വീടിന്റെ സുരക്ഷയ്ക്കായി ഗോദ്‌റേജിന്റെ വീഡിയോ ഡോര്‍ ഫോണ്‍....!

ഗോദ്‌റേജ് അവരുടെ വീഡിയോ ഡോര്‍ ഫോണായ സീത്രൂ 7 വിപണിയിലിറക്കി. ഈ വീഡിയോ ഡോര്‍ ഫോണില്‍ ടിവി ഔട്ട് ഓപ്ഷനും, ഒന്നിലധികം പുറം വാതിലുകള്‍ പിന്തുണയും, സിസിടിവി ക്യാമറകളും, എസ്ഡി കാര്‍ഡ് സ്ലോട്ടും നല്‍കിയിരിക്കുന്നു.

വീട്ടില്‍ ആളില്ലാത്ത അവസരങ്ങളില്‍ സന്ദര്‍ശകര്‍ പുറം വാതിലില്‍ മുട്ടുമ്പോള്‍ വീട്ടിലെ ലാന്‍ഡ് ലൈനിലേക്ക് ആ സന്ദേശം എത്തുകയും വീടിന്റെ ഉടമസ്ഥന്റെ സ്മാര്‍ട്ട്‌ഫോണിലേക്ക് അറിയിപ്പ് എത്തിക്കുകയുമാണ് വീഡിയോ ഡോര്‍ ഫോണ്‍ ചെയ്യുന്നത്.

വീടിന്റെ സുരക്ഷയ്ക്കുളള ക്രിയാത്മകമായ പുതിയ ഡിവൈസുകള്‍ വിപണിയിലെത്തിക്കുകയാണ് സീത്രൂ 7 പോലുളള ലോഞ്ചുകളിലൂടെ ലക്ഷ്യമിടുന്നതെന്ന് ഗോദ്‌റേജ് സെക്യൂരിറ്റി സൊലൂഷന്‍സ് മാര്‍ക്കറ്റിംഗ് ഹെഡ് മെഹര്‍നോഷ് ബി പിത്താവാലാ പറഞ്ഞു. വീടിന്റെ സുരക്ഷ ഉറപ്പാക്കുക മാത്രമല്ല, ഉപയോക്താവ് വീട്ടിലില്ലാത്തപ്പോള്‍ അധിക സവിശേഷതകള്‍ കൂടി സീത്രൂ നല്‍കുന്നുണ്ടെന്നും മെഹര്‍നോഷ് പറഞ്ഞു.

18,999 രൂപയ്ക്കാണ് ഇത് വിപണിയില്‍ എത്തിച്ചിരിക്കുന്നത്.