പഴയ ഇമോജികളെ മറന്നേക്കു, ഈ 5 വഴികളിലായി വാട്ട്സ്ആപ്പിൽ സ്റ്റിക്കറുകൾ നിർമ്മിക്കാം

വാട്ട്സ്ആപ്പ്

സ്റ്റിക്കറുകൾ വാട്ട്സ്ആപ്പിലെ പുതിയ സവിശേഷതയാണ്, ചാറ്റ് ചെയ്യുമ്പോൾ ഇത് ഉപയോഗിക്കാൻ സാധിക്കും. സ്റ്റിക്കറുകൾ ഉപയോഗിക്കുമ്പോൾ അത് കുറച്ചുകൂടി രസമുളവാക്കുകയും നല്ല രീതിയിൽ ചാറ്റ് ചെയ്യാനും സാധിക്കും. 12 സ്റ്റിക്കർ പാക്കറ്റുകളാണ് വാട്ട്സ്ആപ്പിൽ കൊടുത്തിരിക്കുന്നത് കൂടാതെ പുറത്തുനിന്നുമുള്ള സ്റ്റിക്കറുകളും വാട്ട്സ്ആപ്പിൽ ഉപയോഗിക്കാൻ സാധിക്കും.

ഇമോജികൾ

വ്യക്തമായി പറഞ്ഞാൽ, വാട്ട്സ്ആപ്പിൽ കൊടുത്തിരിക്കുന്ന സ്റ്റിക്കർ മാത്രമല്ല മറിച്ച്‌ പ്ലെയ്സ്റ്റോറിൽ നിന്നും സ്റ്റിക്കർ ഡൗൺലൊഡ് ചെയ്യ്ത് ഉപയോഗിക്കാൻ സാധിക്കും. ഇമോജികളെക്കാളും സ്റ്റിക്കറുകളാണ് കൂടുതൽ ഫലവത്തായി തോന്നുന്നതെങ്കിൽ നിങ്ങൾക്ക് നിങ്ങളുടെ ചിത്രമോ, സെൽഫികളോ ഉപയോഗിച്ച്‌ സ്റ്റിക്കർ നിർമ്മിക്കാൻ സാധിക്കും.

സ്റ്റിക്കർ മേക്കർ ഫോർ വാട്ട്സ്ആപ്പ്

ഈ സംവിധാനത്തിനായി നിങ്ങൾ ഒരു ആപ്പ് ഡൌൺലോഡ് ചെയ്യേണ്ടതായി വരും അതുകൊണ്ട് ഫോണിൽ ആവശ്യത്തിന് സ്റ്റോറേജ് സ്പേസ് ഉണ്ടെന്ന് ഉറപ്പുവരുത്തുക. ഒരു സ്റ്റിക്കർ പാക്കിൽ ഏതാണ്ട് മുപ്പതോളം സ്റ്റിക്കറുകൾ ചേർക്കാൻ കഴിയും. ഈ മുപ്പത് സ്റ്റിക്കറുകളും ഒരേ സമയത്തുതന്നെ പാക്കിൽ ചേർക്കാൻ ശ്രമിക്കുക, എന്തുകൊണ്ടെന്നാൽ ഒരിക്കൽ നിങ്ങൾ വാട്ട്സ്ആപ്പിൽ പാക്ക് പബ്ലിഷ് ചെയ്തുകഴിഞ്ഞാൽ പിന്നെ അതിൽ വേറൊന്നും ചേർക്കാൻ കഴിയില്ല.

ക്രീയേറ്റ് എ സ്റ്റിക്കർ പാക്ക്

ഇനി സ്റ്റിക്കറുകൾ എങ്ങനെ ഉണ്ടാക്കാം എന്ന് ഈ 5 ഘട്ടങ്ങളിലായി പഠിക്കാം:

1. പ്ലെയ്സ്റ്റോറിൽ നിന്നും "സ്റ്റിക്കർ മേക്കർ ഫോർ വാട്ട്സ്ആപ്പ്" ഡൗൺലോഡ് ചെയ്യുക.

2. ആപ്പ് തുറന്ന് അതിൽ "ക്രീയേറ്റ് എ സ്റ്റിക്കർ പാക്ക്" എന്ന ഓപ്ഷൻ ക്ലിക്ക് ചെയുക

3. പാക്കിന്റെ പേരും ഉടമയുടെ പേരും ചേർക്കുക.

4. സ്റ്റിക്കർ പാക്ക് ഓപ്പൺ ചെയ്യുക, അതിൽ കാണുന്ന 'ട്രെയ്‌' ഐക്കണിൽ ക്ലിക്ക് ചെയ്യുക. ഗാലറിയിൽ നിന്നും നിങ്ങൾക്ക് ചിത്രങ്ങൾ ചേർക്കാൻ കഴിയും. നിങ്ങൾക്ക് സ്റ്റിക്കറിൽ ചേർക്കാൻ ആവശ്യമായ ഭാഗം നോക്കി മുറിച്ചെടുക്കുക.

5. സ്റ്റിക്കർ സേവ് ചെയ്യുക, ഇത് പോലെ നിങ്ങൾക്ക് 30 ചിത്രങ്ങൾ ഒരു പാക്കിലോട്ട് ചേർക്കാൻ സാധിക്കും. പബ്ലിഷ് ചെയ്യുന്നതിനായി "പബ്ലിഷ് സ്റ്റിക്കർ പാക്ക്" ഓപ്ഷനിലെ പബ്ലിഷ് എന്ന ഓപ്ഷൻ ക്ലിക്ക് ചെയ്യുക. സ്റിക്കർ പാക്കിൽ നിങ്ങളുടെ സ്റ്റിക്കർ സേവ് ചെയ്യപ്പെടും.