ്റ് ഉപ​യോഗം കണ്ട് ഉപയോക്താക്കളെ തങ്ങളിലേക്ക് ആകർഷിക്കാൻ എട്ട് പുതിയ പ്ലാനുകളാണ് എയർടെൽ പുതിയതായി അ‌വതരിപ്പിച്ചിരിക്കുന്നത്. ആരുടെയും മനസിളക്കുന്ന അ‌തിഗംഭീര ഓഫറുകളും ഈ പ്ലാനുകൾക്ക് ഒപ്പം എയർടെൽ മുന്നോട്ട് വയ്ക്കുന്നുണ്ട്. സൗജന്യ ​വൈ​ഫൈ റൗട്ടർ ഉൾപ്പെടെ നൽകിയാണ് എയർടെൽ രംഗത്തെത്തിയിരിക്കുന്നത് എന്നതാണ് ഏറ്റവും ശ്രദ്ധേയമായ കാര്യം.

എയർടെലിന്റെ പുതിയ ബ്രോഡ്ബാൻഡ് പ്ലാനുകൾ 499 രൂപ മുതൽ ആണ് ആരംഭിക്കുന്നത്. 40 എംബിപിഎസ് വേഗമാണ് ഈ പ്രാരംഭ പ്ലാനിൽ ലഭ്യമാകുക. ബേസിക്, ബേസിക് + ടിവി, സ്റ്റാൻഡേർഡ്, എന്റർടെയ്ൻമെന്റ്, എന്റർടെയ്ൻമെന്റ് + ടിവി, പ്രൊഫഷണൽ, പ്രൊഫഷണൽ + ടിവി, ഇൻഫിനിറ്റി എന്നിങ്ങനെയാണ് എയർടെലിന്റെ പുതിയ പ്ലാനുകൾക്ക് പേര് നൽകിയിരിക്കുന്നത്.

ബേസിക് പ്ലാൻ

499 രൂപയാണ് ബേസിക് പ്ലാനി​ന് നിശ്ചയിച്ചിരിക്കുന്നത്. ഫ്രീ ​വൈ​ഫൈ റൗട്ടർ ഈ പ്ലാനിനൊപ്പം ലഭ്യമാകും. ഒരു വർഷത്തെ എക്സ്ട്രീം പ്രീമിയം, വിങ്ക് സബ്സ്ക്രിപ്ഷനുകളാണ് ഈ പ്ലാനിനൊപ്പം ലഭ്യമാകുന്ന മറ്റ് ആനുകൂല്യങ്ങൾ 40 എംബിപിഎസ് ആണ് ഡാറ്റാ വേഗം. എയർടെലിന്റെ പുതിയ എട്ട് ബ്രോഡ്ബാന്റ് പ്ലാനുകളിൽ ഏറ്റവും ചെലവു കുറഞ്ഞ പ്ലാൻ ആണിത്.

ബേസിക് + ടിവി പ്ലാൻ

699 രൂപയും ടാക്സും അ‌ടങ്ങുന്നതാണ് ബേസിക് ടിവി പ്ലാൻ തുക. 40 എംബിപിഎസ് ഡാറ്റാ വേഗവും ഫ്രീ ​വൈ​ഫൈ റൗട്ടർ ആനുകൂല്യം ഈ പ്ലാനിനൊപ്പവും ലഭ്യമാണ്. ഒരു വർഷത്തെ ഡിസ്നി+ ഹോട്ട്സ്റ്റാർ, 10 ഒടിടി ആപ്പ്, 300+ ടിവി ചാനൽ സബ്സ്ക്രിപ്ഷനുകൾ ഉൾപ്പെടെയുള്ളവയാണ് ഈ പ്ലാനിനൊപ്പം ലഭ്യമാകുന്ന ആനുകൂല്യങ്ങൾ. ഇതു കൂടാതെ 30 ദിവസത്തെ ഫ്രീട്രയൽ എന്ന ആകർഷകമായ ഓഫറും ഇതോടൊപ്പമുണ്ട്.

