ഗൂഗിള്‍ മലേഷ്യയെ ഹാക്കര്‍മാര്‍ സ്തംഭിപ്പിച്ചു...!

ഗൂഗിളിന്റെ മലേഷ്യയിലെ സേവനങ്ങള്‍ ചൊവ്വാഴ്ച ഹാക്കര്‍മാര്‍ സ്തംഭിപ്പിച്ചു. ബംഗ്ലാദേശി ഹാക്കര്‍മാരാണ് ഏതാണ്ട് 20 മിനുട്ടോളം സേവനങ്ങള്‍ തടസ്സപ്പെടുത്തിയതെന്നാണ് റിപ്പോര്‍ട്ട്.

'Google Malaysia Hacked by TigerMate #Bangladeshi Hacker' എന്ന് ഹാക്കിങ് ചെയ്യപ്പെട്ട ഗൂഗിള്‍ പേജില്‍ സന്ദേശം ഉണ്ടായിരുന്നതായി റിപ്പോര്‍ട്ടില്‍ പറയുന്നു.

ഹാക്കര്‍മാര്‍ ഉപയോഗിച്ച ഡോമൈന്‍ ഏതാണെന്ന് കണ്ടെത്തിയതായും, മലേഷ്യന്‍ സൈബര്‍ സെക്യൂരിറ്റി സ്ഥാപനം ഇത് സംബന്ധിച്ച് നടപടി എടുക്കുമെന്നാണ് പ്രതീക്ഷിക്കുന്നതെന്നും ഗൂഗിള്‍ മലേഷ്യന്‍ പ്രതിനിധി അറിയിച്ചു.

ജനുവരിയിലും ഗൂഗിള്‍ മലേഷ്യയ്ക്ക് നേരെ ഹാക്കര്‍മാര്‍ ആക്രമണം ശ്രമം നടത്തിയിരുന്നു. കൂടാതെ മലേഷ്യന്‍ എയര്‍വേയ്‌സ് സൈറ്റ് ഹാക്കര്‍മാരുടെ ആക്രമണത്തിന് വിധേയമാകുകയും ചെയ്തു.