ഗൂഗിൾ ജീവനക്കാർക്ക് 75,000 രൂപ വീതം നൽകും, ജൂലൈ 6 മുതൽ ഓഫീസുകൾ പ്രവർത്തിക്കും

അതേസമയം ജൂലൈ 6 മുതൽ തങ്ങളുടെ ആകെ ശേഷിയുടെ 10% ഓഫീസുകൾ തുറന്നു പ്രവർത്തിക്കും എന്ന് ആൽഫബെറ്റ് ഇങ്കിൻെ നേതൃത്വത്തിലുള്ള കമ്പനി അറിയിച്ചു. സെപ്റ്റംബർ ആകുമ്പോഴേക്കും എല്ലാ സാഹചര്യങ്ങളും അനുകൂലമാണെകിൽ ഇത് ആകെ ശേഷിയുടെ 30% ആയി ഉയർത്തുമെന്നും കമ്പനി വ്യക്‌തമാക്കി. കലണ്ടര്‍ വര്‍ഷത്തില്‍ ചുരുക്കം ജീവനക്കാര്‍ മാത്രമായിരിക്കും ഓഫീസിലെത്തി പ്രവര്‍ത്തിക്കുകയെന്നും അദ്ദേഹം വ്യക്തമാക്കി. വര്‍ഷവസാനമാകുന്നതോടെ എല്ലാ ജീവനക്കാര്‍ക്കും ഓഫീസിലേയ്ക്ക് തിരിച്ചെത്താന്‍ കഴിയുമെന്നാണ് കമ്പനിയുടെ പ്രതീക്ഷ.

"ഈ വർഷം മുഴുവൻ ഭൂരിഭാഗം ഗൂഗിളർമാരും വീട്ടിൽ നിന്ന് തന്നെ പ്രവർത്തിക്കുമെന്ന് ഞങ്ങൾ ഇപ്പോഴും പ്രതീക്ഷിക്കുന്നതിനാൽ, ആവശ്യമായ ഉപകരണങ്ങളും ഓഫീസ് ഫർണിച്ചറുകളും വാങ്ങുന്നത് സംബന്ധിച്ചുള്ള ചിലവുകൾക്കായി ഞങ്ങൾ ഓരോ ഗൂഗ്ലറിനും 1,000 ഡോളർ അല്ലെങ്കിൽ നിങ്ങളുടെ രാജ്യത്തിന് തുല്യമായ മൂല്യം നൽകും." പിച്ചായ് പ്രഖ്യാപിച്ചു. കംപ്യൂട്ടര്‍, ലാപ്ടോപ്പ്, കമ്പ്യൂട്ടര്‍ ടേബിള്‍ പോലുള്ള ഫര്‍ണിച്ചറുകള്‍ അല്ലെങ്കില്‍ വീട്ടില്‍ നിന്ന് ജോലി ചെയ്യുമ്പോള്‍ സഹായകമാവുന്ന ഡിവൈസുകൾ എന്നിവയെല്ലാം വാങ്ങുന്നതിനാണ് 1000 ഡോളര്‍ അഥവാ ഏകദേശം 75,000 രൂപയുടെ ഈ അലവൻസ് കമ്പനി നൽകുന്നത്.

ചില ഗൂഗിൾ ജീവനക്കാർ ഓഫീസിലേക്ക് മടങ്ങാൻ താൽപര്യം പ്രകടിപ്പിക്കുമ്പോൾ, മറ്റുള്ള ജോലിക്കാർക്ക് വീട്ടിൽ നിന്ന് ജോലിചെയ്യുമ്പോൾ കുടുംബവുമായി കൂടുതൽ അടുക്കാൻ സാധ്യതയുള്ള മറ്റൊരു സ്ഥലത്തേക്ക് താൽക്കാലികമായി സ്ഥലം മാറ്റുന്നത്തിനോട് യോജിപ്പുണ്ടോ എന്ന് ചോദിച്ചു. ഈ സാഹചര്യത്തിൽ, നിങ്ങളുടെ നികുതി ഫയലിംഗ്, ആരോഗ്യ പരിരക്ഷ / യോഗ്യത എന്നിവ പോലുള്ള നിരവധി വ്യക്തിഗത ഘടകങ്ങളെക്കുറിച്ചുള്ള പ്രധാന വിവരങ്ങൾ ഉൾക്കൊള്ളുന്ന മാർഗ്ഗനിർദ്ദേശങ്ങൾ അവലോകനം ചെയ്യേണ്ടതുണ്ടെന്ന് പിച്ചായ് പറഞ്ഞു. "സാമൂഹിക അകലം പാലിക്കുന്നതിനും ശുചിത്വവൽക്കരണ മാർഗ്ഗനിർദ്ദേശങ്ങൾ പാലിക്കുന്നുണ്ടെന്ന് ഉറപ്പുവരുത്തുന്നതിനും ഞങ്ങൾക്ക് കർശനമായ ആരോഗ്യ-സുരക്ഷാ നടപടികൾ ഉണ്ടാകും, അതിനാൽ നിങ്ങൾ തിരികെ വരുമ്പോൾ ഓഫീസ് രീതികൾ വ്യത്യസ്തമായി കാണപ്പെടും," ഗൂഗിൾ സിഇഒ പറഞ്ഞു.

"അവ ഇപ്പോഴും വലിയ തോതിൽ അടച്ചിട്ടിരിക്കുന്ന സ്ഥലങ്ങളിൽ ഓഫീസുകൾ വീണ്ടും തുറക്കാൻ പതിയെ നയമാനുസൃതമായി നടപടികൾ കൈക്കൊള്ളുകയാണ്. നിങ്ങൾക്ക് ഉൽ‌പാദനക്ഷമത ഉറപ്പാക്കുന്നതിനായി ആവശ്യമുള്ളത് നിങ്ങളുടെ പക്കലുണ്ടെന്ന് ഉറപ്പുവരുത്തുന്നതിനായി ഞങ്ങൾ വർക്ക്-ഫ്രം-ഹോം രീതിയിൽ കൂടുതൽ നിക്ഷേപം നടത്തുന്നു, "അദ്ദേഹം കൂട്ടിച്ചേർത്തു.