ഗൂഗിൾ മാപ്സ് അപ്ഡേറ്റിൽ പുതിയ ഫീച്ചറുകൾ

|

ഇന്നത്തെ ഗൂഗിൾ ബ്ലോഗ് പോസ്റ്റിൽ‌, ഗൂഗിൾ മാപ്‌സ് പ്ലാറ്റ്‌ഫോമിലെ പതിനഞ്ചാം ജന്മദിനം ഗൂഗിൾ മാപ്‌സ് അപ്ലിക്കേഷനായി ഒരു പുതിയ രൂപത്തോടൊപ്പം ഒരു പുതിയ അപ്ലിക്കേഷൻ ഐക്കണിനൊപ്പം ആഘോഷിക്കുന്നു. ആൻഡ്രോയിഡ്, ഐഓഎസ് എന്നിവ നിലനിൽക്കുന്നതിന് മുമ്പുതന്നെ 2005 ലാണ് ഗൂഗിൾ മാപ്‌സ് ആദ്യമായി അവതരിപ്പിച്ചത്. ലോഗോ മുതൽ ഇന്റർഫേസിൽ വരെ വ്യത്യാസമുണ്ട്. നിലവിൽ മാപ്പില്‍ സ്ഥലങ്ങള്‍ അടയാളപ്പെടുത്തുന്നതിനായി ഉപയോഗിച്ചുവന്ന 'പിന്‍' അടയാളമാണ് ഇനി മുതല്‍ ഗൂഗിള്‍ മാപ്പിന്റെ ഐക്കൺ. എക്‌സ്‌പ്ലോര്‍, കമ്മ്യൂട്ട്, സേവ്ഡ്, കോണ്‍ട്രിബ്യൂട്ട് എന്നിങ്ങനെ അഞ്ച് ഈസി ആക്‌സസ് ടാബുകള്‍ യൂസറിനായി ആപ്പിനകത്ത് ഉള്‍പ്പെടുത്തിയിട്ടുണ്ട്. ആപ്പ് വിന്‍ഡോയ്ക്ക് താഴെയായാണ് ഈ അഞ്ച് പുതിയ ടാബുകള്‍ ചേര്‍ത്തിരിക്കുന്നത്.

എക്‌സ്‌പ്ലോർ ടാബ് യൂസർ
 

എക്‌സ്‌പ്ലോർ ടാബ് യൂസർ ഉള്ള സ്ഥലത്തിന്റെ പരിസര പ്രദേശങ്ങളിൽ ആകര്‍ഷിക്കാനിടയുള്ള സ്ഥലങ്ങള്‍ പരിചയപ്പെടുത്തുകയാണ് ചെയ്യുക. ആ പ്രദേശത്തെ ടൂറിസ്റ്റ് സ്പോട്ടുകൾ, റസ്റ്റോറന്റുകള്‍, പാര്‍ക്കുകള്‍ തുടങ്ങിയവ അറിയാനും ആ സ്ഥലങ്ങളെ കുറിച്ചുള്ള ആളുകളുടെ കമന്റുകൾ അറിയാനും സാധിക്കും. ദിവസേനയുള്ള യാത്രകൾക്കാണ് കമ്മ്യൂട്ട് ടാബ് സഹായിക്കുക. തത്സമയ ട്രാഫിക് അപ്‌ഡേറ്റുകൾ അറിയാനും യാത്രാ മാര്‍ഗങ്ങള്‍ തീരുമാനിക്കാനും ഇതുവഴി സാധിക്കും.