സ്റ്റാൻഡേർഡ് പ്ലാൻ

799 രൂപയും ടാക്സുമാണ് സ്റ്റാൻഡേർഡ് പ്ലാനിന് പ്രതിമാസം ചെലവാകുക. സൗജന്യ ​വൈ​ഫൈ റൗട്ടറിനൊപ്പം 100 എംബിപിഎസ് ഡാറ്റ ​വേഗമാണ് ഈ പ്ലാൻ ഓഫർ​ ചെയ്യുന്നത്. ഇതിനു പുറമെ ഒരു വർഷത്തെ എക്സ്ട്രീം പ്രീമിയം, വിങ്ക് സബ്സ്ക്രിപ്ഷനുകളും മറ്റനേകം ആനുകൂല്യങ്ങളും ഉണ്ടാകും. 30 ദിവസത്തെ ഫ്രീ ട്രയൽ സൗകര്യം ഈ പ്ലാനിനൊപ്പം ലഭ്യമല്ല എന്നകാര്യം പ്രത്യേകം ശ്രദ്ധിക്കുക.

എന്റർടെ​യ്ൻമെന്റ് പ്ലാൻ

999 രൂപയും ടാക്സും ആണ് എന്റർടെ​യ്ൻമെന്റ് പ്ലാൻ ലഭ്യമാകാൻ മുടക്കേണ്ടി വരിക. 200 എംബിപിഎസ് എന്ന ഉയർന്ന ഡാറ്റാ​വേഗം ഈ പ്ലാനിനൊപ്പം ലഭ്യമാകുന്നു. കൂടാതെ സൗജന്യ ​വൈ​ഫൈ റൗട്ടർ ഓഫറുമുണ്ട്. ഇവയ്ക്ക് പുറമെ ഒരു വർഷത്തെ ഡിസ്നി+ ഹോട്ട്സ്റ്റാർ, 10 ഒടിടി ആപ്പ്, 300+ ടിവി ചാനൽ സബ്സ്ക്രിപ്ഷനുകൾ ലഭിക്കും. 30 ദിവസത്തെ ഫ്രീ ട്രയൽ ഈ പ്ലാനിനൊപ്പവും ലഭ്യമല്ല.

എന്റർടെ​യ്ൻമെന്റ് പ്ലസ് ടിവി പ്ലാൻ

1099 രൂപയും ടാക്സും ആണ് ഈ പ്ലാനിന് പ്രതിമാസം നൽകേണ്ടത്. സൗജന്യ ​വൈ​ഫൈ റൗട്ടറിനൊപ്പം 200 എംബിപിഎസ് ഡാറ്റാ വേഗം ലഭിക്കും. ഒരു വർഷത്തെ ഡിസ്നി+ ഹോട്ട്സ്റ്റാർ, 10 ഒടിടി ആപ്പ്, 300+ ടിവി ചാനൽ സബ്സ്ക്രിപ്ഷനുകൾ എന്നീ ആനുകൂല്യങ്ങളും ഈ പ്ലാനിൽ ലഭ്യമാകും. കൂടാതെ 30 ദിവസത്തെ ഫ്രീ ട്രയൽ സൗകര്യവും എക്സ്ട്രീം ​ഫൈബർ നൽകുന്നുണ്ട്.

പ്രൊഫഷണൽ പ്ലാൻ

പ്രൊഫഷണൽ പ്ലാനിന് പ്രതിമാസം 1498 രൂപയും ടാക്സും ആണ് നൽകേണ്ടത്. 300 എംബിപിഎസ് എന്ന അ‌തിവേഗ ഇന്റർനെറ്റും സൗജന്യ ​വൈ​ഫൈ റൗട്ടറുമാണ് പ്രധാന ഓഫർ. ഇതിനു പുറമെ ഒരു വർഷത്തെ എക്സ്ട്രീം പ്രീമിയം, വിങ്ക് സബ്സ്ക്രിപ്ഷനുകളും മറ്റ് നിരവധി ആനുകൂല്യങ്ങളും ആസ്വദിക്കാം. 30 ദിവസത്തെ സൗജന്യ ട്രയൽ ഓപ്ഷൻ ഈ പ്ലാനിനൊപ്പം ലഭ്യമല്ല.

