ബഹിരാകാശ യാത്രിക സാലി റിഡിന് ഗൂഗിള്‍ ഡൂഡില്‍ ആദരം...!

അമേരിക്കയുടെ ആദ്യ വനിതാ ബഹിരാകാശ യാത്രിക സാലി റിഡിന് ആദരമര്‍പ്പിച്ച് ഗൂഗിള്‍ ഡൂഡില്‍. 1951-ന് ജനിച്ച സാലി 1977-ല്‍ സ്റ്റാന്‍ഫോര്‍ഡ് യൂണിവേഴ്‌സിറ്റിയില്‍ നിന്നും ഫിസിക്‌സില്‍ പിഎച്ച്ഡി എടുത്തത്.

ഈ സമയത്താണ് നാസാ ബഹിരാകാശ യാത്രക്കാരെ തിരഞ്ഞെടുക്കാന്‍ തുടങ്ങിയത്.

ഈ തിരഞ്ഞെടുപ്പില്‍ സാലിയും പങ്കെടുക്കുകയായിരുന്നു. ജൂണ്‍18, 1983-ല്‍ ചലഞ്ചര്‍ സ്‌പേസ് ഷട്ടിലില്‍ ബഹിരാകാശത്ത് എത്തിയ ആദ്യ അമേരിക്കന്‍ വനിതയായി ഇവര്‍ മാറുകയായിരുന്നു.

2012 ജൂലൈ 13-ന് പാന്‍ഗ്രിയറ്റിക് ക്യാന്‍സര്‍ വന്ന് സാലി ഇഹ ലോകവാസം വെടിയുകയായിരുന്നു. നാറ്റ് സ്വിന്‍ഹെര്‍ടാണ് സാലിയുടെ ഓര്‍മ്മകള്‍ അയവിറക്കുന്ന 5 ഡൂഡിലുകള്‍ തീര്‍ത്തത്.