ടുടന്‍ഖാമുന്റെ ശവകുടീരത്തിലെത്തിയ ഹൊവാര്‍ഡിന് ഗൂഗിള്‍ അഭിവാദ്യം!

ചരിത്രം പഠിച്ചവര്‍ കേട്ടിട്ടുണ്ടാകും ഈജിപ്തിലെ മമ്മികളെ കുറിച്ചും ടുടന്‍ഖാമുന്‍ ശവകുടീരത്തെക്കുറിച്ചുമെല്ലാം. ഫറവോ ആയിരുന്ന ബാലനായ ടുടന്‍ഖാമുന്റെ ശവകുടീരം കണ്ടെത്തിയ ബ്രിട്ടീഷ് പുരാവസ്തുഗവേഷകനായ ഹൊവാര്‍ഡ് കാര്‍ട്ടറിന്റെ 138മത്തെ പിറന്നാള്‍ ദിനത്തില്‍ ഈ ഓര്‍മ്മയാണ് ഗൂഗിള്‍ ഡൂഡില്‍ പങ്കുവെക്കുന്നത്.

കൗമാരത്തിലേ മരണമടഞ്ഞ ടുടന്‍ഖാമുന്റെ ജീവിതം 3300 വര്‍ഷത്തോളം വെളിച്ചത്തുവന്നിരുന്നില്ല. പിന്നീട് അതിന് കാരണമായതോ 1922ല്‍ ഹൊവാര്‍ഡും ജോര്‍ജ്ജ് ഹെര്‍ബര്‍ട്ടും ചേര്‍ന്ന് കണ്ടെത്തിയ ശവകുടീരമായിരുന്നു.

1874 മെയ് 9ന് ലണ്ടനിലാണ് ഹൊവാര്‍ഡ് കാര്‍ട്ടര്‍ ജനിച്ചത്. കാര്‍ട്ടറിന്റെ സാഹസിക ജീവിതത്തെക്കുറിച്ച് ധാരാളം സിനിമകള്‍ ഇറങ്ങിയിട്ടുണ്ട്. 1939 മാര്‍ച്ച് 2ന് തന്റെ 64മത്തെ വയസ്സില്‍ ലണ്ടനില്‍ വെച്ച് കാര്‍ട്ടര്‍ അന്തരിച്ചു. കാന്‍സറായിരുന്നു മരണകാരണം.