ഇവൻ ആള് കൊള്ളാലോ! ജി-മെയിലിലും ഇനി എഐ ഫീച്ചർ

ദൈർഘ്യമേറിയ ഇമെയിലുകൾ വായിക്കുന്ന സമയം ലാഭിക്കാൻ ഉപയോക്താക്കളെ സഹായിക്കുന്നതിന് ജിമെയിൽ ഒടുവിൽ എഐ പവർ സമ്മറികൾ പുറത്തിറക്കുന്നു. ഇമെയിൽ സംഭാഷണങ്ങളുടെ സംക്ഷിപ്‌ത റീക്യാപ്പുകൾ നൽകുന്നതിനാണ് ഈ ഫീച്ചർ രൂപകൽപ്പന ചെയ്‌തിരിക്കുന്നത്. ഇത് ഉപയോക്താക്കൾക്ക് ദൈർഘ്യമേറിയ ത്രെഡുകൾ വായിക്കാതെ തന്നെ അവരുടെ ഇൻബോക്‌സുകളുടെ മുകളിൽ പോപ്പ് അപ്പ് ആയി തുടരുന്നത് കൂടുതൽ എളുപ്പമാക്കുന്നു. ഇത് വെബിലെ ജെമിനി സൈഡ് പാനലിൻ്റെ ഭാഗമായിരുന്നെങ്കിലും ഇപ്പോൾ ആൻഡ്രോയിഡ്, iOS ഫോണിലെ ജി-മെയിലിലേക്ക്, പ്രത്യേകിച്ച് പണമടച്ചുള്ള ഉപഭോക്താക്കൾക്കായി പുറത്തിറക്കുന്നു.

9-to-5 റിപ്പോർട്ടിൽ പങ്കിട്ട ജി-മെയിൽ സവിശേഷതയുടെ സ്ക്രീൻഷോട്ട് അനുസരിച്ച്, ഈ ഫീച്ചറിനുള്ള ബട്ടൺ സിംഗിൾ-ത്രെഡ് ഇമെയിലുകളിൽ ദൃശ്യമാകില്ലെങ്കിലും, ഒരു സംഭാഷണത്തിൽ കുറഞ്ഞത് രണ്ട് പ്രതികരണങ്ങൾ ഉണ്ടാകുമ്പോൾ അത് കാണുവാൻ സാധിക്കുമെന്ന് വെളിപ്പെടുത്തുന്നു. വിപുലമായ ചർച്ചകൾ ചെറുതായി സമ്മറൈസ് ചെയ്യുന്നതിനും പ്രധാന പോയിൻ്റുകൾ നഷ്‌ടപ്പെടുന്നില്ലെന്ന് ഉറപ്പാക്കുന്നതിനും ഇത് പ്രത്യേകിച്ചും ഉപയോഗപ്രദമാക്കുന്നു.

സമ്മറൈസ് ബട്ടൺ ടാപ്പ് ചെയ്ത് കഴിഞ്ഞാൽ, കുറച്ച് നിമിഷങ്ങൾക്കുള്ളിൽ അത് ബുള്ളറ്റ് പോയിൻ്റുകളുടെ രൂപത്തിൽ ഒരു സംഗ്രഹം സൃഷ്ടിക്കുന്നു. സ്‌ക്രീനിൻ്റെ അടിയിൽ നിന്ന് മുകളിലേക്ക് സ്ലൈഡ് ചെയ്യുന്ന ഒരു ഷീറ്റിലാണ് സംഗ്രഹം അവതരിപ്പിച്ചിരിക്കുന്നത്. ഷീറ്റിൻ്റെ ചുവടെ ഫോളോ-അപ്പ് പ്രോംപ്റ്റുകൾ നൽകുന്നതിന് നിലവിൽ ഫീൽഡ് ഇല്ലെങ്കിലും, ഈ കഴിവ് ജിമെയിൽ Q&Aയുടെ വരാനിരിക്കുന്ന സമാരംഭത്തോടെ അവതരിപ്പിക്കപ്പെട്ടേക്കാം.

