ഗെയിമിങ് പ്രേമികൾക്ക് തിരഞ്ഞെടുക്കാവുന്ന ബിഎസ്എൻഎൽ പ്ലാനുകളും ഒപ്പം വരുന്ന സമ്മാനങ്ങളും

റീചാർജിനൊപ്പം ഗെയിമിങ് പ്രേമികൾക്ക് സമ്മാനം ലഭിക്കുന്ന രണ്ട് താരിഫ് വൌച്ചറുകളെക്കുറിച്ച് മനസിലാക്കാം. സ്പെഷ്യൽ താരിഫ് വൗച്ചർ_185, സ്പെഷ്യൽ താരിഫ് വൗച്ചർ_347 എന്നിവയാണ് ഈ പ്ലാനുകൾ. ഈ സ്പെഷ്യൽ താരിഫ് വൗച്ചറുകൾ ഉപയോഗിച്ച് ഉപയോക്താക്കൾക്ക് 1,50,000 രൂപയുടെ സമ്മാനങ്ങളും 50,000 രൂപയുടെ റീചാർജ് വൗച്ചറുകളും നേടാമെന്നാണ് ബിഎസ്എൻഎൽ പറയുന്നത്. ഈ രണ്ട് പ്ലാനുകളും ചലഞ്ചസ് അരീന ഗെയിം ബെനിഫിറ്റ്സുമായിട്ടാണ് വരുന്നത്. ഈ വർഷം ജനുവരി മുതലാണ് പ്ലാനുകൾ ലോഞ്ച് ചെയ്തത്. ഈ പ്ലാനുകളിൽ നിന്നും ഉപയോക്താക്കൾക്ക് ലഭിക്കുന്ന നേട്ടങ്ങൾ എന്തൊക്കെയാണെന്ന് നോക്കാം.

ബിഎസ്എൻഎൽ സ്പെഷ്യൽ താരിഫ് വൗച്ചർ_185

185 രൂപ വിലയുള്ള ഈ ബിഎസ്എൻഎൽ സ്പെഷ്യൽ താരിഫ് വൗച്ചർ 28 ദിവസത്തെ ചെറിയ വാലിഡിറ്റിയിൽ വരുന്നു. ഈ പ്ലാനിലൂടെ, ഉപയോക്താക്കൾക്ക് 1 ജിബി പ്രതിദിന ഡാറ്റയാണ് ലഭിക്കുന്നത്. അൺലിമിറ്റഡ് വോയ്‌സ് കോളിംഗ് ആനുകൂല്യങ്ങളും ലഭിക്കും. പ്രതിദിനം 100 എസ്എംഎസുകളും ബിഎസ്എൻഎൽ സ്പെഷ്യൽ താരിഫ് വൗച്ചർ_185നൊപ്പം ലഭിക്കും. ബിഎസ്എൻഎൽ ട്യൂൺസ് ആനുകൂല്യവും ഈ വൌച്ചറിൽ ലഭ്യമാണ്. പ്രോഗ്രസീവ് വെബ് ആപ്പിൽ (PWA) ചലഞ്ചസ് അരീന മൊബൈൽ ഗെയിമിംഗിലേക്കുള്ള സൗജന്യ സബ്‌സ്‌ക്രിപ്‌ഷനും ഉപയോക്താക്കൾക്ക് ലഭിക്കും.

ബിഎസ്എൻഎൽ സ്പെഷ്യൽ താരിഫ് വൗച്ചർ_347

347 രൂപ നിരക്കിലാണ് ഈ സ്പെഷ്യൽ താരിഫ് വൌച്ചർ അവതരിപ്പിച്ചിരുന്നത്. 56 ദിവസത്തെ വാലിഡറ്റിയും ഈ സ്പെഷ്യൽ താരിഫ് വൗച്ചറിന്റെ പ്രത്യേകതയാണ്. ബിഎസ്എൻഎൽ സ്പെഷ്യൽ താരിഫ് വൗച്ചർ_347 പ്രതിദിനം 2 ജിബി ഡാറ്റയും യൂസേഴ്സിന് നൽകുന്നു. പ്രതിദിനം 100 എസ്എംഎസുകളും അൺലിമിറ്റഡ് വോയിസ് കോളിംഗ് ആനുകൂല്യങ്ങളും ഈ വൌച്ചറിൽ ബിഎസ്എൻഎൽ നൽകുന്നു.
പ്രോഗ്രസീവ് വെബ് ആപ്പിൽ (PWA) ചലഞ്ചസ് അരീന മൊബൈൽ ഗെയിമിംഗിലേക്കുള്ള സൗജന്യ സബ്‌സ്‌ക്രിപ്‌ഷനും ഉപയോക്താക്കൾക്ക് ലഭിക്കും.

