ചെറുതാണെങ്കിലും എന്തൊക്കെ ഫീച്ചറുകൾ ആണ്! പിക്സൽ വാച്ച് 3യും പിക്സൽ ബഡ്സ് പ്രോ 2യും ഇന്ത്യയിൽ ലോഞ്ച് ചെയ്തു

ഗൂഗിൾ പിക്സൽ വാച്ച് 3, പിക്സൽ ബഡ്സ് പ്രോ 2 എന്നിവ ഇന്ത്യയിൽ അവതരിപ്പിച്ചു. ഇതാദ്യമായാണ് ടെക് ഭീമൻ തങ്ങളുടെ സ്മാർട്ട് വാച്ച് ഇന്ത്യയിൽ അവതരിപ്പിക്കുന്നത്. രൂപകൽപ്പന മുതൽ വില വരെ ഉള്ള ഗൂഗിളിൻ്റെ ഏറ്റവും പുതിയ ഉൽപ്പന്നങ്ങളെ കുറിച്ച് നിങ്ങൾ അറിയേണ്ടതെല്ലാം ഇവിടെയുണ്ട്. ആദ്യം പിക്സൽ വാച്ച് 3യെ പരിചയപ്പെടുത്താം. പുതുതായി ലോഞ്ച് ചെയ്ത പിക്സൽ വാച്ച് 3 രണ്ട് വലുപ്പങ്ങളിൽ വരുന്നു - 41 എംഎം, 45 എംഎം. ആക്ച്വ ഡിസ്പ്ലേ ആണ് ഇതിൽ നൽകിയിരിക്കുന്നത്.

ഇത് എല്ലായ്പ്പോഴും ഓൺ ഡിസ്പ്ലേ പ്രവർത്തനക്ഷമമാക്കി ഒരു ദിവസം മുഴുവൻ നീണ്ടുനിൽക്കുമെന്ന് കമ്പനി അവകാശപ്പെടുന്നു. ടെക് ഭീമൻ ഡിസൈനിൽ ചില മെച്ചപ്പെടുത്തലുകൾ കൊണ്ടുവന്നിട്ടുണ്ട്. പിക്സൽ വാച്ച് 3ക്ക് ഇപ്പോൾ 16 ശതമാനം ചെറിയ ബെസലുകളും യഥാക്രമം 41 എംഎം, 45 എംഎം വേരിയൻ്റുകളിൽ 10 ശതമാനം, 40 ശതമാനം വലിയ സ്ക്രീനുകളും ഉണ്ട്. ഇത് ഗൂഗിളിൻ്റെ പുതിയ Actua ഡിസ്‌പ്ലേയിൽ പായ്ക്ക് ചെയ്യുന്നു.

അത് 60Hz ൻ്റെ റിഫ്രഷ് റേറ്റും 2,000 nits വരെ ബ്രൈറ്റ്നസ്സും വാഗ്ദാനം ചെയ്യുന്നു. കൂടാതെ 1 nits വരെ ലോ ബ്രൈറ്റ്നസ്സും ഉണ്ട്. ഉറക്കത്തിൻ്റെ ഗുണനിലവാരം, റെഡിനെസ്സ് സ്‌കോർ, വീക്കിലി ഗോൾ പ്രോഗ്രസ്സ്, ഹാർട്ട് റേറ്റ് വ്യതിയാനം എന്നിവ പോലുള്ള അവരുടെ ഏറ്റവും പ്രധാനപ്പെട്ട ആരോഗ്യ, ഫിറ്റ്‌നസ് മെട്രിക്‌സിൻ്റെ സംഗ്രഹം ധരിക്കുന്നയാളെ കാണിക്കുന്ന 'മോർണിംഗ് ബ്രീഫ്' എന്ന പുതിയ ഫീച്ചറും നിങ്ങൾക്ക് ലഭിക്കും.

പിക്സൽ വാച്ച് 3 പുതിയതും മെച്ചപ്പെട്ടതുമായ ഫിറ്റ്നസ് ട്രാക്കിംഗ് ഫീച്ചറുകളുമായി ആണ് വരുന്നത്. അത് നിങ്ങളുടെ റണ്ണിംഗ് റൊട്ടിൻ പ്ലാൻ ചെയ്യാനും നടപ്പിലാക്കാനും പ്രോഗ്രസ്സ് ചെയ്യാനും നിങ്ങളെ സഹായിക്കുന്നതിന് രൂപകൽപ്പന ചെയ്തിട്ടുള്ളത് ആണ് എന്ന് ഗൂഗിൾ മെയിഡ് ബൈ ഗൂഗിൾ ഇവന്റിൽ വ്യക്തമാക്കി.

