TRENDING ON ONEINDIA
-
ബിജെപിയില് പൊട്ടിത്തെറി; പി കൃഷ്ണദാസിന് സസ്പെന്ഷന്; യുവമോര്ച്ച ജില്ല പ്രസിഡന്റ് രാജിവെച്ചു -
ഭാവന നവീന്റേതായിട്ട് ഒരുവര്ഷം! വിവാഹ വാര്ഷിക ദിനത്തില് താരം പറഞ്ഞത് എന്താണെന്നറിയുമോ? കാണൂ -
ഇന്ത്യയുടെ പ്രധാന തലവേദന ധോണി!! ഇനി പന്തിന്റെ ഭാവി? തുറന്നടിച്ച് ഓസീസ് ഇതിഹാസം... -
പ്രമേഹം ഭേദമാക്കും രണ്ടാഴ്ച്ച വൈറ്റില പ്രയോഗം -
സ്മാര്ട്ട്ഫോണ് ഉപയോഗിച്ച് മികച്ച രാത്രി ചിത്രങ്ങളെടുക്കാൻ -
ഡിസി ഡിസൈന് പുറത്തിറക്കിയ പത്തു ഹാച്ച്ബാക്കുകള്
ഗൂഗിളിന്റെ സ്വയം ഓടുന്ന കാറിന് നെവാഡയിലെ വാഹനലൈസന്‍സ് ലഭിച്ചു. ലൈസന്‍സ് ലഭിച്ചതിനാല്‍ ഏറെ താമസിയാതെ നെവാഡ നിരത്തുകളില്‍ ഈ കാര്‍ ഓട്ടം ആരംഭിക്കുമെന്നാണ് കരുതുന്നത്. ഗൂഗിള്‍ കാറില്‍ മോട്ടോര്‍ വാഹനവകുപ്പിലെ ഉദ്യോഗസ്ഥര്‍ ഹൈവേയിലൂടെ പരീക്ഷണ ഓട്ടം നടത്തിയ ശേഷമാണ് ലൈസന്‍സ് നല്‍കിയത്. ഡ്രൈവറില്ലാത്ത കാറുകള്‍ക്ക് നെവാഡയില്‍ അംഗീകാരം ലഭിച്ചത് കഴിഞ്ഞ വര്‍ഷമാണ്. ഇത്തരത്തില്‍ ഇറങ്ങുന്ന ആദ്യകാറാണ് ഗൂഗിളിന്റേതെന്ന പ്രത്യേകതയും കൂടിയുണ്ട്.
സ്വയം ഓടുന്ന കാറുകള്‍ക്കായി നെവാഡ സര്‍ക്കാര്‍ നിയമം പാസാക്കുകയായിരുന്നു. യുഎസിലെ ഇത്തരത്തിലുള്ള ആദ്യനിയമമാണിത്. ഇക്കഴിഞ്ഞ മാര്‍ച്ച് 1നാണ് നിയമം പ്രാബല്യത്തില്‍ വന്നത്. വീഡിയോ ക്യാമറകള്‍, റഡാര്‍ സെന്‍സറുകള്‍, ലേസര്‍ എന്നിവയുടെ സഹായത്തോടെയാണ് ഗൂഗിള്‍ കാര്‍ ഓടുക. കൂടാതെ സാധാരണ കാറുകളില്‍ നിന്ന് ലഭിക്കുന്ന യാത്രാനുബന്ധ വിവരങ്ങളും ഡ്രൈവറില്ലാത്ത ഈ കാറിന്റെ യാത്രയ്ക്ക് സഹായകമാകുന്നു.
ടൊയോട്ട പ്രയസ് മോഡല്‍ കാറിലാണ് ഗൂഗിള്‍ ഡ്രൈവറില്ലാ സാങ്കേതികത പ്രയോഗിച്ചത്. ഗൂഗിള്‍ വൈസ് പ്രസിഡന്റും സ്റ്റാന്‍ഡ്‌ഫോര്‍ഡ് പ്രൊഫസറുമായ സെബാസ്റ്റ്യന്‍ ത്രണാണ് ഇതിന് പിന്നില്‍ പ്രവര്‍ത്തിച്ചത്. ഗൂഗിളിനെ കൂടാതെ ചില കാര്‍ കമ്പനികളും ഇത്തരത്തില്‍ ലൈസന്‍സ് സ്വന്തമാക്കാനുള്ള ശ്രമത്തിലാണെന്ന് നെവാഡ വാഹനവകുപ്പ് അറിയിച്ചു.
മനുഷ്യന്റെ തെറ്റുകൊണ്ടാണ് പല റോഡപകടങ്ങളും സംഭവിക്കുന്നത്. സെന്‍സറുകളുടേയും മറ്റും പിന്‍ബലത്തോടെ പ്രവര്‍ത്തിക്കുന്ന ഓട്ടോമാറ്റിക്ക് കാറുകള്‍ക്ക് ഇത്തരം അപകടങ്ങള്‍ ഇല്ലാതാക്കാനാകുമെന്നും വകുപ്പ് പ്രത്യാശ പ്രകടിപ്പിച്ചു. നമ്മുടെ നാട്ടില്‍ ഡ്രൈവറില്ലാ കാറിനേക്കാളും ഒരു ഡ്രൈവറില്ലാ ഓട്ടോയാണ് ആവശ്യം. ചാര്‍ജ്ജിന്റെ പേരും പറഞ്ഞ് വഴക്കിടേണ്ടി വരില്ലല്ലോ...
