പി​​ച്ചൈ പച്ചത്തമിഴൻ ഡാ! ​ചെ​ന്നൈയുടെ വിജയത്തിൽ ആവേശംകൊണ്ട് ​ഗൂഗിൾ സിഇഒയും

ഇന്ത്യൻ പ്രീമിയർ ലീഗ് ക്രിക്കറ്റ് ​ഫൈനലിലെ ആവേശകരമായ മത്സരത്തിൽ ഗുജറാത്ത് ടൈറ്റൻസിനെ തകർത്ത ചെന്നൈ സൂപ്പർകിങ്സ് അ‌ഞ്ചാം തവണയും ഐപിഎൽ കിരീടത്തിൽ മുത്തമിട്ടിരിക്കുകയാണ്. ​ഇന്ത്യൻ ക്രിക്കറ്റ് ടീമിനെ ഒരുപാട് നേട്ടങ്ങളിലേക്ക് നയിച്ച എംഎസ് ധോണിയെന്ന ഇതിഹാസം ക്യാപ്റ്റനായുള്ള ചെ​ന്നൈ നിരവധി ഇന്ത്യക്കാരുടെ പ്രിയപ്പെട്ട ഐപിഎൽ ടീമാണ്.

തമിഴ്നാടിന് പുറത്തുള്ളവരെയും ചെ​ന്നൈ ആരാധകരാക്കിമാറ്റിയത് ധോണി എന്ന ഇതിഹാസത്തിന്റെ സാന്നിധ്യമാണ്. തമിഴ്നാട്ടുകാർക്ക് സ്വാഭാവികമായും അ‌വരുടെ ടീം ആണ് ഏറ്റവും വലുത്. എങ്കിലും ധോണി എന്ന 'തല'യ്ക്ക് അ‌വർ ടീമിനോളം സ്നേഹവും പ്രാധാന്യവും നൽകുന്നു. ധോണിക്കും ചെ​ന്നൈ ടീം പ്രിയപ്പെട്ടതുതന്നെ. ​വൈകാരികമായ ഒരു അ‌ടുപ്പം തന്നെ ചെ​ന്നൈയും ധോണിയും തമ്മിലുണ്ട്.

ഇന്ത്യ മുഴുവൻ തങ്ങളുടെ ടീമിനെ ഉറ്റുനോക്കാൻ ഒരു കാരണം ​ധോണിയെന്ന ക്യാപ്റ്റന്റെ സാന്നിധ്യമാണ് എന്ന് ​തമിഴ്നാട്ടുകാർക്കും അ‌റിയാം. ധോണിക്ക് കീഴിൽ ചെ​ന്നൈ അ‌ഞ്ചാമതും കപ്പ് നേടിയതിൽ മതിമറന്ന് ആഹ്ലാദിക്കുകയാണ് ചെ​ന്നൈ ഫാൻസ്. ലോകമെമ്പാടുമുളള ലക്ഷക്കണക്കിന് ആരാധകർ ചെ​ന്നൈയ്ക്കായി 'വിസിലടിച്ചു'. അ‌തിലൊരു 'പെരിയ വിസിൽ' ഗൂഗിൾ സിഇഒ സുന്ദർ പി​ച്ചൈയുടേത് ആയിരുന്നു.

സിഎസ്കെയുടെ കടുത്ത ആരാധകരിൽ ഒരാളാണ് പി​ച്ചൈ. ചെ​ന്നൈയിൽ വളർന്ന പി​ച്ചൈയ്ക്ക് സിഎസ്കെ പ്രിയപ്പെട്ട ടീം ആയില്ലെങ്കിലേ അ‌ദ്ഭുതമുള്ളൂ. ഗൂഗിൾ സിഇഒ എന്ന ലോകം ഉറ്റുനോക്കുന്ന പദവിയിൽ ഇരിക്കുമ്പോഴും പി​ച്ചൈയുടെ ഉള്ളിലെ വ്യക്തി ഒരു പച്ചത്തമിഴൻ ആണ്. തമിഴ്നാടിനോടും ഇന്ത്യയോടുമുള്ള സ്നേഹം അ‌ദ്ദേഹം പലതവണ പങ്ക് വച്ചിട്ടുമുണ്ട്.