പുതിയ വാച്ച് അഡ്വാൻസ്ഡ് മോഷൻ സെൻസിംഗും മെഷീൻ ലേണിംഗും ഉപയോഗിച്ച് നിങ്ങളുടെ സ്‌ട്രൈഡ് ലെങ്ത്ത്, കാഡൻസ്, നിങ്ങളുടെ റൺ പെർഫോമൻസ് മെച്ചപ്പെടുത്തുന്നതിന് ഉപയോഗപ്രദമാകുന്ന കൂടുതൽ പാരാമീറ്ററുകൾ എന്നിവയുടെ വിശദമായ വ്യൂ നൽകുന്നു. ആറ് മാസത്തെ സൗജന്യ ഫിറ്റ്ബിറ്റ് പ്രീമിയവുമായി ആണ് പിക്സൽ വാച്ച് 3 വരുന്നുത്. 41 എംഎം, 45 എംഎം വേരിയൻ്റുകൾക്ക് 39,900 രൂപയും 43,900 രൂപയുമാണ് വില.

മെയിഡ് ബൈ ഗൂഗിൾ ഇവന്റിൽ ലോഞ്ച് ചെയ്ത മറ്റൊരു ഡിവൈസ് ആണ് പിക്സൽ ബഡ്സ് പ്രോ 2. പിക്സൽ ബഡ്സ് പ്രോ 2 പുതിയ ടെൻസർ A1 ചിപ്പിനൊപ്പം ആണ് വരുന്നത്. ഇത് പ്രകടനവും ബാറ്ററി ലൈഫും വർദ്ധിപ്പിക്കുന്നുണ്ടെങ്കിലും ഈ വയർലെസ് ഇയർബഡുകൾ ഭാരം കുറഞ്ഞതാണ്. പുതിയ ഇയർബഡുകൾക്ക് 11 എംഎം ഡ്രൈവറുകളും പുതിയ സ്മൂത്ത് ട്രെബിളിനായി ഹൈ ഫ്രീക്വൻസി ചേമ്പറും ഉണ്ട്.

സൈലൻ്റ് സീൽ 2.0 ഉപയോഗിച്ചുള്ള ആക്റ്റീവ് നോയ്‌സ് ക്യാൻസലേഷൻ ഗൂഗിൾ അവതരിപ്പിച്ചു. ഹൈ ഫ്രീക്വെന്സി ഉൾപ്പെടെ മുമ്പത്തേതിനേക്കാൾ ഇരട്ടി നോയിസ് ക്യാൻസലേഷൻ വാഗ്ദാനം ചെയ്ത് നിങ്ങളുടെ ചുറ്റുപാടുമായി പൊരുത്തപ്പെടുന്ന ഒരു പുതിയ സാങ്കേതികവിദ്യ ആണ് സൈലൻ്റ് സീൽ 2.0. കൂടാതെ ഈ വയർലെസ് ഇയർബഡുകൾക്ക് കോൺവെർസേഷൻ ഡിറ്റക്ഷൻ ഉണ്ട്.

അതായത് ആരെങ്കിലും നിങ്ങളുമായി സംഭാഷണം ആരംഭിക്കുമ്പോൾ നിങ്ങൾ കേട്ടുകൊണ്ടിരിക്കുന്ന പാട്ട് താൽക്കാലികമായി നിർത്താനും പോസ് മോഡിലേക്ക് മാറാനും എഐ ഉപയോഗിക്കുന്ന ഒരു പുതിയ സവിശേഷത ആണിത്. കൂടാതെ, അവസാനിക്കുമ്പോൾ, ഉപയോക്താവ് യാതൊന്നും ചെയ്യാതെ തന്നെ ഇയർബഡുകൾ സ്വയമേവ ANC മോഡിലേക്ക് മാറും.

ആപ്പിൾ എയര്പോട്സിന് സമാനമായി, പിക്സൽ ബഡ്സ് പ്രോ 2 അടുത്തിടെ അപ്‌ഡേറ്റ് ചെയ്‌ത Find My Device നെറ്റ്‌വർക്കിനെ പിന്തുണയ്‌ക്കുന്നു. അതായത് നിങ്ങളുടെ ഇയർബഡുകൾ നഷ്‌ടപ്പെടുകയോ മോഷ്‌ടിക്കപ്പെടുകയോ ചെയ്‌താൽ, മാപ്പിൽ അവ കൃത്യമായി കണ്ടെത്താനാകും. പുതിയ വയർലെസ് ഇയർബഡുകൾ ഒറ്റ ചാർജിൽ 8 മണിക്കൂർ വരെയും കെയ്‌സിനൊപ്പം 30 മണിക്കൂർ വരെയും നിലനിൽക്കും. 22,900 രൂപയ്ക്ക് നിങ്ങൾക്ക് പിക്സൽ ബഡ്സ് പ്രോ 2 വാങ്ങാം.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.