സമീപകാല സംഗ്രഹങ്ങൾ കാണുന്നതിന് ഉപയോക്താക്കൾക്ക് ഷീറ്റിൽ താഴേക്ക് സ്വൈപ്പ് ചെയ്യാനാകും. കൂടാതെ എളുപ്പത്തിൽ കാണുന്നതിന് മുഴുവൻ സ്‌ക്രീനിലും കാണുന്നതിനായി യൂസർ ഇൻ്റർഫേസ് എക്സ്പാൻഡ് ചെയ്യുവാനും കഴിയും. ഈ ഫീച്ചർ ഇന്നലെ (ജൂലൈ 5) മുതൽ പുറത്തിറങ്ങി. വരും ആഴ്ചകളിൽ ഇത് പൂർണ്ണമായും ലഭ്യമാകും. സംഗ്രഹത്തിന് പുറമേ, ഇമെയിൽ അനുഭവം കൂടുതൽ മെച്ചപ്പെടുത്തിക്കൊണ്ട് ജിമെയിൽ Q&A, കോണ്ടെക്സ്ച്വൽ സ്‌മാർട്ട് മറുപടി എന്നിവ അടുത്ത മാസം അവതരിപ്പിക്കാൻ ഗൂഗിൾ ഒരുങ്ങുന്നു.

അതേ സമയം, ജെമിനി 1.5 പ്രോ നൽകുന്ന പുതിയ സൈഡ് പാനൽ ഫീച്ചറും വെബ് ജിമെയിലിൽ അവതരിപ്പിക്കുന്നു. എഐ പവർ ചെയ്യുന്ന സൈഡ് പാനലിന് ഒരു ഇമെയിൽ ത്രെഡ് സംഗ്രഹിക്കാനും പ്രതികരണങ്ങൾ നിർദ്ദേശിക്കാനും ഇമെയിലുകൾ ഡ്രാഫ്റ്റ് ചെയ്യാനും ഇൻബോക്‌സിൽ നിന്നോ ഗൂഗിൾ ഡ്രൈവ് ഫയലുകളിൽ നിന്നോ ഉള്ള ഇമെയിലുകളിൽ നിന്ന് നിർദ്ദിഷ്ട വിവരങ്ങൾ കണ്ടെത്തുന്നതിന് സഹായിക്കാനും കഴിയും.

മുകളിൽ വലത് കോർണറിൽ ഉള്ള ജെമിനി സ്പാർക്കിൾ ഐക്കൺ ടാപ്പ് ചെയ്‌ത് ഉപയോക്താക്കൾക്ക് ഈ സവിശേഷതകൾ ആക്‌സസ് ചെയ്യാൻ കഴിയും. ഇത് സജീവമായ നിർദ്ദേശങ്ങൾ (proactive prompts) ട്രിഗർ ചെയ്യുന്നു. സൈഡ് പാനലുകൾ ഉപയോഗിച്ച് ഉപയോക്താക്കൾക്ക് ഇനി പറയുന്നവ ചെയ്യാൻ കഴിയും:

ഡോക്‌സ്: സൈഡ് പാനലിലെ ജെമിനി ടൂൾ ആണ് ഡോക്‌സ്. ഇത് കണ്ടന്റ് എഴുതുന്നതിനും പരിഷ്‌കരിക്കുന്നതിനും (refining content), വിവരങ്ങൾ സംഗ്രഹിക്കുന്നതിനും (summarising information), ആശയങ്ങളെ മനസിലാക്കി തരുന്നതിനും (brainstorming ideas), മറ്റ് ഫയലുകളെ അടിസ്ഥാനമാക്കി കണ്ടന്റുകൾ സൃഷ്ടിക്കുന്നതിനും എല്ലാം ഉപയോക്താക്കളെ സഹായിക്കുന്നു.

