ഭാവിയില്‍ നിങ്ങളുടേതാകാന്‍ പോകുന്ന ഉപകരണവിസ്മയങ്ങള്‍

By Super

Updated: Friday, April 19, 2013, 13:30 [IST]

ഓരോ ദിവസവും സാങ്കേതികലോകം പുരോഗമിയ്ക്കുകയാണ്. ശിലായുഗത്തിന്റെ ഇരുളില്‍ നിന്ന് ലോഹയുഗങ്ങള്‍ കടന്ന് പ്ലാസ്റ്റിക്കും, ഫൈബറും, ഒപ്റ്റിക്കല്‍ ഫൈബറും, നാനോ ടെക്നോളജിയും, 4ജിയും ഒക്കെയായി സൈബര്‍ അത്ഭുതങ്ങള്‍ കാട്ടുന്ന മനുഷ്യന്‍ അവനെ തന്നെ അത്ഭുതപ്പെടുത്തുന്ന തരത്തിലാണ് അനുദിനം വളരുന്നത്. ശാസ്ത്രത്തിന്റെ എല്ലാ മേഖലകളിലും ഈ വളര്‍ച്ച ദൃശ്യമാണ് താനും. ഇന്ന് നമുക്ക് ലഭ്യമായ സ്മാര്‍ട്ട്‌ഫോണുകളും, ടാബ്ലെറ്റുകളും,മള്‍ട്ടിമീഡിയ കമ്പ്യൂട്ടറുകളുമെല്ലാം ഒരു കാലത്തെ മനുഷ്യന്റെ സ്വപ്‌നങ്ങളുടെ അപ്പുറം തൊട്ട കണ്ടെത്തലുകളാണ്. എണ്ണിച്ചുട്ട വാക്കുകളയച്ച കമ്പിയില്ലാ കമ്പിക്കാലവും നരച്ച ഓര്‍മകളില്‍ നിന്നുപോലും പടിയിറങ്ങുകയാണ്. കൈപ്പിടിയിലിരിയ്ക്കുന്ന ഇത്തിരിക്കുഞ്ഞന്‍ ഉപകരണത്തിലൂടെ ലോകം മുഴുവന്‍ കൈയ്യിലൊതുക്കിയ തലമുറയില്‍ ജീവിയ്ക്കുന്നതില്‍ അഭിമാനിയ്ക്കാം. എന്നാല്‍ 2013 വന്നെത്തുമ്പോള്‍ വീണ്ടും സാങ്കേതികലോകം മുമ്പിലേയ്ക്ക് വാരിയിട്ടു തരുന്നത് എണ്ണമറ്റ വരുംകാല സാധ്യതകളും, സംവിധാനങ്ങളുമാണ്. ഒട്ടേറെ പുത്തന്‍ സാങ്കേതികവിദ്യകള്‍ നമുക്കായി കാത്തിരിയ്ക്കു്ന്നു. നാളെ യാഥാര്‍ത്ഥ്യമാകേണ്ട അവയില്‍ ചില അത്ഭുതങ്ങള്‍ ഗാലറിയില്‍ കാണാം.