ഗൂഗിള്‍ മാപ്പ്

യൂസറിന് ഇഷ്ടപ്പെടുന്ന സ്ഥലങ്ങള്‍ ഓർമിച്ചുവെയ്ക്കാൻ സൗകര്യമൊരുക്കുകയാണ് സേവ്ഡ് ടാബ്. പിന്നീട് എപ്പോഴെങ്കിലും നിങ്ങള്‍ പോവാന്‍ ആഗ്രഹിക്കുന്ന സ്ഥലങ്ങളെക്കുറിച്ചുള്ള വിശദാംശങ്ങൾ ഈ ടാബ് ഉപയോഗിച്ച് സേവ് ചെയ്യാനാവും. ഭാവിയിലെ യാത്രകൾ പ്ലാൻ ചെയ്യാൻ സഹായിക്കുമിത്. ഗൂഗിള്‍ മാപ്പ് യൂസറിന് അവര്‍ സന്ദര്‍ശിക്കുന്ന സ്ഥലങ്ങള്‍ സംബന്ധിച്ച വിവരങ്ങള്‍ മറ്റുള്ളവരുമായി പങ്കുവെയ്ക്കാൻ സഹായിക്കുന്ന ടാബാണ് കോണ്‍ട്രിബ്യൂട്ട് ടാബ്.

ആൻഡ്രോയിഡ്/ഐഒഎസ് യൂസർമാർ

നിങ്ങൾ പോകുന്ന റസ്‌റ്റോറന്റുകള്‍, ടൂറിസ്റ്റ് സ്ഥലങ്ങള്‍ എന്നിവയെ കുറിച്ചുള്ള അഭിപ്രായങ്ങള്‍ രേഖപ്പെടുത്താനും ചിത്രങ്ങള്‍ പങ്കുവെക്കാനും ഇവിടെ അവസരമൊരുക്കുന്നു. ഈ വിവരങ്ങള്‍ എക്‌സ്‌പ്ലോര്‍ ടാബ് വഴി മറ്റുള്ളവര്‍ക്ക് കാണാന്‍ സാധിക്കും. നിലവില്‍ ലോഗോ മാറ്റം മാത്രമാണ് ആൻഡ്രോയിഡ്/ഐഒഎസ് യൂസർമാർക്ക് പുതിയ അപ്‌ഡേറ്റിലൂടെ ലഭിക്കുക. പുതിയ ടാബുകള്‍ എത്തിയിട്ടില്ല. ലോഗോയിൽ മാത്രമല്ല നിറത്തിലും മാറ്റമുണ്ട്. ചുവപ്പ് നിറമുണ്ടായിരുന്ന ലൊക്കേഷൻ പിൻ മഴവില്ല് നിറത്തിലാണ് ഇനി കാണാനാവുക.

പാർട്ടി-തീമുള്ള യൂസർ ഇന്റർഫേസ്
 

കൂടാതെ, ഉപയോക്താക്കൾ ആപ്ലിക്കേഷൻ നാവിഗേറ്റുചെയ്യുമ്പോൾ ഒരു പാർട്ടി-തീമുള്ള യൂസർ ഇന്റർഫേസ് ആണ് കാണാനാവുക. ഇത് ഒരു നിശ്ചിത സമയത്തേക്ക് മാത്രമായിരിക്കും. യാത്രയിലെ താപനില, പ്രവേശനം ലഭ്യമാണോ എന്നുള്ള വിവരങ്ങൾ, സ്റ്റോപ്പ് ബട്ടൺ, സീറ്റിംഗ്, സെക്യൂരിറ്റി ഓൺബോർഡ് തുടങ്ങിയവയെപ്പറ്റിയുള്ള വിവരങ്ങളും ഗൂഗിൾ മാപ്പ് നൽകും.

 ഗൂഗിള്‍ മാപ്പ് പുതിയ മാറ്റങ്ങള്‍

ഇതിനുപുറമെ പൊതുഗതാഗത സംവിധാനമാണെങ്കിൽ അതിൽ സ്ത്രീകൾക്കായി പ്രത്യേകം സെക്ഷനുണ്ടോ എന്നും പറയും. ഇതിനുപുറമെ നേരത്തെ അവതരിപ്പിച്ച ആള്‍ക്കൂട്ടത്തെ പ്രവചിക്കാനുള്ള ഫീച്ചറില്‍ പുതിയ മാറ്റങ്ങള്‍ ഗൂഗിള്‍ മാപ്പ് കൊണ്ടുവന്നിട്ടുണ്ട്. ഈ ഫീച്ചർ ഉപയോഗിച്ച് യൂസർ യാത്ര ചെയ്യാൻ പോകുന്ന ബസ്, ട്രെയിന്‍,സബ് വേ എന്നിവിടങ്ങളില്‍ തിരക്കുണ്ടാവാന്‍ സാധ്യതയുണ്ടോ എന്ന് ഉപയോക്താക്കള്‍ക്ക് കാണാനും പ്രവചിക്കാനും കഴിയും.