ഈ രണ്ട് പ്ലാനുകളും നിലവിൽ ഗെയിമിംഗ് ഇഷ്ടപ്പെടുന്ന ഉപയോക്താക്കൾക്ക് ധാരാളം സമ്മാനങ്ങൾ ഓഫർ ചെയ്യുന്നു. മൂല്യത്തിലും ഈ പ്ലാനുകൾ ഏറെ മുന്നിലാണ്. റിലയൻസ് ജിയോ, വോഡഫോൺ ഐഡിയ, ഭാരതി എയർടെൽ എന്നിവയുൾപ്പെടെയുള്ള സ്വകാര്യ ടെലിക്കോം ഓപ്പറേറ്റർമാരിൽ നിന്ന് ലഭിക്കുന്നതിനേക്കാൾ വളരെ കുറഞ്ഞ നിരക്കിൽ ഡാറ്റയും വാലിഡിറ്റിയും ഓഫർ ചെയ്യുന്നു.

ഈ പ്ലാനുകൾ ഉപയോഗിച്ച് നിങ്ങൾക്ക് റീചാർജ് ചെയ്യണമെങ്കിൽ, നിങ്ങൾക്ക് ബിഎസ്എൻഎല്ലിന്റെ ഔദ്യോഗിക വെബ്‌സൈറ്റ് സന്ദർശിക്കാം, അല്ലെങ്കിൽ നിങ്ങൾക്ക് ഐഒഎസ്, ആൻഡ്രോയിഡ് ഡിവൈസുകൾക്കായി കമ്പനിയുടെ പുതിയ മൊബൈൽ ആപ്പ് ഡൗൺലോഡ് ചെയ്യാം ( Selfcare ). ബിഎസ്എൻഎൽ സെൽഫ്കെയർ ആപ്പിന് ഗൂഗിൾ പ്ലേ സ്റ്റോറിലെ ഉപഭോക്താക്കൾ വളരെ ഉയർന്ന റേറ്റിങ് നൽകുന്നു. വെബ്‌സൈറ്റിൽ നിന്നും മൊബൈൽ ആപ്പിൽ നിന്നും ഓവർ ദ ടോപ്പ് (ഒടിടി) ആനുകൂല്യങ്ങൾ ബണ്ടിൽ ചെയ്യുന്ന ടെൽക്കോയുടെ കൂടുതൽ പ്ലാനുകളും നിങ്ങൾക്ക് പരിശോധിക്കാൻ കഴിയും.

ബിഎസ്എൻഎല്ലിന്റെ ഈ പ്രീപെയ്ഡ് പ്ലാൻ ഓഫർ മാർച്ച് 31ന് അവസാനിക്കും

ബിഎസ്എൻഎൽ തങ്ങളുടെ പ്രീപെയ്ഡ് പ്ലാനുകൾക്കൊപ്പം നൽകുന്ന ചില പ്രത്യേക ഓഫറുകൾ ഈ മാസം അവസാനിക്കും. ഈ മാസം 31നാണ് പ്രീപെയ്ഡ് പ്ലാനുകൾക്കൊപ്പം ഈ ഓഫർ അവസാനിക്കുന്നത്. രണ്ട് പ്രീപെയ്ഡ് പ്ലാനുകൾക്ക് ഒപ്പമാണ് ബിഎസ്എൻഎൽ ഈ ഓഫർ നൽകുന്നത്. രണ്ട് പ്ലാനുകൾക്കൊപ്പം അധിക വാലിഡിറ്റിയാണ് ഉപയോക്താക്കൾക്ക് ലഭിക്കുന്നത്. 2,399 രൂപയും 2,999 രൂപയും വില വരുന്ന പ്ലാനുകളാണ് ഇവ.

സാധാരണയായി 365 ദിവസത്തെ വാലിഡിറ്റി ലഭിക്കുന്ന പ്ലാനുകളാണ് ഇത്. 90 ദിവസത്തെ അധിക വാലിഡിറ്റിയാണ് ഈ പ്ലാനുകൾക്കൊപ്പം ലഭിക്കുന്ന പ്രത്യേക ഓഫർ. അധിക വാലിഡിറ്റി ലഭിക്കുന്നതോടെ പ്ലാനിന്റെ മൊത്തം വാലിഡിറ്റി 455 ദിവസമാകും. മാർച്ച് 31ന് പ്രത്യേക ഓഫറുകൾ അവസാനിക്കും. അതിന് ശേഷം റീചാർജ് ചെയ്യുന്നവർക്ക് ഈ അധിക വാലിഡിറ്റി ലഭിക്കില്ല എന്നതും ഓർക്കണം.