ജിമെയിൽ: ജെമിനിക്ക് ഇമെയിൽ ത്രെഡുകൾ സംഗ്രഹിക്കാനും (summarise email threads), പ്രതികരണങ്ങൾ നിർദ്ദേശിക്കാനും (suggest responses), ഇമെയിലുകൾ ഡ്രാഫ്റ്റ് ചെയ്യാൻ സഹായിക്കാനും (draft emails), നിങ്ങളുടെ ഇൻബോക്സിലെ ഇമെയിലുകളിൽ നിന്നോ ഗൂഗിൾ ഡ്രൈവ് ഫയലുകളിൽ നിന്നോ നിർദ്ദിഷ്ട വിവരങ്ങൾ കണ്ടെത്താനും കഴിയും.

ഡ്രൈവ് : ഡ്രൈവിൽ, ഒന്നോ അതിലധികമോ ഡോക്യുമെൻ്റുകൾ സംഗ്രഹിക്കാൻ സാധിക്കും. കൂടാതെ, ഒരു പ്രോജക്റ്റിനെ കുറിച്ചുള്ള പെട്ടന്ന് തന്നെ വസ്‌തുതകൾ നൽകാനും നിങ്ങൾ ഒന്നിലധികം ഡോക്യുമെൻ്റുകളിലൂടെ ക്ലിക്ക് ചെയ്യാതെ തന്നെ ഒരു വിഷയത്തിൽ ആഴത്തിലുള്ള ഗവേഷണം നടത്താനും ഈ ടൂളിന് കഴിയും.

സ്ലൈഡുകൾ: ഈ ഫീച്ചറിന് പുതിയ സ്ലൈഡുകൾ സൃഷ്ടിക്കാനും കസ്റ്റമൈസ്ഡ് ചിത്രങ്ങൾ സൃഷ്ടിക്കാനും പ്രെസെന്റേഷൻ സംഗ്രഹിക്കാനും മറ്റും കഴിയും. ഷീറ്റുകൾ: ഷീറ്റ് സൈഡ് പാനൽ ഉപയോഗിച്ച്, ഡാറ്റ ട്രാക്ക് ചെയ്യാനും ഓർഗനൈസ് ചെയ്യാനും ടേബിളുകൾ വേഗത്തിൽ സൃഷ്‌ടിക്കാനും ഫോർമുലകൾ സൃഷ്‌ടിക്കാനും ഷീറ്റിലെ നിർദ്ദിഷ്ട ടാസ്‌ക്കുകൾ ചെയ്യുന്നതിനുള്ള മാർഗ്ഗനിർദ്ദേശം നൽകാനും ഈ ടൂൾ സഹായിക്കുന്നു.

ജെമിനി ബിസിനസ്, എൻ്റർപ്രൈസ് ആഡ്-ഓൺ, ജെമിനി എജ്യുക്കേഷൻ ആൻഡ് എഡ്യൂക്കേഷൻ പ്രീമിയം ആഡ്-ഓൺ, ഗൂഗിൾ വൺ എഐ പ്രീമിയം എന്നിവയുള്ള ഉപയോക്താക്കൾക്ക് സമ്മറൈസ് ഫീച്ചറും ജെമിനി സൈഡ് പാനലും ലഭ്യമാണ്. ഈ റോൾഔട്ട് ഇമെയിൽ മാനേജുമെൻ്റ് കൂടുതൽ കാര്യക്ഷമമാക്കുമെന്നും ഉപയോക്താക്കൾക്ക് കൂടുതൽ നിർണായകമായ ജോലികളിൽ ശ്രദ്ധ കേന്ദ്രീകരിക്കാൻ ഇത്തരത്തിലുള്ള ഫീച്ചർ സഹായിക്കുമെന്നും കമ്പനി പറയുന്നു.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.