ഗൂഗിൾ മാപ്പ്സ് ആപ്പ്

ഗൂഗിൾ മാപ്പ്സിന്റെ മൊബൈൽ അപ്ലിക്കേഷനിൽ കമ്പനി പരിഷ്കരിച്ച മാപ്പിന്റെ പുതിയ രൂപം ലഭ്യമാണെന്ന് ഗൂഗിൾ ബ്ലോഗ് പോസ്റ്റിലൂടെ അറിയിച്ചിട്ടുണ്ട്. ആപ്ലിക്കേഷൻ തുറന്നാൽ താഴെ കാണുന്ന മെനു ഓപ്ഷനിലൂടെ കോൺട്രിബ്യൂട്ട് ടാബ് ഓപ്പൺ ചെയ്യാൻ സാധിക്കും. ഈ ടാബ് ടാർഗറ്റഡ് പരസ്യത്തിനുള്ള മറ്റൊരു പ്ലാറ്റ്ഫോമായിരിക്കുമെന്നും റിപ്പോർട്ടുകളുണ്ട്. കാരണം ടാർഗറ്റഡ് പരസ്യത്തിനാവശ്യമായ ഡാറ്റ ഇതിൽ നിന്നും ലഭ്യമാകും.

ഗൂഗിൾ മാപ്സിൻറെ വാർഷികം

15-ാം വാർഷികത്തിന്റെ ഭാഗമായുള്ള നവീകരണത്തിനായി ഉപയോക്താക്കളോട് അവരുടെ ട്രെയിൻ, ബസ് യാത്രകളെക്കുറിച്ചുള്ള റിവ്യൂ നൽകാൻ ഗൂഗിൾ മാപ്പ്സ് ആവശ്യപ്പെടും. ക്യാബിനുകളിലെ താപനില, ഭിന്നശേഷിക്കാർക്കുള്ള സുരക്ഷയും താമസസൗകര്യവും, സുരക്ഷാ സവിശേഷതകൾ എന്നിവയുൾപ്പെടെയുള്ള വിവരങ്ങളണ് കമ്പനി ആവശ്യപ്പെടുക. തിരക്കേറിയ ട്രാൻസിറ്റിനെക്കുറിച്ചും മറ്റും സർവേ ചെയ്യുന്നതിനായി ഉപയോക്താവിന്റെ ലൊക്കേഷൻ ഗൂഗിൾ ഇതിനകം ട്രാക്കുചെയ്യുന്നു.

ഗൂഗിൾ

സെർച്ച് ആഡ് ബിസിനസ്സിൽ ഗൂഗിൾ കോടിക്കണക്കിന് ഡോളർ നിക്ഷേപം നടത്തിയിരുന്നു. ഇതിലൂടെയാണ് ഒരു ബില്യൺ ഉപയോക്താക്കൾക്ക് സൌജന്യ നാവിഗേഷൻ ആപ്ലിക്കേഷൻ ആക്സസ് ലഭിച്ചത്. ഗൂഗിൾ മാപ്‌സ് അപ്ലിക്കേഷനിൽ പരസ്യങ്ങൾ വർദ്ധിപ്പിച്ച് ലാഭം വർദ്ധിപ്പിക്കാൻ ഗൂഗിൾ പദ്ധതിയിട്ടിരുന്നു. സ്ഥലങ്ങളെയും സ്ഥാപനങ്ങളെയും കുറിച്ചുള്ള ഡാറ്റയ്ക്ക് ആളുകൾ ആശ്രയിക്കുന്ന ആപ്പിൽ പരസ്യങ്ങളുടെ സാധ്യത വളരെ കൂടുതലാണ്.

Most Read Articles
Best Mobiles in India

English summary
Google Maps first launched in 2005, back before Android and iOS even existed. Once Android came around, one of its selling points was that Android users had a free way to get turn-by-turn directions during a time when TomTom and Garmin sold its GPS units, and US carriers charged subscription fees to use their own turn-by-turn maps on feature phones.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more
X