ഇപ്പോൾ ചെ​ന്നൈയുടെ വിജയം മറ്റ് ചെ​ന്നൈ ആരാധകരെപ്പോലെ പി​ച്ചൈയെയും ആഹ്ലാദവാനാക്കിയിരിക്കുകയാണ്. ചെ​ന്നൈയെ അ‌ഭിനന്ദിച്ചുകൊണ്ട് മത്സരം മികച്ചതായിരുന്നു എന്ന് പി​ച്ചൈ ട്വീറ്റ് ചെയ്തു. അ‌ടുത്തതവണ കൂടുതൽ നല്ല പ്രകടനം കാഴ്ചവയ്ക്കാൻ ജിടിയ്ക്ക് ( ഗുജറാത്ത് ​ടൈറ്റൻസ് ) കഴിയട്ടെയെന്നും പി​ച്ചൈ ട്വീറ്റിലൂടെ ആശംസിച്ചു.

മഴ പലപ്പോഴും വില്ലനായി കളിച്ച മത്സരത്തിൽ അ‌വസാന രണ്ട് പന്തിൽ ജയിക്കാനായി 10 റ​ൺസ് ആണ് ചെ​ന്നൈക്ക് വേണ്ടിയിരുന്നത്. സമ്മർദ്ദത്തിന്റെ കനം തിങ്ങിനിറഞ്ഞ ക്രീസിൽ ശിവം ദുബെയും രവീന്ദ്ര ജഡേജയും ആണ് ചെ​ന്നൈയ്ക്കായി ഉണ്ടായിരുന്നത്. അഞ്ചാം പന്തിൽ മോഹിത് ശർമയെ ലോങ് ഓണിൽ സിക്സർ പറത്തി ജഡേജ ചെന്നൈ ആരാധകരെ ആവേശത്തിലാക്കി.

അ‌തോടെ എല്ലാ കണ്ണുകളും അ‌വസാന പന്തിലേക്കായി. ചെ​ന്നൈയ്ക്ക് ജയിക്കാൻ വേണ്ടത് ഒരു പന്തിൽ നാല് റൺസ് വേണമെന്നിരിക്കെ, മോഹിത് ശർമയെറിഞ്ഞ പന്ത് അ‌തിർത്തികടത്തി ജഡേജ സിഎസ്കെയ്ക്ക് അ‌ഞ്ചാം കിരീടത്തിലേക്ക് വഴിയൊരുക്കി ഹീറോയായി. അ‌വസാന പന്തുവരെ ആവേശം നിറഞ്ഞുനിന്ന മത്സരം പി​ച്ചൈയെയും ആവേശം കൊള്ളിച്ചു. പ്രിയപ്പെട്ട ടീം വിജയിക്കുകകൂടി ചെയ്തതോടെ പി​ച്ചൈയും ഹാപ്പി!

ചെ​ന്നൈയോട് സുന്ദർ പി​ച്ചൈയ്ക്കുള്ള സ്നേഹം പലതവണ വ്യക്തമായിട്ടുള്ള കാര്യമാണ്. എന്നാൽ പി​ച്ചൈയിൽ ഒരു ക്രിക്കറ്റ് പ്രേമി ഉണ്ടെന്നത് അ‌ധികമാർക്കും അ‌റിയാത്ത കാര്യമാണ്. ഒരു ഘട്ടത്തിൽ, ക്രിക്കറ്റ് ഒരു കരിയർ ഓപ്ഷനായി താൻ പരിഗണിച്ചിരുന്നുവെന്ന് സുന്ദർ പി​ച്ചൈ നേരത്തെ വ്യക്തമാക്കിയിട്ടുണ്ട്. എന്നാലിപ്പോൾ അ‌മേരിക്കയിൽ ആയതിനാൽ കൂടുതലായും ഫുട്ബോളാണ് കാണുന്നതെന്നും പി​ച്ചൈ വെളിപ്പെടുത്തിയിരുന്നു.

1972 ജൂലൈ 12-നു തമിഴ്നാട്ടിലെ മധുരയിൽ രഗുനാഥ പിച്ചൈയുടെയും ലക്ഷ്മിയുടെയും മകനായാണ് സുന്ദർ പി​ച്ചൈ ജനിച്ചത്. കുട്ടിക്കാലവും വിദ്യാഭ്യാസവുമൊക്കെയായി സുന്ദർ പി​ച്ചൈ വളർന്നത് ചെ​ന്നൈയിലായിരുന്നു. ജവഹർ വിദ്യാലയ സീനിയർ സെക്കൻഡറി സ്‌കൂളിലും വനവാണി സ്‌കൂളിലുമായിട്ടായിരുന്നു പഠനം. തുടർന്ന് ഖരഗ്പൂർ ഐഐടിയിൽ ചേരുകയായിരുന്നു. പിന്നീട് ഗൂഗിളിന്റെ ഏറ്റവും ഉന്നതപദവിയിലെത്തിയ പി​ച്ചൈ ഇപ്പോൾ അ‌മേരിക്കൻ പൗരനാണ്.