പ്രൊഫഷണൽ പ്ലസ് ടിവി പ്ലാൻ

1599 രൂപയും ടാക്സും ആണ് പ്രൊഫഷണൽ പ്ലസ് ടിവി പ്ലാനിന്റെ പ്രതിമാസ നിരക്ക്. 300 എംബിപിഎസ് ഡാറ്റാ വേഗം, സൗജന്യ ​വൈ​ഫൈ റൗട്ടർ എന്നീ ആനുകൂല്യങ്ങൾ ഈ പ്ലാനിനൊപ്പം ഉണ്ട്. അ‌തിനു പുറമെ ഒരു വർഷത്തെ ഡിസ്നി+ ഹോട്ട്സ്റ്റാർ, 10 ഒടിടി ആപ്പ്, 300+ ടിവി ചാനൽ സബ്സ്ക്രിപ്ഷനുകളും 30 ദിവസത്തെ ഫ്രീ ട്രയൽ സൗകര്യവും ഈ പ്ലാനിൽ ലഭ്യമാകും.

ഇൻഫിനിറ്റി പ്ലാൻ

എയർടെൽ അ‌വതരിപ്പിച്ചിരിക്കുന്ന ബ്രോഡ്ബാൻഡ് പ്ലാനുകളിൽ ഏറ്റവും പ്രീമിയം പ്ലാൻ എന്ന് വിളിക്കുന്നത് ഇൻഫിനിറ്റി പ്ലാനിനെയാണ്. പ്രതിമാസം 3999 രൂപയും ടാക്സും ആണ് പ്ലാനിനായി നൽകേണ്ടിവരുക. 1 ജിബിപിഎസ് ഡാറ്റ വേഗം, സൗജന്യ ​വൈ​ഫൈ റൗട്ടർ എന്നിവ ഈ പ്ലാനിനൊപ്പമുണ്ട്. കൂടാതെ പുറമെ ഒരു വർഷത്തെ ഡിസ്നി+ ഹോട്ട്സ്റ്റാർ, 10 ഒടിടി ആപ്പ്, 300+ ടിവി ചാനൽ സബ്സ്ക്രിപ്ഷനുകളും ആസ്വദിക്കാം. പക്ഷേ 30 ദിവസത്തെ ഫ്രീ ട്രയൽ എന്ന ആനുകൂല്യം ഈ പ്ലാനിന് നൽകിയിട്ടില്ല.

പ്ലാനുകളെ മൊത്തത്തിൽ വിലയിരുത്തിയാൽ സാധാരണ വീട്ടാവശ്യങ്ങൾ നിറവേറ്റേണ്ടവരിൽ തുടങ്ങി പ്രൊഫഷണലുകൾ വരെയുള്ളവരെ ലക്ഷ്യമിട്ടാണ് എയർടെൽ എക്സ്ട്രീം ​ഫൈബർ പ്ലാനുകൾ പുറത്തിറക്കിയിരിക്കുന്നത് എന്ന് കാണാം. ആരെയും ആകർഷിക്കുന്നവയാണ് ഇതോടൊപ്പമുള്ള ആനുകൂല്യങ്ങൾ. ഇവയ്ക്കെല്ലാം പുറമെ 24X7 കസ്റ്റമർ സപ്പോർട്ടും അ‌ൺലിമിറ്റഡ് കോൾ ഓഫറുകളും എയർടെൽ ഈ പ്ലാനുകൾക്ക് ഒപ്പം നൽകുന്നുണ്ട്.