ഗൂഗിള്‍ ഗ്ലാസ് യു.എസില്‍ വില്‍പന തുടങ്ങി; വില 1500 ഡോളര്‍!!!

Posted By:

ഒടുവില്‍ ഗൂഗിള്‍ ഗ്ലാസ് ഔദ്യോഗികമായി പുറത്തിറങ്ങി. യു.എസിലാണ് നിലവില്‍ ലോഞ്ച് ചെയ്തിരിക്കുന്നത്. 1500 ഡോളര്‍ (ഏകദേശം 89175 രൂപ) ആണ് വില. ഈ വര്‍ഷം ആദ്യം ഒറ്റ ദിവസത്തേക്കു മാത്രമായി ഗൂഗിള്‍ ഗ്ലാസ് യു.എസില്‍ വില്‍പന നടത്തിയിരുന്നു. നേരത്തെ ബുക് ചെയ്യുന്നവര്‍ക്കു മാത്രമായിരുന്നു അന്ന് നല്‍കിയിരുന്നത്. എന്നാല്‍ ഇപ്പോള്‍ സ്‌റ്റോക് തീരുന്നതുവരെ ഏത് ഉപഭോക്താവിനും ഗ്ലാസ് വാങ്ങാന്‍ സാധിക്കും.

ഗൂഗിള്‍ ഗ്ലാസ് യു.എസില്‍ വില്‍പന തുടങ്ങി; വില 1500 ഡോളര്‍!!!

ഗൂഗിള്‍ ഗ്ലാസിന്റെ അടിസ്ഥാന വേര്‍ഷനാണ് ഇപ്പോള്‍ വില്‍ക്കുന്നത്. കൂടുതല്‍ വികസിപ്പിച്ച കണ്‍സ്യൂമര്‍ വേര്‍ഷന്‍ ഈ വര്‍ഷം അവസാനത്തോടെ വിപണിയിലെത്തുമെന്ന് കമ്പനി അറിയിച്ചു.

ചെറിയ സ്‌ക്രീനോടു കൂടിയ ഗ്ലാസ് ഫ്രേമാണ് യദാര്‍ഥത്തില്‍ ഗൂഗിള്‍ ഗ്ലാസ്. വീഡിയോ റെക്കോഡ് ചെയ്യുക, ഫോട്ടോ എടുക്കുക, ഇ മെയില്‍ പരിശോധിക്കുക, ബ്രൗസിംഗ് എന്നിവയെല്ലാം ഇതിലൂടെ സാധിക്കും. സ്മാര്‍ട്‌ഫോണുമായി വയര്‍ലെസ് ആയി കണക്റ്റ് ചെയ്യാനും സാധിക്കും. കുടാതെ ഗൂഗിള്‍ നൗവിന്റെ സഹായത്തോടെ ശബ്ദം കൊണ്ടും ഗ്ലാസ് നിയന്ത്രിക്കാം.

<center><iframe width="100%" height="360" src="//www.youtube.com/embed/4EvNxWhskf8?feature=player_embedded" frameborder="0" allowfullscreen></iframe></center>

ബ്ലുടൂത്ത്, വൈ-ഫൈ, ജി.പി.എസ്, സ്പീക്കര്‍, ക്യാമറ, മൈക്രോഫോണ്‍ എന്നിവയെല്ലാം ഇന്‍ബില്‍റ്റായി ഗൂഗിള്‍ ഗ്ലാസില്‍ ഉണ്ട്. നേരത്തെ ഇന്ത്യയുള്‍പ്പെടെ വിവിധ രാജ്യങ്ങളില്‍ പരീക്ഷണാടിസ്ഥാനത്തില്‍ തെരഞ്ഞെടുത്ത വ്യക്തികള്‍ക്കും സ്ഥാപനങ്ങള്‍ക്കും ഗ്ലാസ് നല്‍കിയിരുന്നു.

Please Wait while comments are loading...

Social Counting